يوم عذاب

[shur3000]

اول امبارح قال رايح المغسلة اعمل كار كير واظبط المهم لقيت الراجل عندة زحمة قالى خليها بكرة بس اللى لفت نظرى صوت العربية عالى غير ما انا متعود
المهم جنبى ميكانيكى ثقة بص عليها قالى دى بلية الدينامو او التكيف.
رحت للكهربائى حل بليىة التكيف لقيت الصوت راح قلت يبقى منها رحت جيبتها ب45ج وغيرتها وتمام ساعتين جيت اركن لقيت صوت جبار طالعمن العربية ويختفى لو ضغط دبرياج . رجعت للكهربائى قالى بلية دبرياج روح للعفشجى
رحت للعفشجى قالى نحل ويارب ماتكونش الديسك اتاكل المهم جيتلة تانى يوم بعد ما جيبت بلية وانا مروح وكان شايلها من طقم ب 70ج . وتانى يوم روحت حل طبعا البلية كانت قافشة بغباء بس للاسف الديسك اتاكل
المهم رحت جيبتلة اسطوانة فاليو ب 150 وقالى بلاش تجيب ديسك جديد عشان مضروب نجيب استيراد ب150 وفعلا جيبت واحد وعلية ختم فاليو ودايو وشكلة معقول.
ركب الباشا وطلعنا جربنا تمام بس الله يحرقة خد 170 مصنعية و10 ج دخان للصبيان بس الصراحة هو شغلة نظيف ودة اللى مخلينى مستحمل امة
بس عندى حاجة ان دواسة الدبرياج بقت مية يعنى بتغوص منى واول ما ركبت العربية بطلت منى قولتلة نعلى الدبرياج قالى بلاش عشان ما نضغطتش على الاسطوانة.
ربنا يكرم وتكمل على خير وبلاش مصاريف لانى اتنفخت

[darsh_darsh]

الحمد لله انها عملت كده قريب من المكانيكى بتاعك
وليا استفسار هو انهى افضل لما الدبرياج يكون واطى شويه ولا عالى

[ashourashour]

الدبرياج الواطي افضل بس بشرط سلاسه النقل (يكون بيفصل للاخر)

الدبرياج العالي ........ الدسك


يرجى انتقاء الالفاظ
م ع 6

[darsh_darsh]

وهل العالى يقلل السحب والسرعه القصوى ولا مفيش علاقه وهل ده يخلى الاسطوانه تتاكل بسرعه ولا لا

[mostafa mahmod]

الف مبروك يا باشا
هى مصنعيه تسقيط الفتيس و حل و تركيب الاسطوانه كده بتبقى غاليه
حتى لو ميكانيكى غالى شويه بس مريحك و شغله نضيف مش مشكله احسن ما يكون واحد رخيص و نص كم يركب غلط و ترجع تفك و تتعطل تانى

[kar!m]

مش غالي أوي .. الناس في العادي بياخدوا ١٥٠ جنية

[darsh_darsh]

وهل العالى يقلل السحب والسرعه القصوى ولا مفيش علاقه وهل ده يخلى الاسطوانه تتاكل بسرعه ولا لا

منتظر رد توضيحي

[shur3000]

واللهى انا قلتلة ان الدبرياج كدة واطى لدرجة ان العربية بطلت منى اول مرة قالى كدة احسن ولو علتهولك هياكل الديسك بدرى.
بس انا عايز اعرف الديسك الاستيراد احسن ولا الجديد لانى حاسس انه بيشتغلنى رغم سابق معرفتى بية وهو الصراحة صنايعى كويس ومش نصاب

[المعتصم 55]

هو الاستيراد كويس بس المهم انت تكون رجلك حاسة بمشوار الدبرياج و متحملش علية يعيش معاك مبروك وربنا يحفظك
يارب احمي مصر وامنها وشعبها وارضها

[tarek_2005]

اولاً الديسك الاصلي موجود بس غالي لان الطقم بيتباع كامل ديسك واسطوانة وبلية ب 650 جم اما المضروب من 350 جم الي 400 جم كل تاجر وسعره
الدبرياج العالي لو مش محمل علي الديسك مفيش منه مشكلة مشكلته لو حمل علي الديسك بياكل اسطوانة بسرعة ويبوظ الديسك وياثر علي العربية في ال top speed فقط ومعدل التسارع

[swimmer25]

ويبوظ الديسك وياثر علي العربية في ال top speed فقط

هي دي المتأثرة عندي ومش عارف سببها مع ان التسارع حلو

[darsh_darsh]

اولاً الديسك الاصلي موجود بس غالي لان الطقم بيتباع كامل ديسك واسطوانة وبلية ب 650 جم اما المضروب من 350 جم الي 400 جم كل تاجر وسعره
الدبرياج العالي لو مش محمل علي الديسك مفيش منه مشكلة مشكلته لو حمل علي الديسك بياكل اسطوانة بسرعة ويبوظ الديسك وياثر علي العربية في ال top speed فقط ومعدل التسارع

واعرف منين ان الدبرياج كده عالى عن الطبيعى

[lanos2004]

انا بركب الطقم المضروب الى 350 جنيه وبيعمل معايا اكتر من 120 الف كيلو

[هيثم احمد]

عندى الدبرياج عالى كيف اوطيه فيه مسمار بسامورة فوق الدواسة اوطى منها وعلى فكرة وانا بدوس فى مسافة بسطة وبعدين يدوس الدبرياج

[alaa007]

اظن الموضوع مش فى العالى و لا الواطى هيه الفكره انت بترتاح فى إيه خللى الدواسه فى مستوى متوسط و خللى بالك من كفاءة النقل بتاعك و رجلك متكونش مريحه على الديبرياج بإستمرار و هوه ده الإهم