كنت ناوى اجيب لانوس و حظرونى - ارجو الافاده

[mtolaymat]

الاسلام عليكم و رحمه الله
كنت ناوى اجيب شيفروليه لانوس زيرو لانها عربيه جيده بالنسبه لسعرها وسعر قطع غيارها رخيص نسبيا , بس فى اثنين من اصدقائى قالولى ان منصور لما اخد اللانوس غير فيها حاجات و حط حاجات صينى تعبانه ( اسف على الكلمه لاكن انا انقل كلامهم بالنص) و بقت اسواء كتير من الاول لدرجه انك ممكن تشترى دايو لانوس قديم افضل من الجديد شفروليه - هوا ده كلام صحيح ؟ و لو كلامهم صحيح اشترى ايه ؟؟؟؟؟؟؟؟؟؟

[abo_lamar]

هو فعلا في ناس كتير بتشتكي من الموديلات الجديدة للانوس بس برضه في ناس تانية كتييييييييييير اوي مبسوطين جدا منها وماشية معاهم زي الفل .

بص ميزة العربية دي في حاجتين :
1 - قطع غيار متوفرة في كل مكان ورخيصة
2 - اي ميكانيكي حافظها عن ظهر قلب واعطالها معظمها معروفة .
اتكل على الله واشتريها وان شاء الله حتتبسط منها .

بالتوفيق يا باشا

[midooo_119]

اللى فاكره ان فالشيفروليه لانوس البوبينه صينى و ناس كتير اشتكت من اعطالها

[Y a r i s]

متابع

[hossam_elwani]

التحذير فى محله

[mero100]

حنقلك تجربتي بكل حياديه و أمانه لأني أكتر واحد عانيت و مازلت بعاني مع منصور .. بس معلش حاليا مش حقدر أكتب .. إنتظر مشاركتي و حفيدك بالتفصيل كمان ساعتين.

[hessenp]

حنقلك تجربتي بكل حياديه و أمانه لأني أكتر واحد عانيت و مازلت بعاني مع منصور .. بس معلش حاليا مش حقدر أكتب .. إنتظر مشاركتي و حفيدك بالتفصيل كمان ساعتين.

متاااااابع بشدة ايةاللى حصلك وياريت بالتفصيل ..............

[mtolaymat]

منتظر بجد

[mtolaymat]

مش ممكن البوبينه تتعير بواحده اصلى ؟

[gabry832003]

عربية ماتسواش تمنها

[AlGazar2]

لو عايز لانوس يبقى تشترى واحده مستعملة دايو افضل من الجديد و تحذير صحابك فى محلة

[mtolaymat]

طيب ممكن حد يقولى عيوبها ايه ؟ و الدايو القديم احسن ليه ؟

[mtolaymat]

و بردو حد يقولى .. انا معيه فى حدود 70 الف .. اجيب ايه ؟

[midooo_119]

عربية ماتسواش تمنها

هى جات عليها .. هات عربية واحده فمصر تسوى تمنها

[dedi]

صدقنى سؤالك محير جدا هو فعلا الانوس الجديدة ماتسواش و لكن تشترى اية يعنى انا كنت بافكر فى التغيير و فكرت فى بريليانس حتى امس سوفت واحدة عند الميكانيكى ماتورها مكسور و نايمة عندة بقالها 10 ايام و قالى خليك بعيد منها
واحد صديقى معاة الشيرى اية 15 عندم اشتراها نصح اثنين اصحابة بشرائةا و فعلا اشتروا بعد 6 اشهر قال لى انة يتمنى ان يكتب عليها اسوء سيارة خمعت فى مصر و هو كارها جدا byd فية ناس على المنتدى كتبوا عن موضوع عزل السيارة قبل الدهان و تاثير الصدأ عليها و طبعا بلاش الافيو عرفت لية سؤالك محير
راى انتظر شوية لحد لما نشوف الجيلى الامجراند اخبارها اية