ردياتير للنوبيرا

[ahmad_salama]

ازيكو يا رجاله عاملين ايه

انا الردياتير عندي جاب اخره. ف عاوز اجيب واحد جديد.

1. يا تري اجيب جديد ولا استيراد
2. لو جديد منين وفي انواع ايه كويسه
3. ورينج سعر بيكون كام تقريبا

شكرا مقدما :)

اه نسيت اقول العربيه نوبيرا 1

[محمد الشامي]

انا كنت جايب الاستيراد (لـ لانوس) وبحاله 100% بـ 400 جنيه

في ناس كتير خوفتني من الجديد (الصيني والتايواني والحاجات دي) , والمفروض ان مفيش جديد صناعه كوري

[ebrahim_mh]

انا عربيتى زيك نوبيرا 1 خلى بالك مافيش ردياتير للنوبيرا 1 جديد بيتباع فى السوق لو جيبت واحد جديد لازم هتغير مواسير المياه من الناحيتن عشان النوبيرا 2 غير النوبيرا 1 وده بعد تجربة مريرة ولف السوق كله
انا عملت كده وديه كانت شغلانه مقرفه انا عيشت فيه وتعبت اوى بس شغلته ووفقته وكان سعره 320 جنيه من التوفيقية احسنلك تجيب واحد استراد بـ 250 جنيه زى اللى راكب فيها وتشترى دماغك
لو عايز جديد بـ 320 جنيخ الاصلى والاستيراد بــ 250 جنيه خلى بالك السوق فيه مضروب كتير

[ahmad_salama]

طيب هو الاصلي ده الي هو نوعه ايه ؟؟ يعني الاسم الي عليه ايه ؟

[ebrahim_mh]

يابشا الاصلى موجود فى التوفيقة عند محل فى السنتر اسمه الاخلاص فى الدور الاول
انا اسف انا كان قصدى على التعديلات ديه فى سربانتيه التكييف وليس ردياتير الميه

[AlGazar2]

انا جبت ريدياتير استيراد حالته كويسه من سنتين بحوالى 200 و شغل الحمد لله زى الفل و انا الى ركبته و معملتش فيه اى حاجة تانى خالص

دور على استيراد حالته كويسه و فكه من على عربيه لو ينفع و توكل على الله لان الجديد معظمه هيبقى مضروب او صناعه وحشه

[محمد الشامي]

انا كنت جايب الاستيراد (لـ لانوس) وبحاله 100% بـ 400 جنيه

اسف , انا اقصد 200 جنيه مش 400 جنيه
اللخبطه نتيجه اني كنت برد على موضوع تاني في نفس الوقت وكان فيه مبلغ 400 جنيه بردو :)

تقبلوا اعتذاري

[MMIsmail]

انا لسه جيبه من التوفيقيه من واحد اسمه ابراهيم مش فاكر ايه بس هو مشهور هناك جديد كورى (ساميونج) وكان ب 420 جم من شهرين وشاغل 100 100 والحمد لله

[blazer]

ابراهيم البنا مش كدا ؟؟ محل محترم

[ahmad_salama]

متشكر يا رجاله علي ردودكم ومساعتدكم. بجد انتو ناس فوق الوصف :)

طيب انا نويت اجيب استيراد بس خايف لاجيب حاجه نص كم. ف ممكن حد ينصحني ب حد كويس في الحرفين او عزبه شلبي وياريت تقولولي اعرف منين ان الردياتير حالتو كويسه ميبوظش بعد كام شهر يعني

[AlGazar2]

متشكر يا رجاله علي ردودكم ومساعتدكم. بجد انتو ناس فوق الوصف :)

طيب انا نويت اجيب استيراد بس خايف لاجيب حاجه نص كم. ف ممكن حد ينصحني ب حد كويس في الحرفين او عزبه شلبي وياريت تقولولي اعرف منين ان الردياتير حالتو كويسه ميبوظش بعد كام شهر يعني

تعرف حالته من الريش بتاعته و حاله المواسير و العلب - مش شرط يكون الريدياتير شكله نضيف و بيلمع ممكن يكون حالته وحشه من جوه - اهم حاجة ان الريش تكون معدوله و مفيش فيها خبطات و المواسير سليمه و العلب حالتها كويسه طبعا و مفيهاش اى شروخ من اى نوع و يفضل لو تحله من على نص عربيه و يكون راكب عليها لسه عشان تبقى شايف العربيه و عارف عامله كام كيلو و كده
بالنسبه للتجار معرفش حد فى المنطقتين و الى اعرفه هوه سوسو بس تعامله مع الزباين بقى غير زمان خالص فمنصحكش بيه بامانه