ارجو المساعدة فى سير كاينة نوبيرا 2

[هيثم الشرقاوى]

السلام عليكم .. الحمد لله نزلت اشتريت سير كاتينة وعدد 2بلية كاتينة وسير مجموعة وبليتين لسير المجموعة بردة السيور من نوع دايكون ايطالى الكاتينة عمل 80 جنية والمجموعة 65 جنية بلى الكاتينة 130 جنية الثابتة والمتحركة hsc وبليتين المجموعة 70 جنية hsc من عند واحد فى المولاللى فى التوفيقية فى الدور الثالث اسمه عصام بتاع الكورى المهم بعد ما فتحت العلبة بتاعت سير الكاتينة لقيت السللك الداخلى بتاع السير باين عند سنة غطسة من سنون السير سالت واحد بتاع قطع غيار قاللى دة طبيعى عشان دة القفل بتاع السير فهل دة طبيعى ولا لا عشان انا خايف ان السير يكون فية مشكلة والاحتكاك بين التروس والسنة اللى السلك مكشوف فيها يعمل تاكل فى السير انا كدة كدة نازل التوفيقية النهاردة وحروح للراجل اوريلة السير بس عايز اعرف راى اعضاء المنتدى الكرام وكمان واحد صاحبى قالى اشتريلة طقم دبرياج لعربية جولييت اجيب من عند مين افضل واحد ، انا كنت قريت مشاركة من احد الزملاء بيقول عزيز سليمان فى التوفيقية فهل دة احسن واحد ولا اشترى من عند حد تانى وعزرا للاطالة والسلام عليكم ورحمة الله وبركاتة

[MITSUKERO]

اولا مبروك

ثانيا انا سير الكاتينة و الشداد بتاعة عمري ما حاولت حتي اجيبهم مضروب او تقليد او من اي حته غير التوكيل او مركز معتمد زي ابوالحسن

باقي الحاجات معرفشي فيها للأسف

[هيثم الشرقاوى]

اولا مبروك

ثانيا انا سير الكاتينة و الشداد بتاعة عمري ما حاولت حتي اجيبهم مضروب او تقليد او من اي حته غير التوكيل او مركز معتمد زي ابوالحسن

باقي الحاجات معرفشي فيها للأسف

يا باشا جزاك الله خير على الرد بس فرق السعر كبير والعملية مخبطة جامد اليومين دول بس انا سالت عن السير دة ناس كتير بتشكر فيه وعن تجارب شخصية بس حتة السلك الى مكشوفة فى السير ده فعلا القفل بتاع السير ولا السير كدة بايظ

[blazer]

غير السير وخلاص
انا بشترى من البنا فى التوفيقة ناس منتهى الاحترام
او عزيز سليمان ودا اغلى عشان وكيل
والاغلى منهم ابو الحسن

[هيثم الشرقاوى]

غير السير وخلاص
انا بشترى من البنا فى التوفيقة ناس منتهى الاحترام
او عزيز سليمان ودا اغلى عشان وكيل
والاغلى منهم ابو الحسن

يا باشا جزاك الله خيرا وفعلا انا روحت للراجل الى اشتريت منه عشان اغير السير وقالى دة طبيعى وورانى سير من عندة لقيت فيه تكشيف برده فركبت السير والبليتين وسير المجموعة بس سير المجموعة بلية واحدة بس هرجع التانية ان شاء الله وبالمرة غيرت زيت الفتيس نظافة ونضفت البوابة والبوجيهات وروقت العربية شوية الحمد لله والله الموفق والسلام عليكم