معرفش اى حاجة عن النوبيرا

[Mohamed ELOoL]

يا باشا خلاصة الكلام لو انت مش همك قطع الغيار و لقيت فيكترا حالتها نضيفة اوي خدها ( دة اذا ملقتهوش طالب فيها 70 الف جنيه )

غير كدة نوبيرا وش في نوبيرا 2009 عادي

هوا اخر تصنيع ليها في 2008 بس في ناس رخصت في 2009 عادي

مميزات النوبيرا :
و ركز معاية
1- عربية واسعة و فخمة جدا من جوة
2- ثابتة علي الطريق بطريقة غريبة ( كنت بعمل غرز علي الواسع علي 180 )
3- تكيف قوي ( اقوي من تكيف الفيكترا ) في ناس بتشتري تكيف النوبيرا للفكترا
4- قطع غيار رخية جدا و عند البقال و اي صانيعي بيشتغل فيها
5-برغم من كبرها سحبها جامد جدا

نيجي بقي لعيوبها :
1- جلب المقصات بتعتها وحشة بتعوز تتغير كل فترة
2- الصاج ضعيف شوية
3- الاوتوماتيك بتعها مش حلو و دة في معزم الكوري بذات في الدايو

انا شايف ان استهلاك البنزين كويس 200 في الصفيحة او اقل جوة البلد

الكرستالة متقرينهاش بي نوبيرا ...... الكريستالة تقارنها بلانوس