معروش عليا عربية لانوس بس كانت عاملة حادثة

[maio_do]

بسم الله الرحمن الرحيم

قدامى عربية لانوس هيجيبها ابن خالتى بس الراجل صاحبها بيقول انها واخدة خابطة من ادام ووصلت للبطاحة وبعت الصور يا ترى دى تبقى بكام هى 2004 وكامله و عاملة 175000

حدودلى سعر وعايز افهم دى كده اية الضرر شاسية ولا شنب ولا صدر كده





على كلامه ان الحادثة دخلت على الجنب الشمال بس واليمين سليم مفيش غير الجزء اللى ادام يعنى اكيد فوانيس ورديتير ها يا رجالة العربية كده تساوى كام واية الضرر اللى فيها ودا فى الدواخل وياثر على سعرها ولا لاء

[amr_adel00]

بلاااااااااااااااااااااااااااااااااااااااااااااااا اااااااااااااااااااااااااااااااااااااااااااااااش
بلاش تركب عربيه كانت عامله اى حادثه لان اكيد اكيد هتبقى عايبه العربيه,, مابالك بقى اللى انت بتحكى فيه ده :)
ده راى الشخصى..
تحياتى :)

[maio_do]

بلاااااااااااااااااااااااااااااااااااااااااااااااا اااااااااااااااااااااااااااااااااااااااااااااااش
بلاش تركب عربيه كانت عامله اى حادثه لان اكيد اكيد هتبقى عايبه العربيه,, مابالك بقى اللى انت بتحكى فيه ده :)
ده راى الشخصى..
تحياتى :)

ماشى يا باشا بس انت عارف الاسعار كلها فى العالى على كلام الراجل ان الخبطة دى من ادام ومدخلتش على الماكنة انا قلت مفيش غيركوا اللى هيجيبولى اللى فيها

[ahmedsrs]

بلاش العربية دى لسبب بسيط العربية هتاكل كوتش بالهبل بسبب خلل فى الزوايا غير تلف المقصات كل شوية لنفس السبب يعنى هتقرفك وهتعملك قلق

[maio_do]

بلاش العربية دى لسبب بسيط العربية هتاكل كوتش بالهبل بسبب خلل فى الزوايا غير تلف المقصات كل شوية لنفس السبب يعنى هتقرفك وهتعملك قلق

ماشى يا معلم بس بلغة البيع والشراء اية عيبها يعنى صدر ولا شاسية ولا قايم؟

[Mo.Kareem]

السلام عليكم
انا فاهم حضرتك انك عايز تركب عربية كويسه بسعر كويس ، اللى هيفيدك فى الموضوع ده بتاع الزويا ، تاخد العربية وتروح تقول للراجل عايز اظبط زويا لو الشاسية سليم هتظبط معه ، لو مش سليم لو حضرتك مشويرك قريبة ومش بتسافر والعربية سعرها اقل من عربية سليمه 20 الف يبقى توكل على الله واركبها ولما تحب تبيع مش هتخسر فيها ، لكن لو الفرق حتى 10 الف يبقى بلاش منها ، ده مجرد رآى شخصى وباقى الناس طبعا بتفهم اكتر منى
السلام عليكم

[maio_do]

السلام عليكم
انا فاهم حضرتك انك عايز تركب عربية كويسه بسعر كويس ، اللى هيفيدك فى الموضوع ده بتاع الزويا ، تاخد العربية وتروح تقول للراجل عايز اظبط زويا لو الشاسية سليم هتظبط معه ، لو مش سليم لو حضرتك مشويرك قريبة ومش بتسافر والعربية سعرها اقل من عربية سليمه 20 الف يبقى توكل على الله واركبها ولما تحب تبيع مش هتخسر فيها ، لكن لو الفرق حتى 10 الف يبقى بلاش منها ، ده مجرد رآى شخصى وباقى الناس طبعا بتفهم اكتر منى
السلام عليكم

لا هو اكيد مبيتكلمش فى الفرق دا لانه على كلامه العربية حادثتها خفيفة موصلتش للماكنه عموما هسمع بنصيحتك وابعتها لظبط زوايا

[ahmedteam]

هات عربيه على قد فلوسك و تكون سليمه احسن 100000 مره من عربيه معيوبه

لا تنسى الاستخاره و ربنا يوفقك للخير و ابعد قدر الامكان عن التجار

[Mo.Kareem]

على فكرة فى الحوادث اخر حاجة بيتبص عليها هى المكنة ، علشان دى اسهل حاجة ممكن تغيرها مكنة مكان مكنة وخلصنا لكن اساسيات العربية هى دى المشكلة ، زى ما زميل قال قبلى ممكن كوتش يتاكل او مقصات تبوظ او العربية تبقى بتحدف على طول يمين او شمال ، وهتلاقى الموتور ديما مسمع فى جسم العربية بيسمها مزندة والصوت عالى ، سيبك من المكنة خالص وركز فى اساسيات العربية اهم

