قربت اولع في العربية

[bebom]

السلام عليكم
انا بقالي فتره كبيره متابع مشاكل الانوس سواء في المنتدي هنا او مع عربيتي
واكتر المشاكل ارتفاع الحراره او نقص المياه

عايز اعرف هوا عيب في الانوس ولا ده طبيعي

وازاي اخلي العربيه متسخنش واحافظ علي العربيه عشان سواء انا او غير منكرهش الانوس


انا الي اعرفه
طرمبة المياه بتتغير كل 80 الف
والبوجيهات 20 الف
والكاتينة 40 الف

ياريت حد يكتب جدول الصيانه بالكامل او الي يعرف حاجة يقولها بس يكون متاكد

عربيتي لانوس 2005 عامله200الف شاريها كده مغير ماكنه استيراد طرمبة مياه جديده سلك بوجيهات موبينه طبعا بوجيهات ماستر فرامل تيل فرامل لسه طقم دبرياج
بس بالله عليكم تجوبوني وتنصحونا ونا بحاول اظبطها علي مزاج ومش مهم المصاري المهم تكون 10 علي 10
ازاي نحافظ علي العربيه وايه هيا الصيانه ومواعيدها عشان مولعش في العربيه والله بخاف اخرج بيها

[aw2100]

يريت توضح السخونة ازاى ؟درجة الحرارة بتوصل كام ؟ سحب العربية ازاى؟ هل مية الرادياتير بتغلى ؟
السخونة من الأتى عدم ضبط التكايات - الشكمان مسدود - فية عجل قافش - ضبط كومبيوتر العربية - نوع زيت الموتور وحش وانصحك بزيت شل الأصفر 5000 كيلو - طبعا دورة التبريد الرادياتير مسدود -الترموستات بيظة وخصوصا انك بتقول ان الموتور استيراد - بتحط مية من الحنفية ؟؟؟
انصحك شوف ميكانيكى فاهم فى اللانوس وحيظبطهلك ؟؟؟

[m_elkhishin]

نقص المياه في أي سيارة لا يخرج عن 3 أسباب ملهومش رابع:

1- تسريب من أحد الخراطيم سواء عدم احكام ربطها أو وجود قطع أو شقوق بها.
2- تلف جوان وش السيلندر. وده بيخلي المياه تدخل غرفة الاحتراق وتتبخر مع العادم.
3- وجود شرخ في البلوك

[tarek_2005]

يريت توضح السخونة ازاى ؟درجة الحرارة بتوصل كام ؟ سحب العربية ازاى؟ هل مية الرادياتير بتغلى ؟
السخونة من الأتى عدم ضبط التكايات - الشكمان مسدود - فية عجل قافش - ضبط كومبيوتر العربية - نوع زيت الموتور وحش وانصحك بزيت شل الأصفر 5000 كيلو - طبعا دورة التبريد الرادياتير مسدود -الترموستات بيظة وخصوصا انك بتقول ان الموتور استيراد - بتحط مية من الحنفية ؟؟؟
انصحك شوف ميكانيكى فاهم فى اللانوس وحيظبطهلك ؟؟؟

مفيش في اللانوس ظبط تاكيهات

نقص المياه في أي سيارة لا يخرج عن 3 أسباب ملهومش رابع:

1- تسريب من أحد الخراطيم سواء عدم احكام ربطها أو وجود قطع أو شقوق بها.
2- تلف جوان وش السيلندر. وده بيخلي المياه تدخل غرفة الاحتراق وتتبخر مع العادم.
3- وجود شرخ في البلوك

هناك اسباب اخري كثيرة علي سبيل المثال وليس الحصر
1- ثقب بالردياتير
2 - تلف غطاء القربة
3- ثقب بسربنتينة الدفاية
4 - ........................
5- ..........................


اما صاحب الموضوع ارجع لاهم الموضوعات هتلاقي جدول صيانة اللانوس

[m_elkhishin]

مفيش في اللانوس ظبط تاكيهات



هناك اسباب اخري كثيرة علي سبيل المثال وليس الحصر
1- ثقب بالردياتير
2 - تلف غطاء القربة
3- ثقب بسربنتينة الدفاية
4 - ........................
5- ..........................


اما صاحب الموضوع ارجع لاهم الموضوعات هتلاقي جدول صيانة اللانوس

كلامك سليم
شكرا على الاضافة

[bebom]

الف شكر ليكم

[aw2100]

مفيش في اللانوس ظبط تاكيهات

سؤال بتضبط حركة الصبابات ازاى فى اللانوس ؟؟؟

[tarek_2005]

عن طريق ضغط الزيت والكستبانات

[hytham_112]

ممكن تكون طلمبة المياه تعبانة وبتجيب مياه زى ما حصل عندى المياه كانت بتنقص و فجأة لقيت المياه كلها على الارض من الطلمبة
كمان ممكن تكون طبب البلوك

[bebom]

فعلا طلمبة المياه كانت بتسرب يرتها
وفيه خراطيم بتسرب وغيرتها
والحمد الله مفيش تسريب ولا سخونه بس ان شاء الله احافظ عليها عشان عامله زي الطفل

نفسي والله اوديها لميكانيكي من غير مكلم يكشف عليها ويقلي علي اي حاجه فيها بس للاسف مش لاقي ياما عايز يشتغلك ياما مكسل