ان شاء الله مسافر عمرة وهركن العربية

[m_medo]

السلام عليكم جميعا
انا ان شاء الله مسافر عمرة 10 ايام ... واتفقت مع واحد صاحبى مسافر معايا انى احط العربية فى جراج الفيلا بتاعته.
بس هو معندوش حد ينزل يدور العربية كل فترة... فهل فيه مشكلة انها تقعد 10 ايام من غير ما تدور؟
ارجو الرد

[ahmedteam]

ممكن يدورها بعد 3 او 4 ايام على سبيل الاحتياط بس مفيش مشكله لو ماداريش نهائيا عادى جدا و لا تقلق

عمره مقبوله ان شاء الله و ادعيلنا و للبلد بصلاح الحال

[maka]

عمرة مقبولة باذن الله

افصل قطاش البطارية و لما ترجع ركبهم و هتدور معاك باذن الله على طول

لا تنسى تدعيلنا بالهداية و صلاح الحال

[Ahmed_Adham]

لو البطاريه حالتها كويسه يبقى ممكن تسيبها شهر او شهرين كمان بدون ما تدور عادي.

[aldesha989]

اللى كان بيحصل معايا بعد اسبوع ان البطاريه بتنام خلينا نتأكد من الشباب ايه اللى المفروض يحصل

وعمره مقبوله ولا تنسانا من الدعاء

[Karim_Mohy]

عمرة مقبولة باذن الله

افصل قطاش البطارية و لما ترجع ركبهم و هتدور معاك باذن الله على طول

لا تنسى تدعيلنا بالهداية و صلاح الحال

+1
وادعيلنا معاك وتيجي بالسلامه
عمره مقبوله باذن الله

[m_medo]

السلام عليكم جميعا
انا ان شاء الله مسافر عمرة 10 ايام ... واتفقت مع واحد صاحبى مسافر معايا انى احط العربية فى جراج الفيلا بتاعته.
بس هو معندوش حد ينزل يدور العربية كل فترة... فهل فيه مشكلة انها تقعد 10 ايام من غير ما تدور؟
ارجو الرد

ممكن يدورها بعد 3 او 4 ايام على سبيل الاحتياط بس مفيش مشكله لو ماداريش نهائيا عادى جدا و لا تقلق

عمره مقبوله ان شاء الله و ادعيلنا و للبلد بصلاح الحال

عمرة مقبولة باذن الله

افصل قطاش البطارية و لما ترجع ركبهم و هتدور معاك باذن الله على طول

لا تنسى تدعيلنا بالهداية و صلاح الحال

لو البطاريه حالتها كويسه يبقى ممكن تسيبها شهر او شهرين كمان بدون ما تدور عادي.

اللى كان بيحصل معايا بعد اسبوع ان البطاريه بتنام خلينا نتأكد من الشباب ايه اللى المفروض يحصل

وعمره مقبوله ولا تنسانا من الدعاء

+1
وادعيلنا معاك وتيجي بالسلامه
عمره مقبوله باذن الله

الله يخليكم يا حبايبى
ان شاء الله دعوة لأعضاء المنتدى الجميل ده امام الكعبة... وأكيد ان شاء الله دعوات كتير لبلدنا ان ربنا يفك الكرب ان شاء الله.
انا مشكلتى ان صاحبى مسافر معايا ومعندوش حد فى الفيلا يدور العربية ... وكمان انا لو ربنا اراد ليا الرجوع بالسلامة أخوه هيوصلنا لحد الفيلا وانا هاخد العربية وامشى... عشان كدة مش هيبقى عندى وقت اربط قواشيط وكدة ... هى البطارية جديدة عشان كدة انا هاخد برأى الاعضاء اللى بيقولو انه عادى لما اسيبها 10 ايام.... والله المستعان

[maka]

الافضل انك تفصل القواطيش علشان الانذار و خلافه و تركيبه مش هياخد وقت

[m_medo]

الافضل انك تفصل القواطيش علشان الانذار و خلافه و تركيبه مش هياخد وقت

ان شاء الله لو وصلت عنده قبل ميعاد الطيارة بشوية هفصل القواشيط... شكرا على خوفك يا باشا

[S O P H O S]

عمرة مقبولة ان شاء الله
زي ما قال الاخوة لو تقدر تفصل البطارية
لو حالتها كويسة هتستحمل بس علشان الشتاء افصلها افضل لو تقدر ..

[m_medo]

عمرة مقبولة ان شاء الله
زي ما قال الاخوة لو تقدر تفصل البطارية
لو حالتها كويسة هتستحمل بس علشان الشتاء افصلها افضل لو تقدر ..

اشكرك... وان شاء الله هحاول افصلها

[swimmer25]

تقعد فوق الشهر متشتغلش عادي
وترجع تدور عادي جدا مفيش مشكلة
عمرة مباركة

[mahmoudysf]

يا باشا ولا هيحصل حاجة انا كنت بسيب عربيتي بال 10 وال 15 يوم ما ادوراهاش وبتدور عادي بس ده في حالة البطارية كويسة
وعمره مقبولة ان شاء الله

[Khaled Lanos]

الأفضل فعلا انك تفك القواطيش عشان البطارية متنمش..لكن لو بطارية جديدة ومفيش حاجة بتسحب منها زي لمبة شغالة او قفلة ولا حاجة مفيش مشكلة ان شاء الله..دول 10 أيام مش كتير..أنا زمان كنت قاعد في السعودية كنت أسافر شهرين لمصر أجازة وأرجع أدور العربية ألاقيها بتدور معايا من اول مرة ونسيت أفصل قواطيش البطارية في اليوم دا.

عمرة مقبولة إن شاء الله ومتنساش تدعيلنا معاك في الكعبة بالتوفيق والنجاح وان ربنا يصلح حال مصر.

[AlGazar2]

ممكن تسيبها فتره كبيره من غير ما تدورها و هاتدور معاك بعد كده - هيه مش 126 عشان تهرب كهربا عشان فيها ماس ولا حاجة و انا كان معايا 127 كانت بتقعد بالاسبوعين ما تدورش و النوبيرا الى معايا حاليا ايام الثوره قعدت ال 18 يوم و اكتر من غير ما تدور ولا مره و بعدها بفتره حوالى 3:4 شهور من غير ما تدور و بعدها بتدور عادى من اول مره بس بتطلع دخنه بسيطه فى اول الدواره و بعدها بتروح بس تسيبها شويه دايره عشان الزيت يوصل لكل حته فى الماتور

و عمره مقبوله باذن الله