نقلات فتيس اللانوس

[islamnasser10]

التاني في اللانوس بيوصل 40 وبسمع تنعير ولازم انقل
هل ده طبيعي في اللانوس ولا انا العزل عندي وحش وبيوصلني صوت الموتور ولا الموتور مخنوق
لان لما سوقت افيو من فترة وصلت بالتاني لحد 70 وكان الفتيس والموتور انعم بكتير وسحبها احسن
واللي اعرفه ان اللانوس والافيو نفس الموتور والاتنين بنزين 92
تاني حاجة لما اجيب اول واطلع بالعربية الفتيس فيه رجه جامدة لكن في باقي الغيارات حلو ده عادي ولا ايه

[luckyman]

هو صندوق تروس اللانوس زباله نسبه زفت واعتقد كمان ان علبه البيئه خانقه الموتور حتى لو وصلت فوق الاربعين حتلاقي العربيه بتنتحر عود نفسك ان النسب في اللانوس تكون قصيره .. انا متأكد ان منظومه العادم بتستهلك جزء من طاقه اللانوس لا باس به وخانقه العربيه وبيأثر علي تسارع العربيه والله اعلم

[islamnasser10]

معلش معنديش خبرة فياريت تقولي ازاي منظومة العادم بتستهلك جزء من طاقة اللانوس وخانقة العربية ومأثرة علي السحب
وهل لو غيرت حاجة في العربية الوضع هيتحسن ولا مفيش ضرر من الوضع الحالي

[AlGazar2]

ممكن يكون عندك سوسته الشكمان فيها حاجة و دى الى مسببه النعره + ان عزل اللانوس وحش
عندى السوسته بتنعر برضه بس التانى بيجيب ال 90 بتاعته عادى جدا

تانى حاجة بقى ممكن عندك اسطوانه الدبرياج تبقى بتودع و ده الى مخلى السحب وحش و فى نعره على 40 و رجرجه فى الطلعه - او قواعد الماتور ناشفه و دى الى بتعمل رجرجه

[islamnasser10]

ممكن يكون عندك سوسته الشكمان فيها حاجة و دى الى مسببه النعره + ان عزل اللانوس وحش
عندى السوسته بتنعر برضه بس التانى بيجيب ال 90 بتاعته عادى جدا

تانى حاجة بقى ممكن عندك اسطوانه الدبرياج تبقى بتودع و ده الى مخلى السحب وحش و فى نعره على 40 و رجرجه فى الطلعه - او قواعد الماتور ناشفه و دى الى بتعمل رجرجه

طيب لو حبيت اعرف العيب منين اكشف علي ايه بالترتيب
ولو بقيت علي الوضع الحالي فيها حاجة غلط ولا عادي اتأقلم انقل بدري وخلاص

[aw2100]

الأسطوانة لما بتبقى وحشة تسارع العربية بيقل وال top speed وخصوصا لما بتطلع مطلع تلاقى صوت العربية عالى ومبتسحبش وممكن تجرب تنتش العربية على الأول المفروض العجل ياكل فى الأسفلت لو الأسطوانة بايظة حتلاقى العربية بتطلع من غير نتشه وطبعا لو استنيت على الأسطوانة ممكن ترس الفلان يتاكل ويبوظ والعربية تاكل معاك بنزين وفى المراحل الأخيرة لبوظان الأسطوانة تشم ريحة شياط خصوصا لو بتجرى على سرعة عالية!!

[abo rodina]

يكون عندك سوسته الشكمان فيها حاجة و دى الى مسببه النعره + ان عزل اللانوس وحش
عندى السوسته بتنعر برضه بس التانى بيجيب ال 90 بتاعته عادى جدا




ازاي التاني يوصل ل90 بيتهيألي صعب اوي

[ahmedsamy90]

التانى جبت بيه مرة 90 ....... بيجيب عادى بس الصوت كان فظيع ...... بس انا العادى محبش احرق على الغيارات
يعني الاول 20
التاني 40
التالت 60
الرابع 80
الخامس (الباقي)

[MMamdouh]

التانى بيجيب اكتر من 80 كيلو... اكيد عربيتك فيها حاجة... اما مكنة خشنة او شكمان مخروم او بتحط نوعية زيت مش تمام

الرعشة فى الطلعة غالبا بتبقى اما اسطوانة او قاعدة موتور مقطوعة

MMamdouh

[lanos2004]

الانوس فى الغيارات تقريبا
الاول 55
التانى 87
التالت 130
الرابع 180

[Mohamed ELOoL]

ازاي التاني يوصل ل90 بيتهيألي صعب اوي

انا معظم الوقت بحرق علي التاني 80 _ 90

و عندي ديسك و اسطوانة عايزين يتغيرو

جرب انت بس ( دة انت تلاقي عندك الموتور متكتف )