ايه سبب تعويم العربية فى المطر

[AlGazar2]

السلام عليكم

ايه سبب تعويم العربية فى المطرة
العربية نوبيرا 2 و الكاوتش الى راكب كومهو فيتنامى مكملش 10 الاف كيلو السرعه تقريبا 60 مع ان فى العادى بمشى 120 و اكتر و ملفات و مبتعومش ولا اى حاجة خالص

يعنى العيب يكون فى المقصات ( متغيره قريب ) ولا البطاحات ( مشققة على خفيف )

[agaty1st]

سبب التعوين ان الشوارع مليانه تراب و لما بتمطر بتقي الدنيا كلها طينه
ودي تزحلق اي عربيه

[Ahmed Selim]

المياه و التراب يعملوا كده طبعاً.

[agaty1st]

ده انتا لو ماشي على رجليك هاتزحلق

[Esam Mosaad]

مع احترامى للاراء

ممكن يكون العجل بتاعك فاتح او قافل وده اكيد هياثر علي ااتزان العربيه

[akmm]

او المساعدين خاصه ان حضرتك اشرت للبطاحات ....

[AlGazar2]

شكرا لكل الاعضاء الى ردوا

بس الشارع مكانش طينة اوى كان مطر ( طريق مدينة نصر المعادى ) طريق كويس مش وحش

العربية فى العادى مش بتعوم لغايه 180 و انا لوحدى و 140 لو التحميل كامل

هجربها تانى و اكشف عليها

المساعدين و السوست الامامية حالتهم كويسه - السوست الخلفية ضعيفة شويه بس بتبان لما يبقى فى حد فى العربية معايا لكن لوحدى لا

العجل مظبوط فى العادى مش بتحدف و لما بدوس فرامل و سايب ايدى بتفضل فى نفس الخط المستقيم بتاها فى الطرق النضيفة بس طبعا

مع العلم انى لسه مربط العفشة قريب و مربط المساعدين فى البطاحات برضه

[Ahmed Selim]

هو التعويم بيحصل مع أيه ؟

يعني مع دوسة الفرامل مثلاً أو فى ملف ولا أيه ؟

[AlGazar2]

هو التعويم بيحصل مع أيه ؟

يعني مع دوسة الفرامل مثلاً أو فى ملف ولا أيه ؟

تعويم لوحده من قدام بحس ان العربية عايزه تروح بس مبتروحش فى حته

مع الفرامل ثابته عادى و مع الملفات عادية برضه

السرعه 60 تقريبا و ممكن اقل

[هيثم الشرقاوى]

ممكن تكون جلب المقصات فيها بوش

[megaman]

راجع ضبط الزوايا هنا تكمن المشكله

[midooo_119]

ممكن الجلب الموضوع ده هيفيدك
تقرير عن تجربة جلب فورد لمقصات النوبيرا

[AlGazar2]

ممكن الجلب الموضوع ده هيفيدك
تقرير عن تجربة جلب فورد لمقصات النوبيرا

انا شاكك فى الجلب فعلا بس مش متأكد ( المقص كده مكملش 6 شهور اتعمل فيهم حوالى 15 الف تقريبا منهم 5 او اكتر سفر لمطروح و اسكندرية )

بس لو هيه ناوى اعملها بجلب الفورد زى الموضوع بالظبط ان شاء الله

و شكرا لكل الاعضاء الى ردوا

[AlGazar2]

دلوقتى انا روحت للعفشجى كشف على العفشة طلع الى فى العربية
تغيير اتياش الميزان الامامى و كوتش الميزان و جوايط مساتر العجل الامامى و لاول مره فى التاريخ جلب المقصات مش بايظه الحمد لله

و العربية امبارح عملت معايا نفس الحركة على الاوتوستراد عديت على مياه و بعدها بشويه العربية زى ما تكون حدفت يمين ( كنت على سرعه 100 تقريبا )

فالحدفة دى من ايه بقى ( العربيه فى العادى مبتحدفش و لما افرمل بتكمل فى طريقها عادى )

و البطاحات عندى تقريبا عايزه تتغير بس قالى هنفك المساعد الاول و نكشف عليها و قالى متخليش العربية تعوم برضه

فالتعويم او الحدفة دى من ايه بقى

[Khaled Lanos]

الحدفة ممكن تكون محتاج ظبط زوايا