كيفية اختبار طرمبة بنزين نوبيرا للتاكد انها تعمل ام لا

[magedyounan]

لدى سيارة نوبيرا 2 موديل 2001 منذ حوالى اسبوع مطلعة عينى ادور العربية مرو تشتغل ومرة لا
واحيانا تشتغل وتروح مبطلة على طول واليوم روحت مشوار ولما جيت ارجع راسها والف جزمة ماتدورش المارش يلف وما تشتغلش الميكانيكى بيرجح انها طرمبة بنزين عايز اعرف اختبرها علشان اغيرها وانا متاكد اولا
ثانيا هل الصينى كويسة ولا لا وايه الاسعار من فضلكم

[MohammedAladel]

لو تعرف الخرطوم اللى داخل على الموتور بتفكه وتدور تشوف هيطلع بنزين ولا لأ

بالنسبة لى فى عربيتى أنا عندى الطرمبة فى التانك

حاجة بسيطة ممكن أعملها أفك الخرطوم الخارج من فلتر البنزين وتخلى حد يدور شوف هتضغط بنزين بقوة ولا لا وتطفى بسرعة عشان أزمة البنزين

[drmagieed]

متابع

[Mohamed ELOoL]

طلع فلتر البنزين .... مكانه في صدر العربية

و تشغل الكونتاك و تشوف هاتجيب بنزين ولا لاءء

او ممكن تسمع صوتها من غير ناتفك ولا حاجة و انت نازل الصبح و جوة العربية بتعمل صوت زنة مع الكونتاك

[MohammedAladel]

صوت الزنة مش كفاية

ممكن تكون الطرمبة ضعيفة

فيه حاجة كمان بتحصل فى ميجان لما تكون الطرمبة بدأت تهيس

لما يكون فيه بنزين أقل من الربع العربية بتنتش وتبطل وانت ماشى

وصوت الزنة بيعلى

[Mohamed ELOoL]

صوت الزنة مش كفاية

ممكن تكون الطرمبة ضعيفة

فيه حاجة كمان بتحصل فى ميجان لما تكون الطرمبة بدأت تهيس

لما يكون فيه بنزين أقل من الربع العربية بتنتش وتبطل وانت ماشى

وصوت الزنة بيعلى

لزيادة التاكيد تشيل الفيوز بتاع الطرمبة و تجيب ( سلك نحاس ) وتوصله مكان الفيوز
و كدة هنخلي الطرمبة شغالة علطول و بكدة هنعرف انها بتقطع او ضعيفة و لا لاءء

[kaza]

ضغط طلمبة البنزين بيتعرف باني افك خرطوم البنزين اللي رايح للفلتر وافتح الكونتاك (اخلي التابلوة لمض التشيك تنور )والمفروض ان البنزين يطلع باندفاع عالي لان الضغط في دورات بنزين الرشاشات تقريبا موحد ب 3بار فاذا مالقيتش البنزين طالع باندفاع يبقي الطلمبة ضعيفة وبالمناسبة لازم لمبة الموتور تنور لو ضعيفة اثناء الدوران لانخفاض الضغط وبرضه دة مش مقياس لان الطلمبات فية منها انواع تشتغل كويس وهي باردة وبعدين بعد ربع ساعة لما تسخن تبداء تقطع وما تنتظمش في تسليم الوقود بضغط عالي ودي لازم تعمل الاجراء السابق بعد ما تدور وتمشي وتظهر مظاهر العطل وتكشف علية بس حلي بالك من البنزين المندفع من الخرطوم بتاع الفلتر لانة بيعمل حريق لو جه علي البوبينة والبوجيهات
تابع العطل كويس لانة في النهاية ممكن يكون حساس كرنك في الغالب لانة شهير في الدايو مش الطلمبة تحياتي

[magedyounan]

اشكر كل من اهتم ورد ولكن لدى بعض الاستفسارات
1- هل بمجرد فتح الكونتكت مع فك خرطوم الفلتر تعمل الطرمبة باستمرار ويتم ضخ البنزين
2- هل عطل الطرمبة يؤدى الى اضاءة لمبة شك موتور
3- هل عدم وجود زنة وعدم ضخ البنزين بعد فتح الكونتكت يدل على عطل الطرمبة؟؟؟
4- ارجو الايضاح عن الاطراف التى اقيس عليها وصول امر تشغيل الطرمبة فى الفيشة الموجودة فو ق الطرمبة
توضيح هام منذ فترة اضاءت لمبة تشك موتور عند سرعة 60 كم وتطفئ عند تبطيل المحرك وتعاد اضاءتها عند الوصول الى نفس السرعة وتم وضع السيارة على الجهاز افاد عطل فى حساس الشكمان تم تغيير الحساس ثلاث مرات ونفس العطل موجود (اقوم بشراء الحساس الاصلى دائما من عند سرور) هل يكون عطل الطرمبة هو السبب ام لا

[mhopa2440]

