عطل فى مروحةالراتاتير نوبيرا

[attyasat]

عطل فى مروحةالراتاتير نوبيرا العربية بتسخن وبتعدى ال 90 فى الحرارة والمية بتغلى والمروحة مش بتشتغل ممكن يكون اية


علما كل الكابلات للمروة وصلة تمام هل فيوزات ولا ترمستات ولا اية وشكرا

[AlGazar2]

شوف الفيوزات الاول و اتاكد ان المراوح شغاله من الاساس بعد كده شوف الترموستات الى بتشغلها

[AlGazar2]

ممكن تتاكد من المراوح بانك تفتح التكييف لو المراوحتين اشتغلوا يبقى كده العيب فى الترموستات

[ahmad_salama]

لو عاوز تتاكد ان المراوح مفيهاش عطل. وصلها سلك كهربا ديركت من البطاريه.

لو شغالين بس مبيشتغلوش لما العربيه بتسخن. يبقي ممكن فيوز او كتاوت.

مش شرط المراوح تشتغل بزرار التكيف. انا عندي المروحتين شغالين بس مش بيشتغلو لما اشغل التكيف.

[Khaled Lanos]

شيك ياباشا على الكتاوت الكبار اللي في علبة الفيوزات هتلاقي واحد منهم أو الإتنين محروقين غير الفيوزات..حصلت مرة مرة معايا وكان كلو سليم ومفيش فيوز ضارب..لكن طلع واحد من الكبار محروق والمشكلة انتا مبتعرفش اذا كان شغال ولا لأ.

[attyasat]

شكرا لكم جميعا على الردود الجميلة والتعاون المستمر والسريع وسوف اجرب المحاولات واخبركم ان شاء الله حيث اننى جديد على هذا النوع من السيارة
وهى جديدة عليا اذا فالشكر لكم جميعا وللادارة المنتدى والقائمين علية لهم كل التقدير والاحترام

[Khaled Lanos]

شكرا لكم جميعا على الردود الجميلة والتعاون المستمر والسريع وسوف اجرب المحاولات واخبركم ان شاء الله حيث اننى جديد على هذا النوع من السيارة
وهى جديدة عليا اذا فالشكر لكم جميعا وللادارة المنتدى والقائمين علية لهم كل التقدير والاحترام

بالتوفيق في حل المشكلة ان شاء الله..بالنسبة للكتاوت اللي قولت لك عليهم هتلاقيهم في علبة الفيوزات اللي في الكبوت ومكتوب على العلبة من برا انهي فيهم بتوع المرواح..تقريبا هم 2 واحد للسرعة البطيئة..وواحد للسرعة العالية..شيلهم وركب 2 مكانهم وان شاء الله المراوح تشتغل..ومتنساش تشيك كويس على اليوزات تاني بردو يمكن يكون واحد ضارب وانت مش واخد بالك.

تحياتي ليك.