العربيه بتفتف من الشكمان

[amr_adel00]

دورت العربيه و وقفت جنبها لحد ما تسخن لاقيت العربيه كأنها بتفتف من الشكمان بس مفيش حاجه بتطلع من الشكمان لما بتحصل التفتفه دى..
ولما العربيه سخنت مبقتش تحصل التفتفه و الشكمان عرق ميه و الدنيا اتظبطت
تفتكروا التفتفه دى ايه ؟؟ او الترتيله اللى بتحصل دى ايه ؟؟

[AlGazar2]

بتتفتف ايه بالظبط

يعنى الهوا بيتقطع و خروجه مش منتظم ولا بتتفتف مياه ولا زيت

لو العادم يبقى الحرق مش مظبوط ممكن من الرشاشات او البوجيهات - لو مياه يبقى مياه متكسفه فى العلبه و بتطلع مع العادم و ده عادى لو زيت لا قدر الله يبقى الماتور بيودع خلاص و ده هيبقى متلاحظ اوى دخان ابيض و المكنه بتاكل زيت جامد

[amr_adel00]

بتتفتف ايه بالظبط

يعنى الهوا بيتقطع و خروجه مش منتظم ولا بتتفتف مياه ولا زيت

لو العادم يبقى الحرق مش مظبوط ممكن من الرشاشات او البوجيهات - لو مياه يبقى مياه متكسفه فى العلبه و بتطلع مع العادم و ده عادى لو زيت لا قدر الله يبقى الماتور بيودع خلاص و ده هيبقى متلاحظ اوى دخان ابيض و المكنه بتاكل زيت جامد

اولا: اشكرك على الرد السريع :)
ثانيا: الهواء بيتقطع و خروجه مش منتظم مفيش تفتفة مياه او زيت الحمد لله
بس انا عندى العربيه مش بتغيب فى الدواره يعنى اعتقد كده الرشاشات كويسه يبقى مش فاضل غير البوجيهات
ولا انت ايه رأيك يا باشا ؟؟
تحياتى:)

[Mohamed ELOoL]

يا باشا ممكن يكون الشكمان نفسه ( منفس )
ولا انت حاسس بالتقطيعة دي من الموتور ؟ لو من الموتور دي تبقي البوجيهات وش
شوف كدة وقولنا ايه الاخبار

[AlGazar2]

بص عشان تعرف الشكمان منفس ولا لا سد الشكمان من ورا بايدك لو سمعت صوت تنفيس يبقى الشكمان منفس و ده السبب فى الى عندك - لو مفيش يبقى شوف البوجيهات و الاسلاك و الموبينه

[Khaled Lanos]

لو الشكمان بيدي مدافع كدا يبقى كهرباء مش مظبوطة: بوجيهات..أسلاك بوجيهات..موبينة.. وممكن تكون رشاشات بردو او حساس شكمان..بس ابدأ الأول بالأسهل البوجيهات والأسلاك وان شاء الله المشكلة مش هتطلع برا الاتنين دول.

[hessenp]

دورت العربيه و وقفت جنبها لحد ما تسخن لاقيت العربيه كأنها بتفتف من الشكمان بس مفيش حاجه بتطلع من الشكمان لما بتحصل التفتفه دى..
ولما العربيه سخنت مبقتش تحصل التفتفه و الشكمان عرق ميه و الدنيا اتظبطت
تفتكروا التفتفه دى ايه ؟؟ او الترتيله اللى بتحصل دى ايه ؟؟

المشكلة دى كانت عندى واتحلت مع تغير البوجيهات .......

[amr_adel00]

انا متشكر جدا للاهتمام و للافاده..
مبدئيا كده انا لما قرييت الكيلو متر بتاع العربيه لاقيت ان ميعاد السيرفس بتاعها وجب :)
فهعملوا بقى و ان شاء الله الامور تظبط هاغير (بوجيهات و اسلاكها وفلاتر وسير دينامو والزيت بالمره)..
لو فى حد عنده اضافه على حاجه انا كنت ناسيها ياريت يقولى..
وشكرا جزيلا

[MMamdouh]

التفتفة عدم انتظام فى الحريق

مشكلتك اما بوجيهات او رشاشات

MMamdouh

[amr_adel00]

التفتفة عدم انتظام فى الحريق

مشكلتك اما بوجيهات او رشاشات

mmamdouh

1000 شكر يا مايستروو :)
طب ممكن يبقى فى مشكله فى الرشاشات و العربيه مش بتتأخر فى الدواره ؟؟

[MMamdouh]

غالبا صعب خصوصا لو عندك الرشاشات الرفيعة... لو رشاش واحد اللى فيه المشكلة ممكن يبقى هو السبب فى التفتفة مع تاثير ضعيف على وقت الدوارة... دة يبان لو فكيت البوجيهات و لقيت واحد مهبب بزيادة عن التلاتة التانيين

MMamdouh

[a7med.7assan]

استاذ ممدوح المشكله دى ممكن تكون من حساس ال tps؟ لعدم اكتمال عملية الحريق... ولا ايه رايك؟؟؟

[MMamdouh]

لا خالص

MMamdouh

[samihanwar]

طيب مش ممكن يكون من الكاتينه مش مظبوطه
هو انت عملت فيها شغل قريب

[a7med.7assan]

طيب استاذ ممدوح
عندى مشكله فى مؤشر عدد rpm لما بدور العربيه الصبح العداد بيبقى عالى وصوت الماتور عالى ويبتدى يهدى وحده وحده لحد ميوصل لتحت ال "1000" بشويه يعتى تقريبا 800 - 900 حاجه كده واعتقد كل ده امر طبييعى.

لما ببتدى اتحركك بالعربيه المؤشر بيبتدى يعلى معايا مع ضغطة البنزين وده امر طبيعى لكن اللى مش طبيعى بقه وقلقتى انى لما بشيل رجلى من ع دواسه البنزين وادوس دبرياج بحس ان المؤشر على شويه لوحده كانى دايس بنزين ويبتدى ينزل لحد 1200 مثلا ويفضل عليها لحد العربيه متقف ومبينزلش ل 800-900 دول غير لما العربيه تقف تماما لمده ثانيتين مثلا يبتدى ينزل للوضع الطبيعى ولو انا واقف فى اشاره مثلا واديت اولانى وتحركت بالعربيه عجله ودوست دبرياج تانى المؤشر يعلى تانى فوق ال 1000 ويوصل ل 1500 وميرجعش تانى ل 900 دى غير إلا لما اقف خالص لمده ثانيتين

وكمان لو انا بجرى بالعربيه وبعدين مورت خالص والعربيه بقت يتجرى بسرعتها من غير مدوس بنزين اكيد.. المؤشر ممكن بيكون عند 1500 وكالعاده مبينزلش ابدا الا لما العربيه تقف خالص وبعدها بثنيتين تلاته ينزل للمعدل الطبيعى اللى تحت ال 1000


على فكره عملت اكتر من مره ايديل ليرن لكن دون فايده