طريقة فك لوحة التكييف ولوحة العدادات دايو لانوس بالفيديو

[مصطفى-حسن]

دة اول موضوع ليا بالفيديو فى المنتدى
عملت موضوعين قبل كدة بالصور والشرح
الموضوع الاول

http://www.nilemotors.net/Nile/342016-a.html

والموضوع التانى كان دة

http://www.nilemotors.net/Nile/340764-_2-a.html

والحقيقة دول موضوعين من اصل 11 موضوع ناوى اعملهم فى المنتدى باذن الله
دة عشان انا فصصت عربيتى حتة حتة بايدى عشان كنت بعمل عزل للعربية
ودى صورة من صور العملية الانتحارية




وهحاول كل اسبوع ارفع موضوع جديد من المواضيع دى

عمل فلتر لتكييف الانوس
تعديل كوريك السيارة الاصلى لذيادة الفاعلية والامان
فك العدادات
فك الدركسيون
فك التابلوة نفسة بالكامل
فك التلاجة
فك سربنتينة السخن
فك دواسات الوقود والفرامل والدبرياج
فك الفبر
فك فرش السيارة بالكامل
طريقة اصلاح الاطارات المتهالكة القديمة


وبالموضوع دة يبقى انا كدة عملت 3 من اصل 11 موضوع
وربنا يسهل بالباقى


بس انا ليا طلب صغير جدا جدا
اى عضو يتفرج على الفيديو ويعجبة او يحس انة استفاد منة حاجة مكنش يعرفها
انة يقرأ اى شيى من القران الكريم لوالدتى يرحمها الله بنية ان يكون هذا القران فى ميزان حسناتها
او يدعوا لها بالرحمة والمغفرة

اسيبكم مع الفيديو


[youtube]http://www.youtube.com/watch?v=AiaOHNniMCQ[/youtube]

[محمد طايع]

الله يرحم والدتك ويغفرلها ذنوبها ويدخلها الجنه برحمته الواسعه
اللهم أمين

الفيديو ممتاز ...
يعنى اول مره تقريبا اشوف فيديو عربى بالجوده دى
التصوير متميز والصوت واضح جدا والشرح هايل

شكرا لحضرتك وربنا يجعله فى ميزان حسناتك

وتقبل تحياتى

[ketoo]

الله يرحم والدتك ويغفرلها ذنوبها ويدخلها الجنه
بارك الله فيك شغل عالى وممتاز

[MinaLove_1]

يشرفني اني اكون من اول الناس اللي بتشوف التوبيك
بجد مش عارف اقول ايه بس ولا ايه ؟؟؟
فعلا مبدع ايوووه كده هيا دي الفيديوهات مش الهتش بتاع فيديوهات زمان
القسم فعلا حينور زي زمااااااااان ونتحدي باقي الاقسام
الله ينور عليك ياباشااااااااااااااااااااااااااا

[مصطفى-حسن]

الله يرحم والدتك ويغفرلها ذنوبها ويدخلها الجنه برحمته الواسعه
اللهم أمين

الفيديو ممتاز ...
يعنى اول مره تقريبا اشوف فيديو عربى بالجوده دى
التصوير متميز والصوت واضح جدا والشرح هايل

شكرا لحضرتك وربنا يجعله فى ميزان حسناتك

وتقبل تحياتى

ربنا يباركلك يا باشا
وبالنسبة للفيديو الحمد للة على كل شيى
الموضوع كان مرهق واللة
لان فية مشاهد صورتها اكتر من مرة
عشان الاضاءة
وعشان كادر الكاميرا
وعشان بعد الكاميرا عن الهدف لان الزووم بياثر فى الروزليشين
وعشان تثبيت حامل الكاميرا فى المكان المناسب داخل السيارة
وفى مشاهد كان لازم اعمل بروفة قبل ما انفذها
وبعد ما خلصت تصوير واكتشفت ان الاضاءة خانتنى فى لقطات تانى يوم رجعت عدت تصوير من تانى وفكيت كلة من اول وجديد
واستخدمت 2 كاميرا و2 حامل
وبعدين عملت افضلية للمشاهد قبل المونتاج
والمونتاج استغرق ساعة ونصف
والرفع استغرق 3 ساعات
مش ببالغ لما اقول ان الموضوع بالكامل استغرق 8 ساعات عمل متقطعة
انا عارف ان فية ناس ممكن متصدقش ان العشر دقايق دول استغرقوا 8 ساعات عمل عشان يطلعوا فى النهاية بشكل لائق
بس دة واللة اللى حصل
وربنا يوفق الجميع

[ketoo]

معلش كان عندى استفسار بخصوص ترموستات التكييف هو ممكن يركب عندى ولو ينفع عند مين والتكلفه والف شكر على الفديو الجامد دة

[husseinthemaster]

تسلم ايديك

[مصطفى-حسن]

الله يرحم والدتك ويغفرلها ذنوبها ويدخلها الجنه
بارك الله فيك شغل عالى وممتاز

ربنا يرحمنا جميعا وشكرا على ردك

[مصطفى-حسن]

معلش كان عندى استفسار بخصوص ترموستات التكييف هو ممكن يركب عندى ولو ينفع عند مين والتكلفه والف شكر على الفديو الجامد دة

