هو كده ماستر فرامل

[m0hsen]

النهاردة وانا كنت جاى من التجمع الخامس لحدائق القبة لما نزلت على مدينة نصر كده جيت ادوس فرامل بدوس للاخر والعربية مابتهديش خالص بس الحمد لله يارب ربنا سترها معايا ورجعت بالسلامة بطلت العربية وشغلتها لاقيت الفرامل لسه وحشة المهم دخلت فى زحمة مدينة نصر وربنا هداه واشتغل معايا لحد ماروحت للميكانيكى بتاعى وقاللى انت محتاج تغير الماستر العمومى
كنت عايز اسال المستشارين فى الدايو
هى العربية عملت ليه كده هل ده فعلا علشان الماستر باظ مع العلم ان انا جيت بيها من مدينة نصر لحد حدائق القبة وماكنتش وحشة كانت بتفرمل عكس ماكنت بفرمل بيها وانا راجع من التجمع ماكانتش بتهدى خالص
هو انا محتاج اغير الماستر كله وللا ممكن حاجة تانية فى الماستر تتغير
السؤال الثانى انا ماببصش خالص على زيت الفرامل ولا بغيره هل ممكن يكون عدم تغيير زيت الفرامل هو اللى بوظ الماستر مع ان الزيت ماكانش ناقص فى القربة
ومتشكرين يا جماعه على الاهتمام

[kokowasfy]

هو دة السبب لازم تكشف على زيت الفرامل بصفة دورية

[m0hsen]

هو ايه مش فاهم ممكن حضرتك توضح شوية

[m0hsen]

كنت عايز اسال سؤال كمان هو انا لو غيرت الزيت هاتتظبط ومش هاتعمل كده تانى معايا

[haissam24h]

شوف اوقات الماستر لما بيبوز ممكن يشتغل شويه ويهرب
الوقتى فضى الزيت كله الى فى الماستر
وشوف فى تسريب فى الماستر نفسه من عند الطقيه بتاعته
ونزل الزيت الى فى مواسير الفرامل لكها وحطيت زيت من جديد وخد هوا وبعددها جرب العربيه شويه كده بس سوق على مهلك عشان لو فى اى حاجه تقدر تلم نفسك لان الفرامل يعنى حياة
وانصحك تعملها عند واحد متخصص فرامل بس مش ميكانيكى

[m0hsen]

ماهو اللى حصل انه كان شغاال بعد كده هرب خالص بعد كده اشتغل
وبعدين يا استاذ هيثم لو كان فى تسريب كان الزيت نقص من القربة بس القربة مليانة وده يدل على انه مافيش تسريب

[m0hsen]

والطريقة بتاعت تغيير الزيت اللى فى المواسير و اخد الهوا دى ازاى ؟

[abo rodina]

ده أكيد ماستر...لازم تغيره وأوعي تطلع بالعربية قبل ماتغيره لان ممكن البساتم بتاعة المستر تهرب منك في اي وقن وبدون اي حسابات........كله الا الفرامل ده مافيهاش هزار

[m0hsen]

خلاص ان شاء الله هاغيره بس ممكن اعرف هو ليه عمل معايا كده

[mero100]

فيه 2بستم جوه ماستر الفرامل العمومي ... بيبقي فيهم جلد او كاوتش ... ده بيبوظ و بيخلي البساتم بتاعه الماستر تفوت .

و انصحك زي ما الاخوه الاعضاء نصحوك .. بتغيير الماستر ... بس بعد الكشف علي دوره الفرامل كلها ... الاربع مساتر بتوع العجل و العمومي كمان .

بس غالبا حيطلع الماستر العمومي طالما الخزنه بتاعت الباكم مبتنقصش .

سعر الماستر العمومي gm من توكيل منصور 550 جنيه .

[m0hsen]

استاذ ميرو وهل ده سببه ان انا ماكنتش بغير الزيت ؟

[MMamdouh]

ألماستر العمومى الله يرحمة... لازم يتغير

حوار طقم الاصلاح فاشل تماما

الموضوع ملوش علاقة بعدم تغيير الزيت

يفضل تشترى ماستر عمومى بتاع نوبيرا (ماستر 22) عشان يحسن رد فعل دواسة الفرامل و عشان لو عدلت الفرامل فى المستقبل

MMamdouh

[mero100]

استاذ ميرو وهل ده سببه ان انا ماكنتش بغير الزيت ؟

جالك الرد الوافي من مستشارنا أ/ محمد ممدوح بنفسه

[lanos2004]

لو الفلوس مزنقه معاك
انا شارى ماستر نوبيرا 125 استيراد بقاله 3 سنين بوقف بيه العربيه- لسه موقفها على 200 بالماستر دة-
وكمان شارى واحد بتاع لانوس للعضو خالد لانوس وشغال معاه حلاوه
المهم لو هتشترى استيراد هاته راكب على السيرفو بتاعه وممكن تاخدة 100 جنيه كمان

[m0hsen]

متشكرين يا استاذ ممدوح ولكل اللى ردوا بس سؤال تانى هو ايه الفرق بين ماستر النوبيرا وماستر اللانوس وانهى كفائته اعلى و انهى ارخص وهل ممكن اجيب واحد استيراد ويبقى كويس ؟؟