ماهيا مشكلتي عايز إجابة ؟

[mahmoud_anwar]

السلام عليكم ورحمه الله وبركاته
انا بصراحة قربت اعلن اعتزالي الانوس وهبعها واشتري يا باسات موديل 99 او جولف 4 او رينو ميجان 2007 بصراحة انا بدقت اتخنق
انا لسه مروق العربية وظبطها ظبطة تمام مغير قواعد دلوقتي وانا واقف القي العربية فيها رعشة بسيطة رحت لي الميكانيكي قالي هيا العربية دي علي 3 قواعد وتقسيمهم غلط وكده قالي المفروض يكون في قاعدة تحت الماتور تحكمة متكنش جمبة فا انا بقت مضايق في عربيات بركبها مع صحابي طبعآ مش دايو لا ميتسوبيش كيا بدخل جوة العربية بفتكر ان العربية لسه مادرتش اصلآ انا عندي العملية مش عربية راما لا بس فيها هزا خفيفة
تاني حاجة انا مش هصرف اصلآ علي العربية في اي تعديلات يبقا حرام عليا شاري عربية موديل 2005 واعدل فيها انا سايب كل حاجة علي وضعها حتي مشترتش جنوط واشتريت كويتشات جديدة وخليتها علي وضعها وحصلي موضوع مقرف بعد ماركبت الكويتش العربية سمعت صوت حك غريب اول مرة اسمعه المهم من هنا لي هنا اكتشفت ان المسمار بيحك في التيل رحت لواحد راح يقطع فيه بي الصاروخ وخد 10 جنية تاني يوم سمعت نفس الصوت علي خفيف قوت مابدهاش رحت اشتريت اربع مسامير بي 20 جنية اصغر منها والصوت اختفي ودخلت في غرامة تانية علشان راس المسامير دي اصغر اشتريت صليبة كنت حاسس بي حالة فقر في ام الكوتشات وانا بركبها رحت اظبط زوايا العربية كانت بتحدف معايه يمين المهم ظبط برضة بتروح يمين من هنا لي هنا غير العجلة وحطها شمال بقت تروح شمال المهم رحت لواحد تاني قالي العربية زي الفل ومافيهاش حاجة قولت له علي الحدفة بص علي الكويتش والجنط قالي سليم جدآآ وقالي العجل مفتوح سنة بسيطة جدآآآ وسئلتة طيب العربية بتروح شمال ليه لما غير الجنط وكده قالي امشي بي العجل لمدة 10 ايام لي ان العجل ممكن يكون نقشة اكبر شوية من نقشة ولسة العجل هيطبع حتا جبت العجل الي ارة وحطيطة امام برضة العربية بتروح شمال بس مش بتروح بي غباء بتروح بي سنة خفيفة اوي
وبعدين قالت ياض يامحمود روح رجلش الفرامل واظبطها وخد هواء علشان عندي جمب كان بيمسك قبل جمب المهم عملت كده فعلآ وظبط الكلام وروحت علي شقتي ونزلت بحط ايدي علي الجنط مش الطاسة ايدي اتلسعت مش عارف اعمل ايه في مشكلة سخنية العجل دة عيبة ايه وعلاجة ايه مع العلم انا الطنابير عندي سليمة مافيهاش ولا عالي ولا واطي انا بدقت اتخنق مع اني مابشتكيش منها
وكمان انهارضة لحظت حاجة العربية كانت مخنقة في المشي مني انهارضة مش عارف ليه مرة تبقا رهوان وسعات تيجي له الحالة تقفش مرة وحده مش عارف ايه الحل انا شكل والله هابعها اشتري عربية مش مهم قطع غيارها نار بس القي فيها كل متطلباتي

[AhMeD MeTwAlY]

انت عايز معجزه حد يبيع 128 ويجيب لانوس حرام عليك

[aw2100]

الصبر حلو اللانوس عربية جميلة وحمالة قاسيه وكل العربيات فيها مشاكل بس اهم حاجة تروح لميكانيكى شاطر وبالنسبة لسخونية العجل غير زيت الفرامل وحط زيت جديد dot 4 وحتلاقى الدنيا تمام ممكن يكون الزيت اللى عندك قدم او يكون dot 3 وده اللى بيسخن الجنوط وده يخلى سحب العربية يقل وبص على الأجهزه امامى ممكن يكون فيه حاجه قافشه وربنا يقويك !!!

