الزوايا مظبوطه والطاره مش مظبوطه

[ahmad--ezzat]

يارجاله انا ظبط الزوايا والدنيا تمام ولكن التاره فيها كسره شمال

مع العلم ان العربيه مبتحدفش والاربع عجلات 0 علي الزوايا

مين يظبط الطاره!! وهل الموضوع كبير ولا !!

[ahmad--ezzat]

محدش عنده فكره

[amrelsaqqa]

عادى الطارة ممكن تتفك وتتعدل
او الزوايا تتظبط من اول وجديد بس على عدلة الطارة وانا بفضل الحل التانى

[ahmad--ezzat]

مهو انا معنديش اي مشكله في الزوايا ...يعني لافيه حدفه ولا شي

ولكن الطاره مكسوره شمال

[buddha]

تارة الدركسيون بتتفك بمفتاح العجل وتعدل فى وضعها

[Mohab555]

بدل الزوايا مظبوطه ... تروح لحد بتاع زوايا او ميكانيكى و تقولوا انا عاوز افك الطاره و اظبطها على عدلتها ... بس كده موضوع سهل جدا

[Amr Axel]

ياما تتفك و تتعدل ياما تعيد ظبط زوايا مع عدل الطارة
ده اللي انا عملته لأن نفس الحوار كان عندي بس كسرة يمين و كنت رايح اظبط زوايا و عدلت الطارة و مسكتها و اتعدلت تاني زي الأول

[ahmad--ezzat]

يعني الحل اني اظبط زواياا تاني علي عدله الطاااره!!!!!!! (مع العلم ان العربيه مبتحدفش)

ولا اغير وضع الطاره !!!!!

اللي انا عايز اعرفه
هل فك الطاره سهل ولا مش اي حد يفكها

[amrelsaqqa]

في حالة عربيتك فك الطارة سهل يعنى لا عندك ايرباج ولا حوارات من دى ولا العربية زيرو وتخاف تفك الطارة بتاعتها
فك الطارة واعدلها وخلاص بس كان المفروض اللى ظبطلك الزوايا يثبت الطارة على عدلتها وهو بيظبط

[MohammedAladel]

انا برغم إنى مش مستوعب الموضوع قوى لأن عندى الطارة فى عربيتى لو فكيتها مينفعش أركبها غير فى مكان واحد وبس

لكن أنا مع الحل الثانى إن لو ينفع تعدل الطارة وتضبط زوايا على عدلتها الصحيحة من جديد

على فكرة لو العمليتين دول صح ومفيش واحدة منهم غلط

يبقى الفكرتين واحد سواء تعدل من تحت تعدلها من فوق

[M.Ayman]

خصلت معايا و الراجل عدلهالي في اقل من ١٠ دقايق من غير ما يفك الطاره حتي ،،، كان عند راجل بتاع زوايا في محطة بنزين في صلاح سالم جمب الشارع اللي في نادي الزهور كده تقريبا دي بنزينة التعاون ،،، بيفكها شويه و يظبطها و يربطها تاني

[salah_86]

بلاش تفك الطارة روح اظبط زوايا تانى بس خلية يعدل الطارة الاول ويظبط على عدلتها ومتفكهاش نصيحة

[mero100]

عادى الطارة ممكن تتفك وتتعدل
او الزوايا تتظبط من اول وجديد بس على عدلة الطارة وانا بفضل الحل التانى

+1

[amrelsaqqa]

في ملحوظة كمان عاوز اقولهالك
لما انت كنت ظابط الزوايا و العجل كله 0 ، كانت الطارة معدولة ساعتها ( والعربية مرفوعة ) ولا برضه حادفة شمال ؟
لو كانت معدولة ساعتها يبقى ما تلعبش فيها لأن كدة ده عيب عندك في جنط او فردة كاوتش

[ahmad--ezzat]

في ملحوظة كمان عاوز اقولهالك
لما انت كنت ظابط الزوايا و العجل كله 0 ، كانت الطارة معدولة ساعتها ( والعربية مرفوعة ) ولا برضه حادفة شمال ؟
لو كانت معدولة ساعتها يبقى ما تلعبش فيها لأن كدة ده عيب عندك في جنط او فردة كاوتش

الجنوط سليمه والعجل مدي صفر ولكن التاره فيها سنا شمال