رايح اشترى لانوس 2001 افيدووووووووونى

[Mostyonline]

صباح الفل على احلى منتدى
عندى استفسار و يا ريت لو اهل الخبرة يدلونى
قدامى عربية لانوس للبيع موديل 2001 عاملة 200000 كيلومتر كاملة منيول
الحالة العامة للعربية كويسة جدا نضيفة جدا
و كنت رايح اخلص فيها النهاردة فقولت اخد حد بيفهم معايا
فخت واحد صاحب الحج معايا عشان يبص على العربية كويس هو شغال فى المستعمل
بص عليها وقلى العربية دى مخبوطة من قدام و الخبطة مسمعا فى الكرتيرة الامامة يمين اللى تحت فلتر الهوا و فى انبعاج فى صاجة فرن الشكمان .فقالى ابعد عنها خالص.
و العربية كانت ب 42000

بس الراجل صاحب ابويا ده جايبلى عربية
لانوس موديل 2001 عاملة 77000 كيلومتر زجاج امامى كهرباء و تكيف بس عاوز 46000 جنية


انتو اه رايكوا يا جماعة انا محتار اوى اوى اوى

[ahmad_salama]

خد راي حد تاني علشان ممكن يكون صاحب الحج ده عاوز يعمل مصلحه

[Mostyonline]

انا فعلا اخت واحد تانى معايا و هو برده اكد على نفس العيب
بس هل الخبطة تاثر على العربية فى مشيها او فى بيعها

و شكرا لردك يا استاذ احمد

[maio_do]

بص سيبك من العربية دى وسيبك من صاحب الحج وشوف عربية تانى الانوس مفيش اكتر منها

[Mostyonline]

بما انك معاك لانوس 2
يا استاذ maio_do
اه احسن موديل فى الانوس وتعملها كام
و شكرا لردك و اهتمامك

[Abo Yasso]

متابع للاستفاده

[moumen_hs]

بص سيبك من العربية دى وسيبك من صاحب الحج وشوف عربية تانى الانوس مفيش اكتر منها

كلام مية مية
سيبك من الاثنين العربيية الاولى كدة معيوبة وعربية صاحب الحاج بيتعمل عليك فيها شغل دة يوم لما يضربها الدم متعديش42 الف وخد بالك العداد سهل يتلعب فية ب 20 - 30 جم مش اكتر شوف عربية غيرهم ب 46000 تجيب عربية موديل 2004 أنا كنت بعتها فبريكة وعملة 85000 الف ب 42.500 جم
دور فى السوق مليان لانوس بكتير وهقولك على واحد فى بنزينة شل المعادى خلف المستشفى العسكرى فى شارع مصر حلوان الزراعى شارع معروف جدا هناك بيكشفوا على شاسية السيارة بجهاز ضبط الزوايا غير أى مكان تانى ( الاسطى طارق ) وبيقولك لو فى الشاسية أى حاجة مرحل مخبوط فية الهوا وبكام 75 جم فقط كشف الشاسية - والموتور 75 جم مش مهم قوى لان كلة بيكشف على الكبس فقط وربنا يوفقك

[MITSUKERO]

ابعد عن الاتنين و اشتري حاجة نضيفة

و يفضل موديل 2004 الي 2008

والله اعلي و اعلم

[Mostyonline]

استاذ moumen_hs
مشكور جدا لردك و اهتمامك
و ان شاء الله انزل السوق و بص
و ربنا يعترنا فى حاجة نضيفة انشاء الله
و يا ريت لو حد عنده عربية ضامنها و تشرفة فى حدود ال 43000 جنية
يدلنى عليها

[Mostyonline]

شكرا يا باشا على ردك mitsukero
بس انضف موديلات الانوس من 2001 الى 2004
و فيما فوق كويس بس دخلت فيه الصين

[HaNo_ELBeh]

زى ماقال لحضرتك كل الاعضاء المحترمين ابعد عن العربيتين وشوف عربيه تانى وبلاش تستعجل واكشف عليها فى الحرفيين لو تعرف حد هناك هما بيعرفوا لو العربيه فيها اى مشاكل
بالتوفيق انشاء الله

[مصطفى عاطف]

شكرا يا باشا على ردك mitsukero
بس انضف موديلات الانوس من 2001 الى 2004
و فيما فوق كويس بس دخلت فيه الصين

فعلا انضف انواع السيارات الانوس هى دى واسواها صراحه الشيفورليه من ساعة ما عملتها وهى نزله فى الأسواء

[dedi]

:
[/color][/size]
بس الراجل صاحب ابويا ده جايبلى عربية
لانوس موديل 2001 عاملة 77000 كيلومتر زجاج امامى كهرباء و تكيف بس عاوز 46000 جنية


انتو اه رايكوا يا جماعة انا محتار اوى اوى اوى
:n_no[1]::n_no[1]::n_no[1]::n_no[1]:

هو 77000 اعتقد انة ملعوب فى العداد
لا تنسى انة بعد ذيادة الدولار كل الزيروا رفع يعنى طبيعى المستعمل بردة رفع

[abo rodina]

فعلا المستعمل كله رفع .......وال43 اللي معاك يجبولك لانوس محترمة ابتداء من موديل 2000الي 2004

[islamnasser10]

مش شرط علشان العداد قليل يكون ملعوب فيه وبرضة السعر مش مربوط بالموديل اد ماهو مربوط بالحالة
انا لسه جايب لانوس 2002 ماشيه 65000 كم ومغيره عفشه كاملة توكيل ومغير فلاتر وزيوت وسيور توكيل
خدتها ب 47000 عارف ان سعرها عالي بتاع 2000 جنيه بس كل لما ابعت حد يشوف العربية يقولي حالة نضيفه خدها
لو تعرف تبعت حد للراجل التاني ده يكشفلك عليها بس يكون حد واثق فيه علشان ميلبسكش في الحيط ولو حلوة توقع في سعرها علي اد ماتقدر وربنا يكرمك ان شاء الله