استشاره قانونيه :)

[Chemist Shehap]

دلوقتى يا شباب علشان ناوى اعمل حمله تجديد فى ورشه نايل موتورز ( دوكو وسمكره وهفرش فى جينز كار بالمره ) كنت عايز اعرف كام حاجه كده
1-انا لازم اغير الزيوت كلها ( زيت الباور والفتيس والباكم ) ولا كفايه زيت المكنه ؟
2-ينفع اغير جلد الابواب الاربعه داخلى وخارجى ؟ ولا اصلان ما ينفعش ولو ينفع حتى عارف التكلفه ؟
3- عندى فى صوت تزيق كده فى كذا منطقه ( الابواب وهيا بتتفتح -- دواسه الدبرياج ) وانا بعيد عنكم ما بكرهش حاجه قد الاصوات وممكن ابيع العربيه بسبب الاصوات ... يا ترى ليها حل ؟ يعنى اغير البنز بتاع الابواب واغير بدال الدبرياج ؟ ولا ايه الحل ؟
4- الحرفين فاتحه يوم الجمعه ؟ ومين اشهر حد بيبيع قطع غيار استيراد ؟ ولو امكن مين انضف كهربائى موجود هناك ؟
5- اهم نقطه ( والباقى برضه مهم ) دلوقتى سحب العربيه وحش ده ممكن يكون ايه اسبابه بغض النظر عن ( فلتر البنزين / فلتر الهوا / بوجيهات / اسلاك بوجيهات ) ولو عايز اخلى السحب احسن ايه السبل المتاحه ( يعنى مثلا موضوع فلتر التربو ده وهكذا......)

هستنى الرأى القانونى للاستشاره ده .... وهدفع بعدين
ويا ريت الرد على قد ما تقدرو يبقى نقطه بنقطه....

[truss]

1- زيت الفتيس المانيوال ممكن تغيره على 50000 كم او كل 3 سنين مثلاً (ارقام من دماغى) مالوش ميعاد محدد او كل ما تحس بخشونة فى نقلات الفتيس
زيت الباكم على حسب الكتالوج بيتغير كل سنة و نصف او 15000 كم (خليه مرة كل سنة و خلاص)
زيت الباور عمرى ما غيرته و مالوش فترة محددة و ماشتكيتش منه فما اقدرش افتى

2- تغيير جلد الباب اكيد ينفع بس ما اعرفش بكام

3- اى صوت تزييق عليك و على ال wd-40 , رش منه على مفصلات الباب و على مفصلات دواسة الدبرياج و ممكن ترش منه على الدراع اللى بينقل الحركة من ماستر الدبرياج السفلى للفورش , ساعات بيجمع تحتيه تراب و زيوت و بيزيق

[Chemist Shehap]

تسلم يا غالى .....
فاضلك نقطتين وتكسب معانا الجايزه...مين عنده الحل كامل ويكسب جايزه معانا :d

[mero100]

بالنسبه للسحب :

انت بتستخدم بنزين ايه؟ و ظابط فيشه الاوكتان علي كام ؟

[Chemist Shehap]

بنزين 90 .... وبالنسبه لفيشه الأوكتان .. ما شيكتش عليها ... بس ممكن تكون زى ما هيا على 87

[AlGazar2]

