مشكلتى مع بلى العجل الامامى

[haithamhcai]

السلام عليكم أصدقاء لانوس الأعزاء....

أنا عربيتى لانوس شيفرولية موديل 2010.
غيرت بلى العجل الأمامى من 6 شهور و كان شغال تمام طوال هذة الفترة الى أن ظهر صوت من نفس العجل الأمامى مؤخرا.
ذهبت الى الميكانيكى لاستكشف الوضع فأخبرنى أن نفس البلية يجب تغييرها و كذلك السرة لأن بها اعوجاج أثر على البلية فى 6 شهور.
أشتريت بلية جديدة و سرة من محل (النجار) فى شارع دمشق مصر الجديدة و ركبتهم.
بعد أسبوعين من التركيب ظهر صوت بلى فى نفس العجلة فذهبت الى الميكانيكى و أخبرنى بأن البلى سىء و يجب تغييره للمرة الثالثة !!!!!

ملحوظة:
البلى كورى أصلى و تم تركيبه بمكبس فى المرة الأولى و يدوى فى المرة الثانية.

نصحنى الميكانيكى بشراء البلى الجديد لثالث مرة من محل (نافع) فى شارع دمشق ربما يكون بلى (النجار) فسد لتخزينه لفترة طويلة....!!

السؤال هنا:
الميكانيكى بيشتغلنى ولا (النجار) بليه معفن ولا أنا اللى نحس؟

[mahamedaraby]

بص اللى هقدر افيدك فية
انا اللى اعرفوا ان البلى يتركب فى مكبس افضل شئ
كل بلية ليها رقم طول فى عرض فى ارتفاع او خد البلية القديمة ورح عن التوكيل فى شارع الجمهورية الرئيسى توكيل مشهور اوى بتاع البلى روح اديله المقاسات او اديله البلية القديمة وهو هيديك زيها وده عن تجربة ان البلى بتاعه كويس وكمان اسعاره اقل بكتير من محلات قطع الغيار انا عملت كدة فى الاوبل كانت البلية ال gm ب 420 جينة تقريبا رحت جبتها منه ب 160 جينة تقريبا وبسم الله ماشاء الله زى الفل
هحاول افتكرلك اسم المحل اية واقولك عليه

[MITSUKERO]

ايه التهريج ده !!!

روح لصانيعي بيفهم بدل البهدلة دي انت مش لاقي فلوسك و اشتري قطع الغيار من ابوالحسن لان السحب عنده عالي جدا و بيجيب الحاجات الاصلي

و ممكن برضة تجيب البلي من توكيل skf و تشوف

قبل كل ده شوف الصرة اتعوجت ليه اساسا و الجديدة اصلية ولا لا

ربنا معاك والله

[mahamedaraby]

ايه التهريج ده !!!

روح لصانيعي بيفهم بدل البهدلة دي انت مش لاقي فلوسك و اشتري قطع الغيار من ابوالحسن لان السحب عنده عالي جدا و بيجيب الحاجات الاصلي

و ممكن برضة تجيب البلي من توكيل skf و تشوف

قبل كل ده شوف الصرة اتعوجت ليه اساسا و الجديدة اصلية ولا لا

ربنا معاك والله

هو skf بالظبط ربنا يجزيك كل خير

[alking_2006]

اهم حاجة بالنسبة لموضوع بلى العجل
1- يبقى نفس مقاس الاصلى
2- يبقى ماركة skf او اى ماركة فى نفس الفئة النظيفة
3- يتركب بمكبس
4- التأكد من ترصيص العجل علشان العجل اللى مش مترصص بيضيع البلى حتى لو البلى اصلى
5- استخدام شحم غالى و نظيف بعد عملية التركيب لتشحيم البلى

اضف على ذلك تغيير الصنايعى بردو للتأكد

[ABO MALEK]

اهم حاجة بالنسبة لموضوع بلى العجل
1- يبقى نفس مقاس الاصلى
2- يبقى ماركة skf او اى ماركة فى نفس الفئة النظيفة
3- يتركب بمكبس
4- التأكد من ترصيص العجل علشان العجل اللى مش مترصص بيضيع البلى حتى لو البلى اصلى
5- استخدام شحم غالى و نظيف بعد عملية التركيب لتشحيم البلى

اضف على ذلك تغيير الصنايعى بردو للتأكد

+111111111
شحم حرارى قصدك مش كده؟؟؟؟

[blazer]

الى اعرفه ان ابلى الامامى بيجى مقفول ومش بيتشحم
ثانيا لو عاوز تشترى بلى روح التوفيقيه عند توكيل skf او توكيل nsk
هتقلهم بليه امامية دايو لانوس وهما عارفين مقاسها

[alking_2006]

+111111111
شحم حرارى قصدك مش كده؟؟؟؟

بالظبط كدا

[AlGazar2]

هات البلى skf من التوكيل او من محل كبير زى المنير او ابو الحسن مش هيدوك حاجة مغشوشة و ركبه مكبس مش يدوى و هتقعد معاك فتره كبيره ان شاء الله

[haithamhcai]

السلام عليكم،
أنا اشتريت البلى الأمامى من عند Romax التوكيل الأصلى ل SKF فى جسر السويس عند تقسيم عمر بن الخطاب.
البلية الواحدة ب 90 جنية. أشتريت زوج بلى للعجلتين.
كبستهم بمكبس و ربنا يسهل و تستمر مدة طويلة.

شكرا للمساعدة.

[mero100]

انا بصراحه استفدت جدا من الموضوع ده و من مشاركات الاعضاء

اول مره اعرف ان العجل اللي مش مترصص بيقضي علي بلي العجل

لازم كل فتره ظبط زوايا السياره و الترصيص لأن المطبات و النقر و الحفر اللي في شوارع مصرنا الحبيبه ... بيأثر علي العجل اكيد .

[mado83]

كل البلى مضروب