هل التجاريح دى محتاجة معجون؟

[m_medo]

السلام عليكم
انا مش ارش العربية لأنها فابريقا برة وفى نفس الوقت خايف التجاريح دى تكون فيها ضرر للصاج.
ارجو النصيحة مع العلم ان التجاريح دى مش مضيقانى خالص... انا كل خوفى على الصاج وبس (بارومة مثلا).... ودى الصور

[moh_faheem]

التوكيل افضل شى

[salah_86]

متابع

[El Prince]

اعتقد ان دى تطبيق و مردود على البارد مش مجرد تجريح بس
المشكلة انها كاشفه للصاج نفسه و لونه مأكسد يعنى ممكن مع الوقت و مياه الغسيل و المطر يعمل بارومه
لكن مش عارف حلها ايه الصراحه ؟!!!!

[m_medo]

مستنى طيب

[ahmed_hanafi]

انصحك تعملها عند حد بتاع دوكو بقلم او فرشة بس بعد ما يصنفر علشان البارومة

[tarek_2005]

لو مش عايز ترش نظفها جيداً بصنفرة ناعمة وبعدين ادهنها برايمر علي القد بالظبط وبعدين غطيها باستيكر من نفس لون السيارة

[m_medo]

لو مش عايز ترش نظفها جيداً بصنفرة ناعمة وبعدين ادهنها برايمر علي القد بالظبط وبعدين غطيها باستيكر من نفس لون السيارة

طيب البرايمر ده اجيبه منين وبكام؟

[ABO MALEK]

توكل على الله ورش العربية علشان تفوقها شوية وتستمتع بها.

[m_medo]

توكل على الله ورش العربية علشان تفوقها شوية وتستمتع بها.

والله يا باشا هى مش محتاجة رش

[tarek_2005]

البرايمر عند اي حد بتاع حدايد وبوية والربع كيلو كافي جداً ولن يتعدي 5 جم

[mtc_46]

انا عندى نفس المشكلة .. والعربية مش محاجة تترش فعلا ... فهل ممكن اصنفر و اعملها ب برايمر و اجيب ربع كيلو دهان بنفس اللون و اغطى بيهم ولا البرايمر هيبوظهم ولا ايه بالظبط؟؟
مع العلم انى معرفش اصلا ايه البرايمر ده

[m_medo]

البرايمر عند اي حد بتاع حدايد وبوية والربع كيلو كافي جداً ولن يتعدي 5 جم

اشكرك

انا عندى نفس المشكلة .. والعربية مش محاجة تترش فعلا ... فهل ممكن اصنفر و اعملها ب برايمر و اجيب ربع كيلو دهان بنفس اللون و اغطى بيهم ولا البرايمر هيبوظهم ولا ايه بالظبط؟؟
مع العلم انى معرفش اصلا ايه البرايمر ده

وانا كمان