رجعتلكم تانى ......

[Chemist Shehap]

بعد فتره بحث طويله على لانوس 1
الحمد لله جبتها النهارده وكالعاده
مافيش عربيه مستعمله مافيهاش مشاكل
( هيا مش مشاكل .... هوه انا عايز اقتراحتكم )
1- العربيه فيها جنط 15/195/50 يا ترى كويس للعفشه خصوصا انى هغير عفشه كامله
2- ينفع اركب عداد الكامله (rpm) مكان العداد العادى بتاع العربيه الهاف... والمفروض مين اللى هيركبه .. كهربائى ولا ميكانيكى... والعداد بكام
3- فرش الابواب الكهربا ( بتاع الكامله ) الاقيه فين وهيكون بكام وينفع يركب ل لانوس 1 ولا ده 2 بس ؟
4- ينفع اركب مرايات كهربا يمين وشمال ؟ ويا ريت ده بالذات لو حد عنده فكره يقولى....

بالنسبه للاراء ( اللى بتيجى من خبرتكم فى العربي )
1- العربيه لونها ابيض ( اكتر لون بكرهه ) وهتترش ايه رأيكم ارشها مط ولا لميع ؟
2- العربيه فيها كاسيت بايونير ( سى دى بس قديم مافيش فلاشه ) وانا معايا كاسيت سونى جديد ( سى دى وفلاشه ووصله موبايل ) اخلى ايه وابيع ايه ... ( واللى هتقولو عليه للبيع ) .. مع العلم ان البايونير حاسس ان خرج صوته احسن من السونى على السماعات ( بس انا لسه ما جربتش )

بالنسبه لأخر حاجه
انا العربيه جبتها بديفيل ... ( بس الناس اشتكت )... شيلته وركبت العلبه الاصليه... واللى عايز العلبه الديفيل يكلمنى حتى لو من القاهره انا نازل الحرفين خلال الاسبوع ده ان شاء الله....

[AlGazar2]

مبروك يا باشا العربيه
الجنوط لو تمام و نوع كويس يبقى مش هتأثر بالسلب و المقاس اعتقد مظبوط عشان الارتفاع و قرايه العداد او هيبقى البروفايل 55
فرش الباب هتلاقيه عند تجار الاستيراد و بتاع اللانوس 2 يركب على 1 عادى
ينفع تركب المرايه اليمين كهربا هاتجيبها استيراد بالدفيره بالزرار الى فى التابلوه - المرايه الشمال اعتقد لا لانها مفيش منها كهربا للانوس اساسا و ملهاش زرار تحويل تقريبا
و ينفع تركب عدادات الكامله عادى هتعمل تعديل فى الدفيره سلكه تقريبا و الى بيركبه الكهربائى او بتاع العدادات

اللون دى حاجة ترجعلك انت بس اعتقد ان المط فى الفاتح بيبقى رخم شويه اعملها ميتاليك احسن و ممكن تعملها لون كريمى او اوف وايت و هيعدى ابيض فى المرور
الكاسيت السونى الاحدث خليه لانك هتزقك من السيديهات كل شويه و جرب الاتنين الاول شوف انى احسن فيهم خرج صوت و اوبشن ( الاتنين صناعه كويسه و ماركات محترمه طبعا )

و مبروك عليك العربيه تانى مره

[khaled_1263]

مبرررررروك

[ahmedzizo131]

بسم الله الرحمن الرحيم
الف الف مبروك
ربنا يديك خير يا رب و يكفيك شرها
واضح انك اشترتها من شاب
لكن عندى كام استفسار
هى موديل كام ؟؟؟
عاملة كام كيلو متر ؟؟؟
و اشترتها بكام ؟؟؟
و هل التكييف شغال
و الف الف مبروك مرة تانية

[m_medo]

مبروك
ربنا يديك خيرها ويكفيك شرها

[محمد الشامي]

1- العربيه فيها جنط 15/195/50 يا ترى كويس للعفشه خصوصا انى هغير عفشه كامله

المقاس ده مقاس الكاوتش (مش الجنط) ومفيش منه اي مشاكل بإذن الله , والجنط بس مقاسه 15

2- ينفع اركب عداد الكامله (rpm) مكان العداد العادى بتاع العربيه الهاف... والمفروض مين اللى هيركبه .. كهربائى ولا ميكانيكى... والعداد بكام