[mahmoud_anwar]

انت عايز معجزه حد يبيع 128 ويجيب لانوس حرام عليك

ياريت كان معايه 128 وبعتها واشتريت لانوس كنت سعتهاهبقا مش حاسس بي اي حاجة فيها
انا قبل ما اركب الانوس كان معايه جولف 2 معدلة gti بي الكامل ماتور 1800 انجكشن يعني بدون مبالغة كنت بشد مع بي امات وكنت بشدمع المزدا 3

[AhMeD MeTwAlY]

ياريت كان معايه 128 وبعتها واشتريت لانوس كنت سعتهاهبقا مش حاسس بي اي حاجة فيها
انا قبل ما اركب الانوس كان معايه جولف 2 معدلة gti بي الكامل ماتور 1800 انجكشن يعني بدون مبالغة كنت بشد مع بي امات وكنت بشدمع المزدا 3

معلش اتلخبط بينك وبين واحد كان بينزل قصص عن عربيه 128 كانت معاه كان شايف منها المرار

[mahmoud_anwar]

الصبر حلو اللانوس عربية جميلة وحمالة قاسيه وكل العربيات فيها مشاكل بس اهم حاجة تروح لميكانيكى شاطر وبالنسبة لسخونية العجل غير زيت الفرامل وحط زيت جديد dot 4 وحتلاقى الدنيا تمام ممكن يكون الزيت اللى عندك قدم او يكون dot 3 وده اللى بيسخن الجنوط وده يخلى سحب العربية يقل وبص على الأجهزه امامى ممكن يكون فيه حاجه قافشه وربنا يقويك !!!

والله انا بتعامل مع ميكانيكي كويس ورحتلة وكان شاكك في الديسك والاستوانه اوالرشاشات لكن الحمدالله مافيش حاجة لا في الديسك والاستوانة ولا ف الرشاشات
اما بخصوص الزيت الي حضرتكبتقول عليه القية فين وازاي افضي الزيت الباكم الي في العربية حاليآ ؟؟؟؟

[mahmoud_anwar]

معلش اتلخبط بينك وبين واحد كان بينزل قصص عن عربيه 128 كانت معاه كان شايف منها المرار

ولا يهمك ياجميل انا فعلآ امتلكت128 لمدة اسبوعين اشترتهابعد حدثتي بي البي ام الشرك اشترتها بي 6000الف جنية اشتريت لها بطارية واربع مساعدين وبعتها بعد اسبوعين مش قادر اسوقها من كتر ماهيا تخنق

[truss]

الصبر حلو اللانوس عربية جميلة وحمالة قاسيه وكل العربيات فيها مشاكل بس اهم حاجة تروح لميكانيكى شاطر وبالنسبة لسخونية العجل غير زيت الفرامل وحط زيت جديد dot 4 وحتلاقى الدنيا تمام ممكن يكون الزيت اللى عندك قدم او يكون dot 3 وده اللى بيسخن الجنوط وده يخلى سحب العربية يقل وبص على الأجهزه امامى ممكن يكون فيه حاجه قافشه وربنا يقويك !!!

هو ايه العلاقة ما بين نوع زيت الفرامل و سخونية العجل و السحب ؟!!

[mahmoud_anwar]

هو ايه العلاقة ما بين نوع زيت الفرامل و سخونية العجل و السحب ؟!!

+11111111111111111111111111

[bebom]

بص انا كنت اكتر منك
رحت اشتريت لانوس 2005 بص الفرامل كانت ضايعه قلت يمكن رجلي تقيل متعوده علي128 فجاءة بعد لما غيرت زيت وفلتر لقيت لمبة الزيت نورة وترعش ديه تاني ييوم خامس يوم رحت اكشف قالك الماتور رزع ركنتها شهرين او تلاتة اسخنها بس علي بال مقررة وجمعت فلوس محتار مبين عمرة واغير ماتور الماتور لوحده2800 وقواعد وشوية حاجات 5000ج وكل اسبوع اروح ميكانيكي مره طرمبة مياه ومره طقم دبرياج وماستر فرمل المهم انا جايب العربية في شهر 8وكانت كل لما اكتشف حاجة لازم اعملها وانا مبركبهاش الا جمعة بس وسعات جمعه وسبت وشهر و1-2013 من سعتها وبعد مصرفت لايقل عن 7الاف جنيه خد بالك اتصرفو مش علي ترويش ولا الكلام ده بس الحمد الله حسيت فعلا بالعربية نها تحفه بس بعد ما زعتني كتييييييييييييييييييييييييير اهم حاجة شوف ميكانيكي بيفهم

[aw2100]

هو ايه العلاقة ما بين نوع زيت الفرامل و سخونية العجل و السحب ؟!!

