قربة مياه المساحات

[samehenany05]

كل ما احط ماء للمساحات المياه بتزل على الارض وكانت شغاله ياترى العيب يكون من ايه وهل فيه خرطوم يكون سايب ولا القربه اتخرمت ومحتاجه تغيير وسعرها كام علما بانى مش عارف اوصل لمكان المشكله لان الكرتيره مغطيه على مكان الاربه

[Mohamed ELOoL]

والله انا عندي نفس المشكلة دي بس معملتهاش ( كسل ) :) و انا لسة شاري العربية من شهر

بس اعتقد انه الخرطوم الي بيوصل للمسحات مياه مقطوع

[zomzom11]

الكهربائى هو الى هايحدد لك بس انت ممكن تعرف لو شغلتها الموتور بيوصل ولو جزء من الميه ولا مابيوصلش اساسا لو بيوصل يبقى الموضوع تسريب فى خرطوم من القربه للبزبوز الى بيرش ميه لو مش بيوصل ميه اعرف ان الموتور هو الى بايظ ومش بيضخ الميه للخرطوم الموتور كورى بس مش اصلى كنت جايبه ب 35 او ب 40 جنيه من التوفيقيه وشغال بقاله 4 شهور زى الفل

[alking_2006]

فك القربة و هات انبوبة سليكون حرارى و اعمل الموضوع فى البيت املاها ميه و اعرف التسريب منين من القربة و الحمها و ركب اما لو العيب من الخراطيم يبقى تذود عليها بالسليكون اما لو الخراطيم مشققة يبقى هات طقم خراطيم و بردو الزقها بسليكون

[samehenany05]

فك القربة و هات انبوبة سليكون حرارى و اعمل الموضوع فى البيت املاها ميه و اعرف التسريب منين من القربة و الحمها و ركب اما لو العيب من الخراطيم يبقى تذود عليها بالسليكون اما لو الخراطيم مشققة يبقى هات طقم خراطيم و بردو الزقها بسليكون

شكرا على الافاده

[mero100]

حصل معايا الموضوع ده و كان العيب من توصيله الخرطوم الرفيع اللي ماشي فوق كارتيره العجله الشمال ( يسار قائد السياره) و الحل كان ربط البزبوز اللي موصل الخرطومين من الناحيتين بتوع البزبوز االلي فوق الكارتيره بعدد 2 كويل ابيض ( الشرائط االبيضه اللي بتربط طاسات العجل ) .