دلوقتى يا شباب علشان ناوى اعمل حمله تجديد فى ورشه نايل موتورز ( دوكو وسمكره وهفرش فى جينز كار بالمره ) كنت عايز اعرف كام حاجه كده
مبروك الجديد طبعا ده اول حاجة و فعلا اماكن ممتازه للشغل فى العربيه
1-انا لازم اغير الزيوت كلها ( زيت الباور والفتيس والباكم ) ولا كفايه زيت المكنه ؟
غير زيوت و فلاتر و سيور
زيت الفتيس المانيوال انا مغيره على 148 و مكانش عامل مشاكل غير تقل شويه فى ايام الشتا الصبح بدرى زيت الباكم عمرى ما غيرته لكن بيتزود ( غبط طبعا بس اقنع الميكانيكى و الحاج بقى ) زيت الباور لو فيه مشكله و نزل بيتغير غير كده لا ممكن تستكفى بزيت المكنه دلوقتى و قدام شويه تغير الزيوت الباقيه
2-ينفع اغير جلد الابواب الاربعه داخلى وخارجى ؟ ولا اصلان ما ينفعش ولو ينفع حتى عارف التكلفه ؟
ينفع طبعا بس التكلفه الله اعلم ممكن تسأل كريم منير فيها لانه فى الغالب الى هايعملها
3- عندى فى صوت تزيق كده فى كذا منطقه ( الابواب وهيا بتتفتح -- دواسه الدبرياج ) وانا بعيد عنكم ما بكرهش حاجه قد الاصوات وممكن ابيع العربيه بسبب الاصوات ... يا ترى ليها حل ؟ يعنى اغير البنز بتاع الابواب واغير بدال الدبرياج ؟ ولا ايه الحل ؟
wd40 هيضيعلك كل ده لو مضاعش سدادتين ودان و خلاص
4- الحرفين فاتحه يوم الجمعه ؟ ومين اشهر حد بيبيع قطع غيار استيراد ؟ ولو امكن مين انضف كهربائى موجود هناك ؟
الحرفيين فاتحه يوم الجمعه - اسال كريم منير لانه شغال هناك و هو يدلك او يبعتك عند حد يثق فيه
5- اهم نقطه ( والباقى برضه مهم ) دلوقتى سحب العربيه وحش ده ممكن يكون ايه اسبابه بغض النظر عن ( فلتر البنزين / فلتر الهوا / بوجيهات / اسلاك بوجيهات ) ولو عايز اخلى السحب احسن ايه السبل المتاحه ( يعنى مثلا موضوع فلتر التربو ده وهكذا......)

شكمان مكتوم - موبينه وحشه - بنزين مغشوش - اسطوانه و ديسك بايظين - المنافولد عايز ينضف و البوابه كمان - الرشاشات مسدوده - كاتينه مش راكبه صح - العربيه عايزه تتفتح و يتحرق على الغيارات شويه - فلتر بنزين مغشوش / مسدود / راكب غلط فى اسباب كتير
هستنى الرأى القانونى للاستشاره ده .... وهدفع بعدين
الرأى القانونى المتهم بريييييييئ حتى تثبت ادانته و مش مهم الدفع خالص يا باشا
ويا ريت الرد على قد ما تقدرو يبقى نقطه بنقطه....

نقطه نقطه اهو يا باشا بس هنركب جوان بعد كده عشان التسريب

[Mohamed ELOoL]

بالنسبة للفرش الباب : اه طبعا و بيعملو الي هايعملك الفرش وانت الي بتختار الالوان كمان

بالنسبة للتزيق : غير جلد الابواب و كلو هايبقا تمام ( دي لو انت بتشتيكي منو لو العرية ماشية )
لو بتشتكي من تزيق في فتح و قفل الباب يبقي رش الاسبراي

بالنسبة للسحب : في عوامل كتيرة لضعف السحب لو انت مغير الي انت قلت عليه دة( بوجيهات .. الخ )
يبقي تبص علي الرشاشات او الاسطوانة ضعفت و عايزة تتغير او علبة الشكمان وحشة او انت عايز تفتح الماتور يعني تقرص علي الغيارات غيار غيار لحد ماتجيب اخرو
لو الاسطونة : هتحس ان العربية صوتها بيعلي و فافيش سحب او سحب مش اد كدة
لو رشاشات : هتاكل بنزين و هتعتل في الدوارة و هاتشم ريحة عادم مش حلوة

لكن فلتر الهوي دة كماليات عربية دة بيرفع الاداء ( بيدخل نسبة اكسجين اكبر لغرفة الاحتراق فبلتالي هايزود السحب و بيغير صوت المكنة بيخليه ذي صوت زئير الاسد ) و كل دة مالوش علاقة بالي احنا بنقولو دة عشان دي كماليات لازم يكون العربية سليمة عشان تحس بالفرق بتاع الفلتر الرياضي

بالنسبة للباقي الاستذة ردو عليك .. و لو محتاج حاجة تانية قول :)

[Chemist Shehap]

والله مش هارف اقولكو ايه
عن جد ابهرتونى
جمعوا مع بعض وابعتولى شيك بالحساب :d
بجد شكرآ قوى

[AlGazar2]

4 مشاركات و تكلفه فتح موضوع و استخدام سيرفر المنتدى يبقى كله كده





تقرير عن الى عملته فى العربيه و خطوات الشغل كلها و صور ليها بعد ما تخلص ان شاء الله

[m_medo]

4 مشاركات و تكلفه فتح موضوع و استخدام سيرفر المنتدى يبقى كله كده





تقرير عن الى عملته فى العربيه و خطوات الشغل كلها و صور ليها بعد ما تخلص ان شاء الله

بس ابقى راضى الرجالة