بصراحة انا اشتريت العربية لقيتها كدة
فمش عارف صاحبها عملها عند مين
بس انت ممكن تسأل بتاع تكييف او كهربائى
لان الترموستات دة بيخلى الكمبروسور يفصل لما درجة الحرارة داخل الصلون تظبط ويرجع يشتغل تانى لما الحرارة تقل
يعنى تقريبا كدة شغل تكييف وكهربائى
واللة اعلم

[محمد طايع]

ربنا يباركلك يا باشا
وبالنسبة للفيديو الحمد لله على كل شيى
الموضوع كان مرهق والله
لان فية مشاهد صورتها اكتر من مرة
عشان الاضاءة
وعشان كادر الكاميرا
وعشان بعد الكاميرا عن الهدف لان الزووم بياثر فى الروزليشين
وعشان تثبيت حامل الكاميرا فى المكان المناسب داخل السيارة
وفى مشاهد كان لازم اعمل بروفة قبل ما انفذها
وبعد ما خلصت تصوير واكتشفت ان الاضاءة خانتنى فى لقطات تانى يوم رجعت عدت تصوير من تانى وفكيت كلة من اول وجديد
واستخدمت 2 كاميرا و2 حامل
وبعدين عملت افضلية للمشاهد قبل المونتاج
والمونتاج استغرق ساعة ونصف
والرفع استغرق 3 ساعات
مش ببالغ لما اقول ان الموضوع بالكامل استغرق 8 ساعات عمل متقطعة
انا عارف ان فية ناس ممكن متصدقش ان العشر دقايق دول استغرقوا 8 ساعات عمل عشان يطلعوا فى النهاية بشكل لائق
بس دة والله اللى حصل
وربنا يوفق الجميع

فعلا الفيديو واضح انه اخد وقت ومجهود علشان يخرج بالشكل ده فى الآخر

بس النتيجه ما شاء الله جميله
مش عاوز تشترى كريستاله وتشرفنا فى قسم الميتسوبيشى شويه ؟؟؟

[مصطفى-حسن]

شكرا لادارة المنتدى على التثبيت

[مصطفى-حسن]

فعلا الفيديو واضح انه اخد وقت ومجهود علشان يخرج بالشكل ده فى الآخر
بس النتيجه ما شاء الله جميله :b4_388:
مش عاوز تشترى كريستاله وتشرفنا فى قسم الميتسوبيشى شويه ؟؟؟

يشرفنى ياباشا انى اركب عربية زى عربيتك
بس بقولك اية
هو القسم عندكم صحراء جرداء ولا فية شغل يعنى ونشاط

[محمد طايع]

يشرفنى ياباشا انى اركب عربية زى عربيتك
بس بقولك اية
هو القسم عندكم صحراء جرداء ولا فية شغل يعنى ونشاط

يا باشا الشرف لينا :)

المنتدى حلو والله شغال كويس ومواضيع الرابطات المتثبته فى القسم ده هايل
تخيل رابطة الكريستاله فيه اكتر من 700 صفحه بقالى اسبوع عمال اقرا وكل يوم بلاقى حاجات جديده ولسه ادامى كتير قوى على ما اخلص هههههه

ألف مبروك على التثبيت ومن نجاح الى نجاح باذن الله

[مصطفى-حسن]

يشرفني اني اكون من اول الناس اللي بتشوف التوبيك
بجد مش عارف اقول ايه بس ولا ايه ؟؟؟
فعلا مبدع ايوووه كده هيا دي الفيديوهات مش الهتش بتاع فيديوهات زمان
القسم فعلا حينور زي زمااااااااان ونتحدي باقي الاقسام
الله ينور عليك ياباشااااااااااااااااااااااااااا

شكرا على ردك الحماسى (واللى يفتح النفس فعلا)

انا عارف ان انت مستنى موضوع فلتر التكييف

بس انا هرفعة لما الحر يشتغل والصيف يخش
يعنى الموضوع المناسب فى الوقت المناسب
دة غير ان الموضوع دة طلع سحلة سحلة بجد
لانى عملت 3 محاولات فاشلة
كل محاولة استغرقت 3 او 4 ساعات شغل وتصوير عشان ارفعة على المنتدى وفى الاخر يفشل

وبعدين بصراحة مش عايز اعمل موضوع اى كلام فى اى كلام (شغل نظرى يعنى)

انا هقولك على حاجة واحدة بس عشان تعرف مقدار السحلة والتعب
بعد احدى التجارب الفاشلة فى فلتر التكييف كان فية (اثار جانبية) للمحاولة الفاشلة بدون الدخول فى تفاصيل اضطريت على اثرها انى افك الرفرف الامامى يمين وعشان افك الرفرف كان لازم افك الاكصدام والفانوس الامامى يمين عشان اوصل لمسامير الرفرف
على العموم اصبر وربنا يسهل

[Ahmed_Ramadan]

و الله أنا مبسوط إن أخيرا حد عرف يطلع فيديو عربى واضح صوت و صورة و من ناحيتين .... و واضح تماما إن فيه مجهود كبير إنت عملته و أنت بتتحرك من يمين التابلوه لشماله و أماكن الكاميرا

ربنا يرحم والدتك و يجازبك خير