الحمد لله العربية اتخبطت بعد اسبوع من شرائها !

[hazemhany]

الحمد لله ع كل شيء ..عربيتي اتخبطت من واحد حيوان سواق ميني باص النهاردة واحنا بنلف ملف قام زنق عليا ولا كأنه شايفني ...الرفرف اللي قدام شمال دخل لجوة قالولي تترد ع البارد ,,,انا مش عارف اصلحها ازاي ..اوديها التوكيل ولا اي سمكري يعملهالي ...

[ahmedteam]

سمكرى يردهلك ع البارد افضل و سيبها كده حتى لو شكلها مش تمام علشان تاخد العين

[islamnasser10]

قدر الله وما شاء فعل
عارف احساسك ده بتبقي عايز ترجع بالزمن علشان تتفادي اللي حصل
متزعلش نفسك ومفيش عربية في مصر بتسلم من الخبطات والخرابيش وكل حاجة في العربية تقدر تصلحها وترجعها زي الاول بس سيبها تاخد العين فترة وانساها خالص

[محمد طايع]

قدر الله وما شاء فعل
وانا مع راى الأخوه هنا
اى سمكرى يكون كويس هيعملهالك وخليها تاخد العين
وما تنساش تطلع حاجه لله علشان ربنا يباركلك فيها

[speed_magnum]

دا العادي
عارف لو ما اتخبطتش اقلك مش عادي وفي حاجه غريبه
الناس والعين ما تسيبش حد في حاله
وفي مثل ظريف اوي بيقول
حسدوا الأعمى علي طول عصايته

[hazemhany]

قدر الله وما شاء فعل
عارف احساسك ده بتبقي عايز ترجع بالزمن علشان تتفادي اللي حصل
متزعلش نفسك ومفيش عربية في مصر بتسلم من الخبطات والخرابيش وكل حاجة في العربية تقدر تصلحها وترجعها زي الاول بس سيبها تاخد العين فترة وانساها خالص

والله لو رجع بيا الزمن مكنتش هعمل حاجة برضه لأنه هوا اللي غلطان انا ايش عرفني انه هيزنق عليا ...الحمد لله ع كل حال وشكرا لمشاعركم الطيبة

بس عارفين الجانب الأيجابي في الموضوع ان قلبي مات بعد الخبطة وبقيت ماشي ولا هاممني بعد ما كنت ماشي احسس :):)

[hossamalsadik]

الحمد لله على كل شيء
العربيه ديه شوية صاج فى الشارع فعرضه لأى حاجه
وديما لما بتكون العربيه جديده او لسى خارجه من توضيب ومفيهاش خربوش الواحد بيكون حريص عليها جدا ويزعلو اى خربوش يحصل لها بس بعد كده بيكون عادى الموضوع
وانا مع راىء الأخوه الأعضاء طلع حاجه لله وسيب الخبطه تاخد العين وأنصحك بقول دعاء الركوب
سبحان الذي سخر لنا هذا وما كنا له مقرنين وانا الى ربنا لمنقلبون

دعاء الركوب


بسم الله
الحمد لله
سبحان الذى سخر لنا هذا وما كنا له مقرنين
وإنا الى ربنا لمنقلبون
الحمد لله . الحمد لله . الحمد لله.
الله أكبر . الله أكبر . الله أكبر
سبحانك اللهم أني ظلمت نفسي ظلما" كثيرا" فأغفر لي
فإنه لا يغفر الذنوب إلا أنت

عند العودة أو النزول من المركبة أو وسيله المواصلات

آيبون ، تائبون ، إلى ربنا عابدون
اللهم أنزلنا منزلا" مباركا" وأنت خير المنزلين

[M.Al-Hefnawy]

الحمد لله إنها جت على قد كده ... قدر الله وما شاء فعل.
فيه مركز لرد الخبطات بالشفط عامل إعلان هنا في المنتدى اسمه "زيرو" وفي شارع مكرم عبيد ممكن تجيب رقم تليفونه وتتصل بيهم

[S O P H O S]

قدر الله وما شاء فعل
راي تشوف سمكري نظيف افضل

[AlGazar2]

والله لو رجع بيا الزمن مكنتش هعمل حاجة برضه لأنه هوا اللي غلطان انا ايش عرفني انه هيزنق عليا ...الحمد لله ع كل حال وشكرا لمشاعركم الطيبة

