ماهو الوقت المناسب للوصول لدرجة الحرارة الطبيعية للعربية

[tefa22m]

هل طبيعى فى الجو الباررد ده ان العربيه تاخد حوالى ربع ساعه ماشى و فى وسط البلد مش طريق سريع عشان الحراره توصل للنصف او الطبيعى ؟
و لا كده عندى مشكله فى صباع الحراره او تثرموستات الكوعه على حسب ما قرات هنا فى المنتدى ؟

[EngAhmedSakr]

لا مش طبيعي خالص
بالكتير 5 دقايق تسخين للوصول لدرجه الحاره الطبيعيه

اتاكد ان ثرموستات الكوعه عندك مش متشال

[midooo_119]

لا مش طبيعي خالص
بالكتير 5 دقايق تسخين للوصول لدرجه الحاره الطبيعيه

اتاكد ان ثرموستات الكوعه عندك مش متشال

+111111111111

[aldesha989]

انا مش فاهم يعنى العربيه المفروض توصل للنص بعد خمس دقايق من التشغيل ؟

انا العربيه بتأخد وقت اطول من كده بتكتير علشان تسخن يمكن بروح مشوار وارجع وتشتغل وانا راجع ؟

[MohammedAladel]

الطبيعى إنك تدور العربية طبعا ال rpm عالى شوية استنى أما ينزل للحد الطبيعى وصوت الموتور يهدى بتاع 20-30 ثانية

ابتدى اتحرك بالعربية على طول بس من غير ما تحرق على الغيارات عشان متزعلش الموتور على المدى البعيد

فى مسافة 5 دقايق مشى على الطريق تكون العربية وصلت للحرارة الطبيعية

لو حرقت على الغيارت الحرارة هتزيد فى وقت أقل بس كدا مش صح للموتور بيقلل من عمره

غير كدا يبقى بالفعل عندك حاجة غلط فى دورة التبريد

واحتمال يكون ثرموثتات الكوعة مفتوح ع الآخر ومعلق زى ما حضرتك والأعضاء قلتم

[medo_mony]

لا مش طبيعي خالص
بالكتير 5 دقايق تسخين للوصول لدرجه الحاره الطبيعيه

اتاكد ان ثرموستات الكوعه عندك مش متشال

[medo_mony]

[QUOTE=EngAhmedSakr;3874743969]لا مش طبيعي خالص
بالكتير 5 دقايق تسخين للوصول لدرجه الحاره الطبيعيه

اتاكد ان ثرموستات الكوعه عندك مش متشال[/QUO

تمام اوى كدة هو دة الطبيعى

[tefa22m]

متشكرين يا رجاله هو الثرموستات موجود بس يمكن بايظ
طيب فى طريقه اعرف بيها شغال و لا معلق؟

[ahmad_salama]

متشكرين يا رجاله هو الثرموستات موجود بس يمكن بايظ
طيب فى طريقه اعرف بيها شغال و لا معلق؟

اه في طريقه

1. افتح القربه ودور العربيه وهي بارده او علي الاقل مش سخنه
2. لو لقيت خرطوم الراجع الي جاي من الردياتير للقربه بيدخل مياه علي القربه يبقي كده الترموستات فاتح ومحتاج يتغير

[tefa22m]

اه في طريقه

1. افتح القربه ودور العربيه وهي بارده او علي الاقل مش سخنه
2. لو لقيت خرطوم الراجع الي جاي من الردياتير للقربه بيدخل مياه علي القربه يبقي كده الترموستات فاتح ومحتاج يتغير

يعنى مفروض ان خرطوم الفايز اللى داخل على القربه ما يجيبش مياه و هى بارده .......هاجرب الطريقه ديه و اقولكم النتيجه ؟

[ahmad_salama]

يعنى مفروض ان خرطوم الفايز اللى داخل على القربه ما يجيبش مياه و هى بارده .......هاجرب الطريقه ديه و اقولكم النتيجه ؟

بالظبط.
وبمعني ادق خرطوم الفايظ ميجيبش مياه طالما الترموستات قافل

[tefa22m]

انا فكيت خرطوم المياه الكبير اللى طالع من ثرموستات الكوعه و داخل على الريداتير و العربيه بارده ما جابش مياه خالص
اما الخرطوم الرفيع اللى داخل على القربه من خلف المتور كان بيجيب مياه سخنه
هى ديه التجربه اللى عملتها مش عارف بقى ده كده ان الترموستات شغال كويس اومال العربيه بتاخد اكتر من ربع ساعه او اكتر على ما الحراره توصل للنصف ليه ؟

[ahmad_salama]

انا فكيت خرطوم المياه الكبير اللى طالع من ثرموستات الكوعه و داخل على الريداتير و العربيه بارده ما جابش مياه خالص

وده معناه ان الترموستات قافلة

اما الخرطوم الرفيع اللى داخل على القربه من خلف المتور كان بيجيب مياه سخنه

معرفش ده بتاع ايه

هى ديه التجربه اللى عملتها مش عارف بقى ده كده ان الترموستات شغال كويس اومال العربيه بتاخد اكتر من ربع ساعه او اكتر على ما الحراره توصل للنصف ليه ؟

متحطش في دماغك انت استني هما 30 ثانيه اول 60 ثانيه وبعدين اتحرك واحده واحده من غير حرق لغايه ما الحراره توصل لطبيعتها وبعدين امشي براحتك

[tefa22m]

الف شكر أ /احمد سلامه
على سرعه ردك و تعاونك

[ahmad_salama]

الف شكر أ /احمد سلامه
على سرعه ردك و تعاونك

تحت امرك :)
اصل انا كنت في الحكايه دي الاسبوع الي فات ف علشان كده لازم نساعد بعضنا