لما افتح قربة المية حتى و العربية باردة بيطلع هوا ؟

[MITSUKERO]

لو العربية بتسخن منك لازم تعرف السبب

تسخن يعني تعدي الشرطة اللي في النص

[hesham ahmed]

عندي بتعمل كده عادي جدا

[tarek_2005]

مشكلتك في غطاء القربة به بلف الحماية من زيادة الضغط وبيتلف بطريقتين الاولي وهو التسريب وعدم احكام الدورة ومظاهره نقص في المياه وتسريب مياه بع اغلاق المحرك فوراً والطريقة الثانية هي سدد هذا البلف وعدم عمله ومظاهر التلف هي بالظبط ما يشكو منه العضو الكريم صاحب الموضوع

[tuttoo]

مع كامل احترامي للجميع دي علامة بدائية لجوان وش السلندر يعني العيب لسة ف اولة

[nadoor333]

مشكلتك في غطاء القربة به بلف الحماية من زيادة الضغط وبيتلف بطريقتين الاولي وهو التسريب وعدم احكام الدورة ومظاهره نقص في المياه وتسريب مياه بع اغلاق المحرك فوراً والطريقة الثانية هي سدد هذا البلف وعدم عمله ومظاهر التلف هي بالظبط ما يشكو منه العضو الكريم صاحب الموضوع

شكرا على رد حضرتك بس العربية عندى مش بتعدى النص فى مؤشر الحرارة وسط البلد لكن ما جربتش اجرى على طرق و اعرف اية الظروف ! ولو مشيت بيها كدة ممكن يحصل اية ؟ و هلالهوا المضغوط اللى بيكون مجبوس دة فية غلط لو انا مشيت بالعربية مسافة لانى مسافر شرم الشيخ و مش عايزها تعملهامعايا فى الطريق ؟ ارجو الافادة و شكرا

[nadoor333]

مشكلتك في غطاء القربة به بلف الحماية من زيادة الضغط وبيتلف بطريقتين الاولي وهو التسريب وعدم احكام الدورة ومظاهره نقص في المياه وتسريب مياه بع اغلاق المحرك فوراً والطريقة الثانية هي سدد هذا البلف وعدم عمله ومظاهر التلف هي بالظبط ما يشكو منه العضو الكريم صاحب الموضوع

طيب يابشمهندسطارق انا ها اغير غطاء القربة بس هوبيتباع لوحدة ؟ و فى منة انواع و اية افضل نوع و اجيبة منين و بكام تقريبا ؟ و ياريت مكان يكون قريب من الهرم او الجيزة و شكرا

[tarek_2005]

ب 25 جم اصلي من ابو الحسن او المنير او الخواجة

[nadoor333]

ب 25 جم اصلي من ابو الحسن او المنير او الخواجة

الله يكرمك يا بشمهندس طارق بس انا عايز اعرف ازاى اللى عندى بايظ و التانى اللى ها اجيبة سليم يعنى اية التأثير لما اجيب الغطا الجديد ؟ اعزرنى انا لسة جديد فى موضوع مشاكل العربيات

[mo7eb elrasol]

يارب تكون على قد الغطا ومايكونش علامات جوان وش سلندر

[nadoor333]

انا جبت الغطا من عند المنير بس بتاع الاوبيل قالى دة شغال تمام ركبتة و ربنا يستر بقى

[mo7eb elrasol]

انا جبت الغطا من عند المنير بس بتاع الاوبيل قالى دة شغال تمام ركبتة و ربنا يستر بقى

جضرتك خد هواء اللردياتير كمان علشان تطمن اكتر.

[nadoor333]

ربنا يخليكوا يا رجالة العربية وصلتنى تمام و الحمد لله و ما سخنتش طول الطريق انا كمان ما زودتش عن 110 سرعة و ربنا يسترها بس كنت عايز اسال انا عندى و انا على الخامس على 3 ار بى ام العربية بتجيب 100 بالظبط !! كدة مظبوطة و لا اية ؟ و الرابع على 3 ار بى ام بيجيب 80 ؟ السرعات دة متظبطة و لا اية ؟