بس عارفين الجانب الأيجابي في الموضوع ان قلبي مات بعد الخبطة وبقيت ماشي ولا هاممني بعد ما كنت ماشي احسس :):)

اول حاجة الحمد لله انها جت على قد كده

تانى حاجة بقى ده العادى فى مصر خبطه خفيفه على شويه خرابيش و نغزات فى الصاج ماتعرفش ايه السبب و فى حتت غريبه يعنى

و انت كده كسرت حاجز الخوف خلاص و ان شاء الله مش هيحصل حاجة تانى للعربيه

لو الخبطه مش مطلعه البويه سيبها زى ما هيه كده اول حاجة عشان تاخد العين - تانى حاجة عشان بكل تاكيد هاتتخبط تانى فى نفس المكان الى اترش بعديها على طول ( مش عارف السبب ايه بس دايما كده ممكن حسد برضه ) تالت حاجة بقى عشان ميبقاش اسمها عربيه راشه رفرف لو حبيت تبيع بعد كده هو مبيأثرش اوى لان 99.99% من عربيات مصر راشه رفارف

[tarek_2005]

ربنا يعوض عليك بالخير
والي يخاف من العفريت يطلعله
انتا العربية جديدة وخايف تتخبط فااتخبطت قدر الله وما شاء فعل
قيادتك كانت مهتزة دلوقتي بقت ثابته فلا تخف من التكرار وسيبها كدا لغاية ميعاد الفحص القادم

[miceg]

للأسف السواقة حاليا عاوزة واحد عينه فقفاااااااااااه
طبعا فالاخر ده قضا ربنا
ولكن برضه ناخد بالاسباب

[asom_6]

أحكيلك حكاية ظريفة
أول ما اشتريت عربيتى لانوس 2011 زيرو وبعد استلامها من المعرض ورايح الصبح المرور ارخصها .. بيتها فى الشارع وغطيتها بالغطا الجديد اللى اشتريته اول حاجة هو والدوسات ... وانزل الصبح علشان اتوكل على الله اطلع على المرور اكتشف ان العربية اتخبطت تحت الغطا اثناء الليل والخبطة ردت الصاج جوا الرفرف والحمد لله بدون خدش الدهان لان الغطا طلع اصيل واتقطع هو وحمى العربية من التجريح بس محمهاش من الخبطة طبعاً وكان بين الفانوس الامامى وموقع الخبطة حوالى 10 الى 15 سم يعنى يدوب الفانوس نفد من التهشيم.
عربية زيرو ملهاش 24 ساعة ويدوب فى سواد الليل تتخبط وقبل ما تركب نمر
المهم طلعت على المرور رخصت عادى لأن الورق بيقول العربية مرخصتش اساسا فمحدش بص اصلا.
والخبطة رديتها لبره بطريقة سهلة باستخدام ((كباس حوض المطبخ)) بتضغط علي الصاج فبيحصل تفريغ هوا وبعدين تشده لبره فبيشد معاه صاج العربية ويرجعه لشكله تانى.
على فكرة بخصوص التوكيل وبعد مرور سنه رحت اجدد الرخصة وركنت العربية بره ولما خلصت التجديد طلعت لقيت الرفرف هو هو مخبوط خبطة جامده جدا عجنت الصاج وبهدلت الدهان ((تقريبا تكتك خبطها وجرى انا وجوه المرور))
المهم رحت التوكيل عمللى البحر طحينة
وقاللى هنغير الرفرف بجديد بحوالى بتاع 450 جنية وهنرش الجديد ب 250 جنية مع مصاريف استعدال وتظبيط خلوصات يعنى حوالى 1000 جنيه وقلتلهم شكراً
طلعت بره استعدلت الرفرف ((اللى قالو عليه فى التوكيل مينفعش ولازم يتغير)) ب 50 جنية ورشيته ب 150 جنية بالاكراميات والشاى ورجع كأنه جديد تماماً بس أتاكد من درجة اللون وده مكتوب تحت كبود العربية على اليمين على حته بنفس لون العربية وهو عبارة عن رقم وحرف (( أنا عربيتى فضى الكود بتاعها 92U))

عادى متزعلش انت فى مصر الحبيبة ... واوعى تتعقد من روحه المرور زيى