بسم الله ما شاء الله الفوانيس رجعت جديده

[tefa22m]

المطلوب
1-ورقه سنفره 1000 السعر 4 ج
2-ورقه سنفره 2000 السعر 4 ج
3- علبه بوليش اسمه GEM السعر 5 ج
4- بخاخ قديم بتاع جلانس مثلا مليان مياه و معاهم شويه صغيرين اوى صابون سائل
يعنى الاجمالى 13 جنيه فقط لا غير
و ديه صوره الحجات اللى جبتها



هانبداء بسم الله

ديه صوره الفانوس قبل التلميع


هانبداء نرش المياه من البخاخه و نسنفر بالورقه ال1000 هانلاقيه بتنزل الميه لونها اسود من السنفره هانفضل شغالين لحد لما المياه تنزل لونها ابيض من تاكل بلاستيك الفانوس
و بعدين نعسل الفانوس و نبداء بقى بالورقه ال 2000 و نديها لحد لما الفانوس ينعم خالص و اللون الاصفر بتاعه يختفى خالص
و ديه صوره الفانوس بعد السنفره ابيض خالص و راح منه الصفرار و الغامق

هانجيب الكريم و نوزع منه على الفانوس و لو فيه صاروخ و طاره يبقى نعمه و فضل لو ما فيش يبقى زى ما انا عملت قطعه قماش قطنيه و عيش بقى على قد ما تقدر
هو الموضوع كان متعب معايا عشان فانوس النوبيرا كبير و ماعنديش صاروخ بس الحمد لله النتيجه مرضيه جدا
و ديه صوره الفانوس بعد التلميع


اتمنى ان اكون قدمت نفعاً لاخوانى فى المنتدى العظيم

[Mo.Kareem]

الله ينور عليك ، تسلم ايدك

[tefa22m]

و عليك يا باشا

[ramadanshehatt]

تسلم ايدك يا مان

[MohammedAladel]

كويس جدا ... بس نفسى أعرف صاروخ إيه اللى الزحاج بتاع الفانوس يستحمله ؟؟

[ahmed_h_g]

ما شاء الله
الله ينور

[mahmoudysf]

الله ينور

[amr elsisi]

ربنا يباركلك

[tefa22m]

كويس جدا ... بس نفسى أعرف صاروخ إيه اللى الزحاج بتاع الفانوس يستحمله ؟؟

الصاروخ الصغير بيبقى فيه سرعات و انت شغال بتحس بايدك باغ الفانوس سخن و للا لا و اسرع و اسهل

[abo rodina]

موضوع رائع

[hesham ahmed]

الله ينور .. ما شاء الله
بس البوليش دا بيتجاب منين ..من بنوع اكسسوارات العربيات و لا ايه؟؟

[ketoo]

الله ينور

[هيثم احمد]

عندى الفانوس الامامى مصفر ومش عارف يا ترى من جوه ولا من بره لو من جوه فيه حل

[tefa22m]

الله ينور .. ما شاء الله
بس البوليش دا بيتجاب منين ..من بنوع اكسسوارات العربيات و لا ايه؟؟

ورق السنفره و البوليش بتباع عند محلات بيع ادوات دوكو السيارات

عندى الفانوس الامامى مصفر ومش عارف يا ترى من جوه ولا من بره لو من جوه فيه حل

لو الباغه سليمه مش مشرخه او الفانوس مفيهوش كسر هايبقى اللاصفرار من الخارج فقط و الموضوع ده هايجيب معاك نتيجه ممتازه

[S O P H O S]

ما شاء الله ..