استفسار ضروررري

[samir1900]

معي دايو لانوس هاف اوبشن موديل 2004 عندي صوت ونه بعد 120 ممكن تكون من ايه مع ان كشفت علي بلي العجل وكان كويس ولسه مغير طرمبة مياة و كل حاجه تمام علي فكرة صوت الونه كان موجود قبل تغيير الطرمبة
فممكن يكون من ايه ؟؟؟؟
هل الشكمان!!!!!!!!

[مصطفى-حسن]

الشكمان مبيعملش ونة بيعمل خربطة لما يكون سايب ومش مربوط
الاول اقفل الزجاج وانت ماشى وحاول تركز مع صوت الونة جاى منين بالضبط
ولو منفعتش
افتح الزجاج وحاول تانى تركز الونة جاية من اى مكان
دة الكلام دة لو الونة مش طالعة من الحوض

[samir1900]

هو تقريبا الصوت طالع من ناحية اليمين بالنسبة للي سايق اساسا في زنه في العربية مع دوسه البنزين وانا والله زهقت و هبيع العربية علشان كده مش عرف من كراسي المكنة ولا الشكمان مع ان كل حاجه سليمة

[مصطفى-حسن]

هو تقريبا الصوت طالع من ناحية اليمين بالنسبة للي سايق اساسا في زنه في العربية مع دوسه البنزين وانا والله زهقت و هبيع العربية علشان كده مش عرف من كراسي المكنة ولا الشكمان مع ان كل حاجه سليمة

طيب افتح الكبوت وزود بنزين واسمع وركز
عايزين بس نعرف هى الونة من المكنة ولا من العفشة
واثناء المشى ولا اثناء الوقوف
لانك لما تحدد
هتقلل مجال الاجتهاد
ولو طلع الصوت من الماتور حاول تعرف هو ونة ولازنة ولا خرفشة وخربطة
وممكن تعمل حاجة تانى
هت ماسورة (اى ماسورة) بلاستيك او حديد او حتى ماسورة مياة يكون طولها ازيد من نصف متر (اقل او ازيد عادى يعنى) وابدأ حطها على كل حتة فى المكنة وانت بتزود وامسك الطرف التانى بأيدك على ودنك

لو حددت نوع الصوت زنة ولاونة ولا خرفشة وخربطة وحددت المكان كدة انت حليت 90% من مشكلتك

[samir1900]

الونة بتظهر بعد 120 بس

[مصطفى-حسن]

الونة بتظهر بعد 120 بس

شغل عفشة بنسبة 75%
وتقريبا كدة بلية

طيب انت مقولتيش انت اخر مرة غيرت البلية اللى قدام يمين السائق كان امتى

[م. محمد نافع]

و انت ماشي بالعربيه علي 120 اول ما تسمع الونه
مور العربيه وشوف الصوت هيروح ولا لا
لو راح يبقي احنا بنتكلم في الموتور والفتيس
لو فضل الصوت يبقي غالبا بلي عجل
ترصص الفردتين اللي قدام ترصيص بالموتوسيكل علشان تعرف الصوت جاي من اي عجله وتغير البليه اللي فيها الصوت