ينفع تركبه , واللي يركبه كهربائي او حضرتك لو بتحب تشتغل بإيدك , وتمنه حوالى 200 جنيه من عند بتوع الاستيراد

http://www.nilemotors.net/Nile/119817-rpm-se.html

http://www.nilemotors.net/Nile/42851-rpm.html

3- فرش الابواب الكهربا ( بتاع الكامله ) الاقيه فين وهيكون بكام وينفع يركب ل لانوس 1 ولا ده 2 بس ؟

فرش الباب هتلاقيه عند بتوع الاستيراد , وتقريبا الفرش الواحد كان بيعمل 100 جم او ازيد شويه

4- ينفع اركب مرايات كهربا يمين وشمال ؟ ويا ريت ده بالذات لو حد عنده فكره يقولى....

اعتقد تقدر تركب مرايه كهرباء شمال بس , وانتظر رأي الزملاء

1- العربيه لونها ابيض ( اكتر لون بكرهه ) وهتترش ايه رأيكم ارشها مط ولا لميع ؟

بيتهيألي حكايه المط دي سخيفه شويه , وعامه هي اذواق

2- العربيه فيها كاسيت بايونير ( سى دى بس قديم مافيش فلاشه ) وانا معايا كاسيت سونى جديد ( سى دى وفلاشه ووصله موبايل ) اخلى ايه وابيع ايه ... ( واللى هتقولو عليه للبيع ) .. مع العلم ان البايونير حاسس ان خرج صوته احسن من السونى على السماعات ( بس انا لسه ما جربتش )

مش لازم تبيع وخليك شغال باللي راكب ولو لقيته فيه عيب او مش مريحك بيعه وركب التاني
الا لو انت محتاج فلوسه يبقا شوف اللي شغال افضل واستغنى عن التاني

[tarek_2005]

الاعضاء مسبوش حاجة ليا هههه
بس الكاسيت خلي الاثنين عندك متبعش حاجة منهم علشان التراب في بلدنا مبيخليش حاجة سليمة ولو لاقدر الله حصل حاجة مش هتعرف تجيب زي الي هتبيعه

[m_medo]

بالنسبة للوحة العدادات بتتباع فى الوكالة ب 200 جنيه لكن بعض الزملاء فى المنتدى قالو ان قراءة عداد الار بى ام مبتكونش دقيقة (بيقرأ نص قراية) ياريت تسأل كويس قبل ما تشتريها

[Chemist Shehap]

والله شغل عشره على عشره
حاجه زى الفل
بس ايه موضوع القرايه الغلط ده ؟
وهل فى حد فى الحرفين يا شباب كهربائى ( انتو مجربينه ) علشان يركبلى المرايه والعداد ؟
لأنى للاسف هتكون اول مره انزل فيها الحرفين ومش عارف حاجه هناك :d
بالنسبه للعربيه
مو 2000 لانوس 1 فاضيه خالص ( وده اللى كان غريب ) يعنى لا باور ولا تكيف هوه كان مركب التكيف وانا ركبت امبارح الباور ( بالمناسبه انا اشتريت مكنه الباور بحاجتها ب 850 جم يا ترى ده سع عادى ولا اوفر برايس )
المهم اللون ابيض مكنه شديده عامله 280 كم فبريكه دواخل بس فيها سمكره (ظبط فوارق ورد كده ع البارد) وهتترش
وخلصت ب 36 الف حم

[محمد الشامي]

العربيات اللي بتنزل فاضيه خالص دي كانت للقوات المسلحه , ده اللي اعرفه

[tarek_2005]

العربية دي شكلها قوات مسلحة

[tarek_2005]

سبقتني يا محمد

[محمد الشامي]

سبقتني يا محمد

الحكايه واحد ياريس :) وانت دايما سباق في الخير

[Chemist Shehap]

طيب ده حاجه حلوه ولا حاجه وحشه ؟ ( قوات مسلحه )
ومين الكهربائى اللى ف الحرفين اللى توصونى بيه علشان ما يبوظش حاجه ف الضفيره وانا بركب عاداد الار بى ام والمرايه الكهربا

[AlGazar2]

سعر الباور اعتقد كويس لان انت واخد طرمبه بخراطيمها بالعلبه بتاعه الزيت بعلبه الدركسيون فسعر كويس

كهربائى كويس ممكن تسأل كريم منير لانه فاتح ورشه دهان و سمكره فى الحرفيين و فى محمد السيد استاذ طارق و استاذ ممدوح بيشكروا فيه