1- بمجرد فتح الكونتاكت (لمبة التشك - ولمبة الزيت - ولمبة الشحن) تعمل طلمبة البنزين لعدد ثلاث ثواني فقط لا غير ثم تفصل بعها مباشرة ولو شغلت العربية تستعمر ف العمل (يعني لما تفك الخرطوم من الفلتر وتفتح كونتاكت هطلع بنزين لمدة ثلاث ثوان وتقف بعدها عن العمل لو شغلت باستمرار على المرش هيخرج بنزين بصفة مستمرة (كدا الطلبمة تمام ومش محتاجة تغيير - بس احتمال تكون ضيعفة بس العربية هتشتغل بردوا)
2- عطل طلمبة البنزين ليس له علاقة بلمبة الشك
3- عدم وجود الزنة عند فتح الكونتاكت لا يدل على العطل (موضوع الزنة دي هي الثلاث ثان للضخ البنزين عن فتح الكونتاكت راجع رقم 1) في احتمال كبير قوي عندك يكون العيب ف علبة الفيوزات اللي في الكبوت الفيوز يمكن يكون بيعلق او السلك اللي رايح على الطلمبة مكربن من السخونة دي حصلت معايا وغيرت السلك لانه عندي خارجي واشتغلت تمام قوي هتلاقي الفيوز مكتوب عليه pump تقريبا
4- موضوع الأطراف دا معرفوش بس ممكن تلمس حاجة غلط تحرق فيوز ولا اي حاجة بلاش الاختبار دا

[kagawa]

صديقي

1- في النوبيرا فيه خرطوم صغير اسمه خرطوم فايظ الهو طوله حوالي 15 سم
موجود في ضهر الماتور الخرطوم ده بيتخلع لوحده تيجي تدور العربيه ملتقولش حاجه خالص
واغلب الميكانيكيه ما بيصوش عليه الاول .. ويقلك طرمبه البنزين ويلعب في السلنسيه
ولو ركب الخرطوم مكانه العربيه هاتدور علي طول ... فالاول شوف الخرطوم ده راكب ولا لا
2- بالنسبه لاختبار طرمبه البنزين ...
فيه صديق هنا قال انه راح لواحد ميكانيكي علشان اختبار لطلمبه الميه ام الميكانيكي جاب خشبه
وحط طرفها علي ودنه وطرفها التاني علي الطرمبه ... وقاله الطرمبه ودعت خلاص
انا مش ها قولك روح له علشان المراقب هنا حاططني في دماغه لما اعترضت اداني اسبوع
ايقاف ....

..

..

[kagawa]

صديقي

1- في النوبيرا فيه خرطوم صغير اسمه خرطوم فايظ الهو طوله حوالي 15 سم
موجود في ضهر الماتور الخرطوم ده بيتخلع لوحده تيجي تدور العربيه ملتقولش حاجه خالص
واغلب الميكانيكيه ما بيصوش عليه الاول .. ويقلك طرمبه البنزين ويلعب في السلنسيه
ولو ركب الخرطوم مكانه العربيه هاتدور علي طول ... فالاول شوف الخرطوم ده راكب ولا لا
2- بالنسبه لاختبار طرمبه البنزين ...
فيه صديق هنا قال انه راح لواحد ميكانيكي علشان اختبار لطلمبه الميه ام الميكانيكي جاب خشبه
وحط طرفها علي ودنه وطرفها التاني علي الطرمبه ... وقاله الطرمبه ودعت خلاص
انا مش ها قولك روح له علشان المراقب هنا حاططني في دماغه لما اعترضت اداني اسبوع
ايقاف ....

..

..

[kagawa]

صديقي

1- في النوبيرا فيه خرطوم صغير اسمه خرطوم فايظ الهوا طوله حوالي 15 سم
موجود في ضهر الماتور الخرطوم ده بيتخلع لوحده تيجي تدور العربيه ملتقولش حاجه خالص
واغلب الميكانيكيه ما بيصوش عليه الاول .. ويقلك طرمبه البنزين ويلعب في السلانسيه
ولو ركب الخرطوم مكانه العربيه هاتدور علي طول ... فالاول شوف الخرطوم ده راكب ولا لا
2- بالنسبه لاختبار طرمبه البنزين ...
فيه صديق هنا قال انه راح لواحد ميكانيكي علشان اختبار لطلمبه الميه قام الميكانيكي جاب خشبه
وحط طرفها علي ودنه وطرفها التاني علي الطرمبه ... وقاله الطرمبه ودعت خلاص
انا مش ها قولك روح له علشان المراقب هنا حاططني في دماغه لما اعترضت اداني اسبوع
ايقاف ....

[MohammedAladel]

طيب إيه فايدة فايص الهواء ؟؟

[magedyounan]

بصو ياجماعة اولا نشكر كل من ساهم فى هذا الموضوع
ثانيا انا غيرت الطرمبة بتاعة البنزين كامة جديدة والحمد لله المشكلة راحت وكمان غيرت فلتر البنزين ووجدت الفلتر القديم بالرغم من انه كان يعتبر جديد الا انه قلبه سايب من الداخل تهزه تحس انه فيه حاجة سايبة من الداخل المهم ام المشكلة انتهت والحمد لله
عايزين المتخصصين يقولو لينا على كيفية اختبار الطرمبة هذا لفائدة الجميع يعنى علشان تختبر كهربة الطرمبة ازاى ايه القياسات التى يجب قرائتها

[م. محمد نافع]

لزيادة التاكيد تشيل الفيوز بتاع الطرمبة و تجيب ( سلك نحاس ) وتوصله مكان الفيوز
و كدة هنخلي الطرمبة شغالة علطول و بكدة هنعرف انها بتقطع او ضعيفة و لا لاءء

اكيد حضرتك تقصد انه يشيل الكتاوت ويعمل كوبري مكانه