استفسار بخصوص جوليت 2005

[shady2012]

صباح الفل على شباب المنتدى الجامد دة , اشتريت والحمد للة من يومين جوليت 2005 وبصراحة كنت راكب ابيزا قبل كدة وحاسس بشوية فرق بين السيارتين فياريت الى الخبراء يريحونى فى الاستفسارات دى :

اولا العربية مش جراية فى النقلات الاولى والار بى ام بعد 2500 بحس بان صوت الماتور بيعلى ولازم انقل

بين النقلات بحس ان فية دوسة فى الهواء والار بى ام بيطلع وبعدين ينزل تانى

الكاوتش بتاعها مش عاجبنى وبفكر اغيرة فياريت اعرف المقاس المناسب وعموما الية راكب مقاسة 13/175/70 على جنط اسبور

انا لسة مقدرتش اعرف هيا بتعمل كام كيلو فى اللتر الواحد بس حاسس انها بتاكل بنزين شوية

بالنسبة لمياة الراداتير هغيرها انشاء اللة بس احط مياة خضراء واكمل الباقى مياة مقطرة ولا احط مياة مقطرة ومعاها كنزاية مركزة خضراء ومانع صداء ومبرد

غير كدة الى حينة الحمد للة معنديش مشاكل وانشاء اللة رايح اليوم اغير الفلاتر والسيور كلها وزيت

ارجوا الافادة وشاكر ليكم جداا

[lanos2004]

مبروك واستهلاك البنزين فى الدايو اعلى من الابيزا بفرق ملحوظ
انا بحط ميه اسبانى ومانع صدا
لو قدرت تغير الجنوط الى 14 او 15 يكون افضل فى ثبات السيارة
ومتنساش تعمل صيانه وخاصه تغيير سير الكاتينه اضمن ليك

[shady2012]

وفى حاجة كمان السيارة فى الرخصة اسمها اركيديا مش جوليت ولكنها جوليت شكلا وموضوعا فيا ترى حد يعرف حاجة عن الموضوع دة

وشكرا

[lanos2004]

وفى حاجة كمان السيارة فى الرخصة اسمها اركيديا مش جوليت ولكنها جوليت شكلا وموضوعا فيا ترى حد يعرف حاجة عن الموضوع دة

وشكرا

ممكن تكون اركيديا اخت جوليت اولاد الحاج دايو
دى حاجه جديده جدا

[shady2012]

ههههههههههههههههه واللة ممكن لانى اول مرة اسمع الموضوع دة وربنا يستر ميكونش فى بنات تانى

[hany essa]

انا معايا جوليت 2004 ومكتوب فى الرخصه دايو لانوس مفيش حاجه اسمها اركيديا ولا بتتكتب حتى جوليت والف مبروك اهم حاجه لازم تعملها انك تغسل دوره المياه وتشوف لو فى تسريب وكمان طقم جوانات والاهم الاهم سير وبليه الكاتينه علشان تمشى مطمن وبعدها تغير زيت

[akmm]

متابع .........

[mgelgel]

انا شايف لازم تصحح اسم العربية الاول و تتاكد كمان من رقم الموتور و الشاسيه
بعد كده تعملها صيانة فورية بدءا من سير التقسيمة و تيل الفرامل و فلتر الهوا و طقم بوجيهات و سلوك و بالنسبة لزيادة rpm بين النقلات فده اعتقد حساس الايدل عاوز يتنضف و بالمرة نضف معاه البوابة و المانفولد و عموما ربنا يبارك لك في العربية و يكفيك شرها

[shady2012]

مشكور كل من اهتم ورد عليا ولكن بخصوص الاسم انا لسة فاحص ومرخص وطالع عين اهلى 3 ايام بين مرور فيصل والدراسة ومصر الجديدة لحد مخلصت ومفيش حد علق خالص على موضوع اركيديا دة , وبالنسبة لحساس الايدل دة اعملة فين , ولو هركب جنوط 14 او 15 يكون مقسهم المناسب كام

[MOSTAFA . AHMED]

صباح الفل على شباب المنتدى الجامد دة , اشتريت والحمد لله من يومين جوليت 2005 وبصراحة كنت راكب ابيزا قبل كدة وحاسس بشوية فرق بين السيارتين فياريت الى الخبراء يريحونى فى الاستفسارات دى :
اولا العربية مش جراية فى النقلات الاولى والار بى ام بعد 2500 بحس بان صوت الماتور بيعلى ولازم انقل
مش حتحس بجري العربية غير بعد 3 ار بي ام
بين النقلات بحس ان فية دوسة فى الهواء والار بى ام بيطلع وبعدين ينزل تانى
مش عارف حلها ايه
الكاوتش بتاعها مش عاجبنى وبفكر اغيرة فياريت اعرف المقاس المناسب وعموما الية راكب مقاسة 13/175/70 على جنط اسبور
انا كنت مركب 195/50/15
انا لسة مقدرتش اعرف هيا بتعمل كام كيلو فى اللتر الواحد بس حاسس انها بتاكل بنزين شوية
هي في المتوسط كانت بتعمل 10 كيلو في اللتر ما بين مشي جو البلد و جري في الدولي ومابين تشغيل تكييف وبدونه لكن ممكن توصلهم ل 12 كيلو في اللتر او 8 او 9 كيلو في اللتر حسب اسلوب سواقتك
بالنسبة لمياة الراداتير هغيرها إن شاء الله بس احط مياة خضراء واكمل الباقى مياة مقطرة ولا احط مياة مقطرة ومعاها كنزاية مركزة خضراء ومانع صداء ومبرد
غير كدة الى حينة الحمد لله معنديش مشاكل وإن شاء الله رايح اليوم اغير الفلاتر والسيور كلها وزيت
ارجوا الافادة وشاكر ليكم جداا

[MOSTAFA . AHMED]

فى حاجة كمان السيارة فى الرخصة اسمها اركيديا مش جوليت

انا عن نفسي كانت في الرخصة مكتوبة لانوس اول مرة اسمع كلمه اركيديا ده

[midooo_119]

صباح الفل على شباب المنتدى الجامد دة , اشتريت والحمد لله من يومين جوليت 2005 وبصراحة كنت راكب ابيزا قبل كدة وحاسس بشوية فرق بين السيارتين فياريت الى الخبراء يريحونى فى الاستفسارات دى :

اولا العربية مش جراية فى النقلات الاولى والار بى ام بعد 2500 بحس بان صوت الماتور بيعلى ولازم انقل

غير الرشاشات ببتاعه بى ام دبليو ام 40 و ده موضوع عنها
اخيرا غيرت الرشاشات ب m40

بين النقلات بحس ان فية دوسة فى الهواء والار بى ام بيطلع وبعدين ينزل تانى

غالبا الموضوع ده هيتغير بتغيير الرشاشات

[HeMa_LanCeR]

ممكن اعرف اسعارها كام حاليا
لأني بدور علي واحدة

[ehabomar1987]

انا عربيتى جوليت ومكتوب فى الرخصة برده جوليت مش عارف ايه موضوع الاركيديا ده بس على العموم الف مبروك عليك يا باشا وربنا يديك خيرها ويكفيك شرها :)

[shady2012]

اللة يبارك فيكوا يا شباب وبالنسبة للسعر انا جبتها 44500 الف والتسجيل فى الشهر العقارى 885 والموظفة خدت الباقى تبس يعنى 900 جنية , بس انا عاوز اغير الكاوتش واعرض الجنوط يا ترى اية الجنوط المناسبة للسيارة ونوع الكاوتش ومقاسة .
وشكرا