حد فك تابلوة لانوس (بالكامل) من الرجالة

[مصطفى-حسن]

جهد مشكور على كل حال
برغم ان الموضوع مفيهوش حاجة عن فك التابلوة بالكامل
بس انت كتر خيرك على اى حال
وما زلت فى انتظار مشاركات من خاض هذة التجربة

[mero100]

ربنا يعينك بجد ... لان واضح ان الموضوع داخل دماغك جدا ....

حضيف معلومه يمكن تكون مهمه ليك :
بما انك حتشتغل بنفسك و الموضوع حياخد يومين حسب تقديرك .... خلي الكهربائي يجييلك تحت البيت و يشتغل معاك و اتفق معاه علي مصنعيه اكتر شويه ميجراش حاجه .... الموضوع يستاهل .... و ربنا يوفقك و مستنيين النتائج :-)

[مصطفى-حسن]

ربنا يعينك بجد ... لان واضح ان الموضوع داخل دماغك جدا ....

حضيف معلومه يمكن تكون مهمه ليك :
بما انك حتشتغل بنفسك و الموضوع حياخد يومين حسب تقديرك .... خلي الكهربائي يجييلك تحت البيت و يشتغل معاك و اتفق معاه علي مصنعيه اكتر شويه ميجراش حاجه .... الموضوع يستاهل .... و ربنا يوفقك و مستنيين النتائج :-)

فكرة مش بطالة بردة
بس خلى بالك فك الصالون بالكامل
هيحتاج كهربائى وسروجى وميكانيكى لانى عشان افرد الارما فليكس فى صدر العربية بالكامل هحتاج احرر ال3 دواسات
على العموم انا كل يوم بمرن نفسى على فك جزء واعادة تجميعة مرة اخرى عشان اليوم المشهود اكون مستعد لة
وربنا يسهل

[mero100]

ممكن تشرحلنا ايه هوه الارما فليكس و خصائصه ايه و صوره لو أمكن .

[مصطفى-حسن]

ممكن تشرحلنا ايه هوه الارما فليكس و خصائصه ايه و صوره لو أمكن .

الارما فليكس دة عازل صوتى عامل زى السفنج المضغوط كدة بس لونة اسود
وهو بالاساس بيستخدم فى مجالات التبريد والتكيف
بس انا بعد ما جبتة حطيتة فوق البوتجاز وفضلت اقربة وابعدة عشان اشوف استجابتة للحرارة خصوصا ان شكلة عامل زى السفنج لقيتة مابيتأثرش بالحرارة اوى

انضف نوع منة هو الايطالى
يلية التركى
ثم الصينى
ثم المصرى

التخانات تبدا من 3 مم الى19 مم
انا جبت 3 افرخ ايطالى تخانة 9 مم لصدر العربية والارضية الفرخ ب75ج من شارع نجيب الريحانى بالقاهرة مقاس الفرخ متر فى مترين

وجبت 4 متر تركى تخانة 6 مم من العاشر من رمضان المتر ب 25ج

وجارى البحث عن كولة (لاصق غراء) اسبانى او حاجة نضيفة
وايضا جارى البحث عن لاصق حرارى اللى هيمسك الارما فليكس فى صدر العربية يكون غير السيلكون الحرارى او الجملكة اللى احنا بنستخدمهم فى الجوانات فى المكنة

وتم تجهيز 75% من العدة والادوات اللى هستخدمها واللى ممكن استخدمها

وتم تجهيز 2 كاميرا سونى hd فوتو لتصوير المغامرة بالكامل ورفع بوست محترف بكل التفاصيل عشان الناس تستفيد منة

[مصطفى-حسن]

ممكن تشرحلنا ايه هوه الارما فليكس و خصائصه ايه و صوره لو أمكن .

انا صورت الخامات اللى انا جبتها عشان ارفعها بس بيدينى
فشل رفع الملف
وصغرت الصور
وعملتها jpeg
وبردة
فشل رفع الملف
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مصطفى-حسن]

ما زالت عندى مشكلة فى رفع المرفقات (صور او ملف مضغوك)
وصغرت حجم الصور لاقل حاجة
وغيرت الامتداد
وجربت المضغوط
وما زال يعطينى نفس الرسالة

(فشل رفع الملف.)