[maio_do]

على فكرة فى الحوادث اخر حاجة بيتبص عليها هى المكنة ، علشان دى اسهل حاجة ممكن تغيرها مكنة مكان مكنة وخلصنا لكن اساسيات العربية هى دى المشكلة ، زى ما زميل قال قبلى ممكن كوتش يتاكل او مقصات تبوظ او العربية تبقى بتحدف على طول يمين او شمال ، وهتلاقى الموتور ديما مسمع فى جسم العربية بيسمها مزندة والصوت عالى ، سيبك من المكنة خالص وركز فى اساسيات العربية اهم

لا يا باشا انت مفهمتنيش انا بتكلم ان الحادثة ماوصلتش للماكنة يقصد بيها انها مش جامدة

انا مش فاهم فى الاساسيات اوى علشان كده بسال اية الاساس اللى باظ فى الحادثة دى

[أبو صلاح]

ياباشا تروح لسمكري وبتاع الزوايا
وهم يقولولك على مشاكلها كلها

وفي الاخر تروح للميكانيكي علشان حالة المحركات

[AlGazar2]

من الصور دى فواضح انها مغيره لبطاحات مش بتاعتا اساسا لان بطاحات الدايو بمسمارين بس مش 3 ده اول هام

خبطه واصله للبطاحه يبقى دى فرده شاسيه بايظه هتبقى مش مظبوطه فى المشى - بتحدف دايما - بتاكل كاوتش - مقصات - مساعدين - تياش دركسيون - كبالن

الخبطه الخفيفه الى ما تعبش العربيه اوى تبقى فى شنب العربيه و متعديش الريدياتير مش توصل للبطاحه

بس انا شايف ان الركبه بتاعتها سليمه بامانه مش شايف فيها سمكره ولا حاجة هو فاتحها للاخرام الى فوق
فشوفها عند سمكرى كويس جدا و عفشجى امين عشان يجيبولك اخر العربيه و لو عايزها يبقى تقلل فى سعرها لانها مش مجرد خبطه فى الشنب ولا تريحه على سرعه قليله جابت فوانيس و قول ريدياتير و الشنب اتعوج و اترد على كلامه صاحبها خبطه وصلت للبطاحه بتاعه المساعد

[JAM]

الصورة اللى حضرتك حاطتها بتبين ان العربية سليمة... البطاحة زى الفل ومفيهاش حاجة.... الرفرف هوا بس اللى باين إنه إتعمل فيه شغل

[Mohamed ELOoL]

انا عدتت عليا عربيات كتير نمرة 2 يعني عملي حوادث والي مغيرة نصف

بس مابيبقاش فيها فرق كبير اوي في السعر لو وخدة في الشنب في فرق 2 _ 4 الف حسب الحالة

حتي لو مغير نصف 12 _ 15 الف جنيه ( و في ناس كتير بتخد العربيات دي )

بلنسبة لحات حربيتك لو هي كاملة مانيول و مش متبهدلة و كل حاجة شغالة

هو تلقيه بيكولك 39 _ 37

بس لو انت عرف تخلص علي 34 يبقي كدة تمام عشان الموديل يشفعلها


هي الخبطة وخدة الجنب كله ولا ايه ؟؟ بس الصورة مش موضحة لو مش وصلة لصدر العربية و الشاسيه يبقي تمام

( بس انا المفروض انصحك بلاش بس انا كنت مرة في نفس الموضوع دة في عربية ابيزا ب 25 الف و كانت عملة حادثة برضو بس حسبتها زيك كدة لقيت الفلوس دي مش هاتركبني غير فيات 131 و خصوصا اني شاب فا انا حاسس بيك :)

[shaddadfalcon1]

هي لو مش عامله حادثه وفابريكه دواخل هتعمل حوالي 42 او اقل سنه باسعار اليومين دوول

كون انها عامله حادثه وداخله لجوه كده اعتقد ممكن تنزل تحت ال 35 كمان

خلي بالك الأفضل تروح بيها التوكيل عشان تشوفها مظبوطه ولا لآ
الموضوع مش موضوع كوتش

انا والدي كان عنده عربيه وعمل حادثه واثرت علي الشاسيه وكانت بتوريه الويل لدرجة انها كانت مربياله الرعب لحد ماباعها
اقل حاجه كانت بتحصل انه بيبقي ماشي في امان الله وفاجاه تحدف يمين او شمال مع نفسها ومره خبط عربيه بسببها