زيت الفرامل لما يكون قديم بيكون فقاقيع هواء فى دورة الفرامل وده بيخلى مستر العجل مابيردش للاخر بمعنى كئنك دايس فرامل خفيف وده بيسخن الجنوط طبعا ولما العجل بيقفش سحب العربية يقل وتاكل بنزين كمان وبالنسبة لنوع الزيت فية زيت موبيل dot 4 وفيه شل كمان وده افضل من الزيت dot3 والمفروض تغير زيت الفرامل كل سنه علشان بيبوظ بسرعة وحتحس ان الفرامل بقت قوية والبدال ميوطاش كل شويه ودة موضوع اقرائه حيفيدك !!

http://www.nilemotors.net/Nile/334812-a.html

بص انا كنت اكتر منك
رحت اشتريت لانوس 2005 بص الفرامل كانت ضايعه قلت يمكن رجلي تقيل متعوده علي128 فجاءة بعد لما غيرت زيت وفلتر لقيت لمبة الزيت نورة وترعش ديه تاني ييوم خامس يوم رحت اكشف قالك الماتور رزع ركنتها شهرين او تلاتة اسخنها بس علي بال مقررة وجمعت فلوس محتار مبين عمرة واغير ماتور الماتور لوحده2800 وقواعد وشوية حاجات 5000ج وكل اسبوع اروح ميكانيكي مره طرمبة مياه ومره طقم دبرياج وماستر فرمل المهم انا جايب العربية في شهر 8وكانت كل لما اكتشف حاجة لازم اعملها وانا مبركبهاش الا جمعة بس وسعات جمعه وسبت وشهر و1-2013 من سعتها وبعد مصرفت لايقل عن 7الاف جنيه خد بالك اتصرفو مش علي ترويش ولا الكلام ده بس الحمد الله حسيت فعلا بالعربية نها تحفه بس بعد ما زعتني كتييييييييييييييييييييييييير اهم حاجة شوف ميكانيكي بيفهم

كل واحد بيشترى عربية جديدة زى اللى بيبقى لسة متجوز جديد بيتعب مع مراته شوية لما يربيها على عاداته وبيصرف على بيت الزوجية وبعد كدة بيرتاح والعربية كده برضة بتربيها وتصرف عليها شوية فى الأول وبعد كدة يدوب مصاريف الصيانة بس المهم فى الموضوع يكون الصنيعي امين مش حرامى اللى بيشتغل فيها ومتسترخص قطع الغيار علشان الناس اللى بيبيعوا العربيات دى بيبقو بخلا ومبيفهموش فى عربياتهم وطبعا العربيات بتبوظ وتقع واللى بيشترى العربية بيدفع ثمن اهملهم وبخلهم عليها وربنا يوفقك !!

[m_medo]

مشكلتك والله أعلم انك بتدور على مشكلة فى العربية.... ورأيى ان كل عربية على قد سعرها

[shur3000]

اللى انت حاسة طبيعى لان انت ركبت المانى وبعدين كورى ففى فرق جبار. بس الانوس من العربيات روحها خفيفة وبنت ناس بس اهتم بيها شوية فى الاولب وهى هتلاقيها ظبطت معاك

[mahmoud_anwar]

زيت الفرامل لما يكون قديم بيكون فقاقيع هواء فى دورة الفرامل وده بيخلى مستر العجل مابيردش للاخر بمعنى كئنك دايس فرامل خفيف وده بيسخن الجنوط طبعا ولما العجل بيقفش سحب العربية يقل وتاكل بنزين كمان وبالنسبة لنوع الزيت فية زيت موبيل dot 4 وفيه شل كمان وده افضل من الزيت dot3 والمفروض تغير زيت الفرامل كل سنه علشان بيبوظ بسرعة وحتحس ان الفرامل بقت قوية والبدال ميوطاش كل شويه ودة موضوع اقرائه حيفيدك !!

http://www.nilemotors.net/nile/334812-a.html

كل واحد بيشترى عربية جديدة زى اللى بيبقى لسة متجوز جديد بيتعب مع مراته شوية لما يربيها على عاداته وبيصرف على بيت الزوجية وبعد كدة بيرتاح والعربية كده برضة بتربيها وتصرف عليها شوية فى الأول وبعد كدة يدوب مصاريف الصيانة بس المهم فى الموضوع يكون الصنيعي امين مش حرامى اللى بيشتغل فيها ومتسترخص قطع الغيار علشان الناس اللى بيبيعوا العربيات دى بيبقو بخلا ومبيفهموش فى عربياتهم وطبعا العربيات بتبوظ وتقع واللى بيشترى العربية بيدفع ثمن اهملهم وبخلهم عليها وربنا يوفقك !!

تمام انا ان شاء الله علي الشهرالقادم هغير التيل واغير الزيت كمان واقولك علي الجديدان شاء الله

[mahmoud_anwar]

مشكلتك والله أعلم انك بتدور على مشكلة فى العربية.... ورأيى ان كل عربية على قد سعرها

يمكن بس بصراحة العربية مشتكتش منها في حاجة غير بس سوخنية العجل مش اكتر والسحب بيضعف سعات