كهربة العربية قطعت

[melagouze]

السلام عليكم و رحمة الله

انا ركنت العربية يومين و بحاول ادورها مفيش فيها اي كهربا نهائي.....البطارية و الدينامو كنت كاشف عليهم قريب و كانوا شغالين.....التابلوه و الكونتاكت مفيهومش اي كهرباء بتاتا

جبت واحد كهربائي قاللي فيه حساس ممكن يكون موقف الدنيا........زمعرفش ده مظبوط و لا افتكاسة!!!!!!!!!!!

[EL DEEB]

بص يا سيدي انت بكره تشوف واحد صاحبك تاخد البطاريه بتاعته وتركبها عندك وتشوف العربيه هاتعمل ايه لو تمام واشتغلت يبقى بطاريتك جافه وباظت وده الطبيعي كل البطاريات الجافه بتموت مره واحده كده و خلي بالك من نقطه مهمه اوي تثبيت البطاريه في جسم العربيه في حاجات بتثبت البطاريه في مكنها سواء مسامير او كلبسات دي مهمه علشان البطاريه لما بتتهز بتبوظ ولواتخبطت او مشيت بسرعه على طريق مكسر او اكلت مطب جامد ممكن تتسب في كسر او وقوع احد الواح البطاريه وكده تبقى البطاريه راحت في البليله
لو مش اشتغلت شوف الفيوزات ممكن يكون فيوز محروق او مهزوز هو الي عامل كده وده حصل معايا

ارجو ان اكون قد افدتك

[melagouze]

هوه جبت لها كهربائي و غيرنا البطارية....التابلوه اشتغل بس الماكنه مش واصل لها كهربا

....و كشفنا ع البطارية مفيش حاجة...

قاللي ان سلك البوجيهات و الموبينا و فلتر البنزين عايزين يتغيروا....و الرشاشات عايزه تنضف

و قاللي ان ثمن الكلام ده بالمصنعية (من غير فلتر البنزين) 350 جنيه

مش عارف ده اشتغاله و لا ايه

[tarek_2005]

اشتغالة كبيرة

المارش بيلف ولا لاء
لو بيلف
فيه شرارة من اسلاك البوبينة ام لا
لو فيه شرارة
فك خرطوم البنزين الخارج من الفلتر و افتح الكونتاكت شوف فيه بنزين بيخرج ام لا

اعمل الخطوات دي ورد عليا نتيجة كل خطوة ايه وانا احددلك العيب منين

[Abo Yasso]

متابع

[misho2008]

اشتغالة كبيرة

المارش بيلف ولا لاء
لو بيلف
فيه شرارة من اسلاك البوبينة ام لا
لو فيه شرارة
فك خرطوم البنزين الخارج من الفلتر و افتح الكونتاكت شوف فيه بنزين بيخرج ام لا

اعمل الخطوات دي ورد عليا نتيجة كل خطوة ايه وانا احددلك العيب منين

الله ينور يا مهندسناااااا

[buddha]

انتا بتقول ان كهرباء العربية كلها يعنى مفيش حتى نور تابلوة شغال؟؟؟؟؟؟؟؟؟؟؟

دة بسبب حاجة اسمها كتاوت او فيوز العمومى

[Wisam Alahmad]

السلام عليكم الموضوع قديم ولكن الان يواجهني نفس العطل في سيارتي فلكس فاجن توران ظهر عندي هذا الموضوع من خلال البحث على كوكل واظطررت للتسجيل في موقعكم المميز وانشر موضوع بخصوص العطل وعسى ان اجد اجابه شافية تشخص العطل

[Nader]

السلام عليكم الموضوع قديم ولكن الان يواجهني نفس العطل في سيارتي فلكس فاجن توران ظهر عندي هذا الموضوع من خلال البحث على كوكل واظطررت للتسجيل في موقعكم المميز وانشر موضوع بخصوص العطل وعسى ان اجد اجابه شافية تشخص العطل

وعليكم السلام ورحمة الله وبركاته
طيب اوصف المشكلة بالتفصيل

[unavailable]

السلام عليكم ورحمه الله وبركاته.

شكرا لان حضرتك بتشارك علمك مع الناس ... انا ظهرت عندي مشكله ان والعربيه ماشيه فصلت فجاه ونور التابلوة نور ومشعايزة تدور وعندي بقي
نور التابلوة بينور
والمارش بيلف وبيطلع صوت انه هيقوم العربيه
بس مفيش شرارة من السلك اللي طالع من الموبينه ومفيش بنزين بيطلع من التانك يعني الطرونبه واقفه ولما حطيت ودني عليها لقيتها مبتطلعش صوت اصلا وده كده مشواصل لها كهربا وشفطت من خرطوم البنزين من بعد الفلتر لحد ما جبت بنزين للفلتر وبرده مدارتش ومشعارف العيب ايه بس لقيت السلك اللي خارج من الموبيه من ناحيه الموبينه تحت الكوتشه الغطا بتاعها عليه شوية زيت مشعارف هو كده ولا لا .. انا نوع عربيتي اكسنت ٢٠٠٧ الشكل القديم