يا يريت لو حد عندة فكرة يقولى
او لو ممكن حد من الادارة يتابع المشكلة

[مصطفى-حسن]

توصلت اليوم بحمد اللة الى طريقة فك التابلوة بالكامل
عن طريق انى لفيت على بتوع الانوس الاستيراد
واتفرجت على التابلوة وهو مفكوك على الارض
والحمد للة عرفت مكان كل مسمار وكل كلبس

فاضل لى حاجتين
الاولى فك القطمة بتاع الدركسيون لو حد كان فكها قبل كدة يقولى
الثانية لا استطيع ارفاق اى صورة او ملف فى المشاركة
حتى لو صغرت الحجم او غيرت الامتداد
بيدينى رسالة واحدة

(فشل رفع الملف.)
فا ياريت لو حد قابلتة المشكلة دى وحلها يقولى ازاى
علما بانى فى منتديات تانية برفق ملفات وصور عادى

او لو كان حلها عن طرق التواصل مع الادارة فكيف يتم ذلك

[محمد طايع]

استاذ ظريف
انا بستخدم موقع
Photo and image hosting, free photo galleries, photo editing
ممكن حضرتك تعمل فيه اكاونت وترفع صورك عليه
وتاخد رابط كل صوره من هناك وتحطه فى موضوعك هنا وانت بتكتبه عن طريق ايقونة "ادراج صوره"

[tarek_2005]

القاطمة بتتفك عن طريق فك الفبرة السفلية للدريكسيون ثم فك الفبر الي حول الدركسيون ودا مربوط بالمسمارين خلف الطارة وثلاث مسامير من اسفل ثم فك كلاً من مفتاح النور ومفتاح المساحات وسلكة الكلاكس ثم فك فيشة كهرباء الكونتاكت وبعد كده هتخش علي التقيل في افل عمود الدركسيون عند التقائه بعلبة الدركسيون هتفم مسمار اعتقد 12 مم وبعدين ستجد خمس مسامير 12 مم مثبته القطمة في الصدر بتاع العربية هتفكهم هتخرج القطمة في ايدك ولكن خلي بالك حاول قبل فكها ان يكون العجل في وضع مستقيم والطارة مظبوطه تمام علشان تعرف ترجعها بظبطتها تمام

[مصطفى-حسن]

استاذ ظريف
انا بستخدم موقع
photo and image hosting, free photo galleries, photo editing
ممكن حضرتك تعمل فيه اكاونت وترفع صورك عليه
وتاخد رابط كل صوره من هناك وتحطه فى موضوعك هنا وانت بتكتبه عن طريق ايقونة "ادراج صوره"

هى فكرة مش بطالة
بس خلى بالك عيب المواقع دى ان استضافةالصور فيها بتكون لفترة محدودة
يعنى ممكن بعد فترة تلاقى الموضوع بتاعك بدون صور

لو ممكن حد من الادارة يكون قرأ الموضوع دة ويحللى المشكلة اكون شاكر
مش عارف ارفع ملف او صور
بيدينى (فشل رفع الملف)

[محمد طايع]

هى فكرة مش بطالة
بس خلى بالك عيب المواقع دى ان استضافةالصور فيها بتكون لفترة محدودة
يعنى ممكن بعد فترة تلاقى الموضوع بتاعك بدون صور

لو ممكن حد من الادارة يكون قرأ الموضوع دة ويحللى المشكلة اكون شاكر
مش عارف ارفع ملف او صور
بيدينى (فشل رفع الملف)

من الناحيه دى اتطمن ... انا رافع عليه صور بقالها اكتر من خمس سنين ولسه موجوده
مفيش صوره بتتشال الا اذا انت مسحتها من الأكاونت بتاعك بنفسك

[مصطفى-حسن]

من الناحيه دى اتطمن ... انا رافع عليه صور بقالها اكتر من خمس سنين ولسه موجوده
مفيش صوره بتتشال الا اذا انت مسحتها من الأكاونت بتاعك بنفسك

طيب استفسار اخير
لما احب اعمل موضوع تفصيلى بالصور
يعنى مثلا اكتب كلام وبعدين احط صورة وبعدين اكتب كلام واحط صورة تانية
هل دة متاح من الموقع

[محمد طايع]

طيب استفسار اخير
لما احب اعمل موضوع تفصيلى بالصور
يعنى مثلا اكتب كلام وبعدين احط صورة وبعدين اكتب كلام واحط صورة تانية
هل دة متاح من الموقع

ايوه متاح بص انت خطوات عملك هتبقى كالتالى :

* فى موضوعك الجديد اكتب كلامك لغاية مكان اول صوره

* ترفع الصوره على موقع photobucket هيديلك حاجه اسمها direct link او الرابط المباشر للصوره
هتعمله نسخ Copy وتيجى هنا تضغط على ايقونة اسمها " ادراج صوره " وتحط الرابط الى نسخته فى المكان الى هيظهرلك وتضغط OK

* هتظهر الصوره او الرابط بتاعها تحت الكلام بتاعك فى المكان الى اختارته

* تنزل تحت الصوره أو الرابط الى اتحط باستخدام الأسهم الى فى الكيبورد و ال Enter وتكمل كلامك لغاية ما ييجى مكان الصوره الى بعدها

* ترفع الصوره الجديده على موقع photobucket وتعيد نفس الخطوات و هكذا وهكذا لغاية ما تخلص موضوعك

[مصطفى-حسن]

طيب
نجرب موضوع الرفع من المواقع دة

اولا دى صور الخامة 6 مم ارما فلكس تركى
DSC04679.JPG | FilesIn.com

ودى صورة الخامة 9 مم من ارما فلكس ايطالى
DSC04680.JPG | FilesIn.com