ردياتير نوبيرتي

[mhopa2440]

الردياتير عندي بيسرب مياه من القاعدة اللي تحت على الشمال

المهم انا رحت لواحد فكه ونظفه ولحم الردياتير بمعجون حديد وقالي كدا تمام

شهر او شهر ونص ورجع تاني يجيب ميه

بصراحة مش عايز اغيره دلوقتي هل ممكن افكه واجيب معجون حديد وانظف المكان كويس واحطه عليه (بس محتاج اسم معجون حديد يكون كويس وينفع للحوار دا)

ولا احاول اشيل العجون القديم والحمه بالالومنيا بس قالوا انه يمنفعش يتلحم دا بيتغير او معجون حديد

وشكرا ليكم

[moumen_hs]

الحل المتاح نوع معجون لحام يكون أمريكى دور فى التوفقية مثلا بس المهم نظف اللحام القديم كويس وطبعا الحل دة مؤقت لغاية الصيف وربنا يكرم وتغيرة خالص

[mhopa2440]

طيب دا كدا الحل المعقول مؤقتا

بس كنت عايز اعرف افضل نوع لحام ايه يتناسب مع الامر دا وشكرا طبعا على الرد

[mhopa2440]

ارجو الافادة عن افضل نوع لحام حديد يتناسب مع الردياتير

وكمان لما انظف واحط اللحام الجديد اركب الردياتير بعدها مثلا بساعة وشغل العربية ولا الافضل اسيب الردياتير لمدة 24 ساعة خارج العربية لان معلوماتي ان معجون لحام الحديد يجف بعد 4 دقائق ويتم الجفاف نهائيا بعد 24 ساعة عشان كدا عايز اعرف انهو الافضل التركيب مباشرة ولا الانتظار لتاني يوم

أرجو الإفادة من أهل الخبرة الكرام ف المنتدى

[AlGazar2]

الافضل طبعا تسيبه لمده 24 ساعه من غير ما يجى مياه ناحيته و تنضف و تسنفر المكان كويس عشان يمسك كويس

علما بانى عامل الحوار ده فى القاعده بتاعه اللانسر و اتحط مياه على طول و دارت العربيه و محصلش فيه حاجة و الكلام ده كان من 6 شهور مثلا او اقل شويه

[mhopa2440]

بجد شكرا على الاهتمام والرد

بس باقي حاجة صغيرة قوي وهي .... احسن نوع معجون حديد يتناسب مع الحوار دا

وشكرا للأعضاء الكرام ف المنتدى

[AlGazar2]

لو فى نوع مش مصرى هيبقى ممتاز - المصرى مبيقولش لا