استفسار بخصوص تغيير زيت الماتور

[MEMOAHMED14]

النهاردة صباحا قمت بتغيير زيت المحرك للعربية / دايو لانوس 2007
روحت بنزينة شيل -- وقمت بوضع زيت شيل 5000
وقمت بتغيير فلتر الزيت -- النوع gm
الاسعار:
زيت شيل 5000 السعر 125 ج
فلتر الزيت 30 ج
خدمة 10 ج
اكرامية 10 ج
المجموع : 175 ج

استفسارى بخصوص موعد تغيير الزيت القادم أنا سألت الراجل فى البنزينة قال متستناش 5000 الاف كيلو وغير على 3000 الاف --- هل كده صح ولا اغير على 4000 ولا 3500
والاسعار اللى غيرت بيها كده تمام ولا مبالغ فيها ....
شكراااا وأحب أعرف ردود الأعضاء....

[MEMOAHMED14]

وين الردود من الأعضاء الغاليين

[ABO MALEK]

عامل المحطة كلامه مضبوط.
مبروك التغيير.

[MEMOAHMED14]

يعنى كده تمام والاسعار تمام....
وقلى حاجة تانية اغير زيت الباور..
قلتله مغيرتوش قبل كده زودته بس..
قلى اغيره ..
طيب اغير فعلا ولا ايه ..
واعرف ازاى ان زيت الباور عايز يتغير ..
وايه احسن الانواع وبكام واعمله فى البنزينة برده ..

[MEMOAHMED14]

على فكرة بعد لما مشيت حسيت ان المكنة فاقت ..
وفى حاجة تانية عايز اعرفها .. هل أغير الفلتر كل مرة ولا كل مرتين
يعنى انا مغير الفلتر المرة اللى فاتت وغيرته المرة دى كمان ..
كده صح ولا غلط وايه الأحسن ..
مستنى الردود...

[MEMOAHMED14]

وين الردود ......

[ABO MALEK]

اناعن نفسى بغير الفلتر كل 5000 كم مع الزيت عشرين جنيه زيادة مش هتفرق كتير.

[mahmoudysf]

انا بحط شيل الاصفر وبغيرة على 3500 بالكتير
وهو احسن زيت معدني جربتة

[هيثم الشرقاوى]

السلام عليكم
بالنسبة لاسعار التغيير معقولة
بالنسبة لتغيير الزيت غير على 4000 فى الصيف لارتفاع درجة الحرارة وفى الشتا ممكن تمشى اغاية 5000 وبالنسبة للفلتر من الافضل انك تغير فلتر مع كل غيار زيت للحفاظ على نظافة المكنة وممكن تغير فلتر مرة ومرة لا مع غيار الزيت والمرة الى مش هتغير فيها فلتر اعمل حسابك وشيل نصف كيلو زيت وخليه معاك احتياطى
ودة راى شخصى والسلام عليكم

[abo_lamar]

الاسعار دي يا باشا معلش غالية شوية ....
انا لسه من اسبوع شاري زيت شل الاصفر من بنزينة شل اللي على طريق الاسماعيلية بعد كوبري الجيش كانت ب 120 جنيه وقلتر الزيت الاصلي gm سعره 20 جنيه , بخصوص الاكرامية فدي حاجة ترجعلك والمصنعية كويسة عشان انت غيرت فلتر و زيت .

وغير الزيت ده على 3500 كم والفلتر كل مرتين تغير زيت .

[JAM]

للعلم وليس أكثر
زيت شل الأصفر المعدنى هوا ٣٠٠٠ كيلو وليس أكثر والبهوات اللي بيبعوه بيقولك دا ٥٠٠٠ ولكن هذا الكلام كذب
انا عن نفسى بغيره على ٢٧٠٠

Sent from my iPhone