ساعة التابلوه

[nemnem]

يا جماعة امبارح بعد لما ركنت عربيتى لمدة ساعة ( نوبيرا 2 ) و بعدين دورتها تانى فوجئت ان ساعة التابلوه مش عايزة تشتغل و فضلت اخبط عليها و ابطل و ادور العربية اكتر من مرة بس برضه مش عايزة تشتغل

ياترى ممكن تكون ايه المشكلة ( الساعة باظت ولا فيوز )

ارجو الافادة

[misho2008]

شوف الفيوزات الاول

[nemnem]

ممكن اعرف الفيوز بتاعها فين ( كبوت ولا بجانب السواق )

[akmm]

متابع .. وان كان من الصعب الساعه تبوظ كده فجاه .

[tarek_2005]

بص علي الفيوز ده في علبة فيوزات المحرك


رقمه ef29

[nemnem]

هو مفيش اى احتمال تانى غير الفيوز

والساعة بتتفك ازاى لو حبيت ابص على الساعة

[nemnem]

انا شفت الفيوز و طلع سليم . ازاى ممكن افك الساعة

[nemnem]

انا شفت الفيوز و طلع سليم . ازاى ممكن افك الساعة

[tefa22m]

روح لكهربائى احسن

[blazer]

فيوز الساعه فى النوبرا جوه العربيه مش فى الحوض

[a_pharaon]

أنا حصل معايا نفس الموضوع تقريباً ... وفضلت شهر على كده بعد ما جربت فيها كل الاحتمالات ( كهرباء وreset للعربية ,وفيوزات داخلية ) ,واشتغلت تاني صدفه والميكانيكى كان بيراجع على الفيوزات اللى في العلبة الخارجية ... شالهم واحد واحد وحطهم تاني وشال الفيوزات الداخلية وحطهم تاني .. أشتغلت لوحدها بدون تغيير أى شىء. إنشاء الله تشتغل معاك كمان :-)

[nemnem]

الف شكر لكل عضو فى المنتدى حاول مساعدتى ..

الحمدل لله الساعة اشتغلت من غير ما اروح لكهربائى ولا حاجة علشان انا بخاف لحسن اى حد منهم يخترع و يبوظ الدنيا او يحرق الكارتة

المشكلة فى الساعة كانت ان بنتى الصغيرة حطيت مسمار في مكان الولاعة ولما انا دورت العربية المسمار عمل قفلة وضرب الفيوز بتاع الولاعة والساعة طلعت على نفس الفيوز

انا لما لقيت الولاعة مش شغالة رحت مغير الفيوز بتاعها لاقيت الساعة اشتغلت تانى

بس انا عندى ملاحظة : فيوز الولاعة مكتوب انه 20 امبير و اللى كان راكب لاقيته 10 امبير بس انا لما غيرت الفيوز ركبت واحد 20 امبير زى ما مكتوب بس انا مش عارف كدة صح ولا غلط

[mado83]

يعملوها الصغار ويقعو فيها الكبار