طـــقم شــنـــبر لانوس 2000

[usa_o2000]

جزاك الله كل خير و شكرا على الشرح

[MITSUKERO]

السلام عليكم :تكلفه طقم الشمبر كالاتي..145 شمبر +5 لينات شمبر رفيعه (هيفهمها الميكانيك لو صنيعي كويس)+35 جوان وش سلندر+30 انبوبة سليكون عظم من الاصلي اللي بنشتغل منة ف التوكيل +لابد من عمل فريزة ورودية ل وش السلندر عند الخراط هيكلفك بالظبط 60 +40بوجيهاتngk ياباني+75 زيت وفلتر زيت(زيت مصر للبترول من الرخيص علي اساس انك هترمية بعد 500 كم)+300 ميكانيكا مصنعيات عشان منظلمش الصنايعي...يبقي الاجمالي590 وحط احتياطي 250 تحسبا لاي مفاجأت ( سير تقسيمة سير دينامو طرمبة مية طبة مية اويسيلات اورنجات سبيكة لو القديمة شكلها وحش ) كدة يعني

انت برنس

السؤال بقي هل الموتور بيرجع زي الاول ؟

[tuttoo]

ابقي كداب لو قلتلك ان الموتور هيرجع زي الاول بس كدة علي الاقل موتورك هيشتغل بدون استهلاك للزيت(احنا كدة عالجنا عيب معين) اما عشان الموتور يرجع زي ما كان فلازم نرجع الشيئ لاصلة يعني شمايز جديدة بساتم جديدة طرمبة زيت جديدة وهكزا (سامحني مش لاقي حرف الزال)

[mahmoud labeb]

بسم الله ما شاء الله عليه هو بصراحة ممتاز ومش بروح لميكانيكي غيرة وهو حافظ كل مسمار في عربيتي رايح فين و جاي منين والاهم انه بيكتب عنده كل عربيه ( زي الدكتور ) ايه اللي اتصلح فيها و ايه اللي اتغير وايه اللي مفروض يتغير بعد كده وامتى .

مع ان تبص على ورشته تلاقيها صغيرة ومش كبيرة اوي بس ما شاء الله زباينه كتير وبيشتغل بأيده مع الصنايعية اللي معاه مع اشراف كامل منه على شغلهم ومفيش مسمار صنايعي عنده بيربطه في عربية الا لما الاسطى ده بيتأكده انه اتربط صح .

لو حضرتك عايزه اسمه و عنوانه ممكن ابعتهولك على الخاص .

السلام عليكم
كنت عايز استأذنك تبعتلى مكانه بالظبط واسمه انا كمان انا لسه جايب عربية لانوس
2000 وكنت عاوز اعمل سيرفس اساسى وكنت عايز على كل حاجة بالمرة وكنت عايز ميكانيكى شاطر وامين

[casper35]

ياريت تبعتلى تليفونه وعنوانه علشان بجد محتاج ميكانيكى زى دة انا معايا لانوس 2000 وطالع عينى مع الصنايعيه وانا بسافر كتير اصلا وببقى حاطط ايدى على قلبى من اللى بيتعمل فيا من افتائات الصنايعيه