تنتيش لما ارفع رجلى من على دواسه البنزين

[rabso88]

السلام عليكم يا شباب
ليه استفسار علشان المضوع ده هايجنينى
انا لما بمشى بالعربيه و اجيب الاول عادى يعنى زي كل الناس العربيه بطلع من غير مشكله بس لو شيلت رجلى من على الدواسه الاقى العربيه نتيشيت العربيه كولها بتتهز لادام و ورا
غيرت بوجيهات و سلك بوجيهات و رشاشات و فلتر بنزين و فلتر هوا و نضفت البوابه و برضو مافيش فايده
خليت الميكانيكى بص على القاعدتين بتوع الموتور قالى زى الفل
مش ناقص غير انى ابيع العربيه
ياختصار تانى اى غيار اجيبو و انا دايس بنزين بتبقى تمام بس لو شيلت رجلى مره واحده تنتش زى ما وصفت كده
اللى عندو اى حل يا رييت يساعدنى

[mero100]

عندي نفس الموضوع بالظبط ..... يمكن البنزين وحش ؟

[HAMASA99]

وانا كمان لسه الموضوع حصل معايا لانوس 1
ياريت افاده الاستاذ/ محمد ممدوح
______________________شكرا _____________________________

[rabso88]

مش معقول موضوع بنزين لانى فولت يجى 20 مره من بنزينات مختلفه
انا مش عارف اوصف الموضوع ازاي
عارف كانك راكب حصان اول ما يجري جسمك بيرجع ورا و اول ما تشد اللجام تحس انك هاتتكفى على اودام عارفين الاحساس ده
شيل بقى الحصان و حط بداله دواسه البنزين تدوس الموتور يخلى العربيه تفز اول ما تشيل رجلك فجاه تحس ان الموتور كن و العربيه تيجى ادام و وررا

[tefa22m]

عندى نفس المشكله بالظبط و غيرت كل الى انت قولت عليه و عملت موضوع هنا للبحث عن علاج
فى واحدلما لغى الegr جابت نتيجه بس انا عندى ما فيش نتيجه خالص الموضوع داخل على سنتين

http://www.nilemotors.net/Nile/311249-2006.html

[rabso88]

ياريت حد من خبراء الدايو يدينا رأيو الموضوع طلع منتشر و ناس بتشتكى منو زي حالاتى

[tefa22m]

هى عربيتك موديل كام و عامله كام كيلو و اخر مره غيرت الاسطوانه امتى ؟

[aldesha989]

انا غيرت كل حاجه ماعدا طرمبه البنزين بفكر اغيرها وانضف الكربراتير

بس انا حاسس النهارده ان الموضوع ده بقى على خفيف مش عارف بس تقريبآ بتزيد لما بتحط من اى بنزينه فيها سولار وبنزين 80 لما بحط من بنزينه فيها 90 و 92 بحس انها بسيطه اوى الاول كان طول ما العربيه بارده بتعمل كده معايا واكتر من كده

[rabso88]

هى عربيتك موديل كام و عامله كام كيلو و اخر مره غيرت الاسطوانه امتى ؟

العربيه نوبيرا 2006 و عامله 84 الف كيلو و ما غيرتش الاسطوانه خالص اصل انا شاريها مستعمله و للاسف هى على كده من ساعت ما جبتها انا قولت فى الاول يمكن العيب فيا انا بس لما ركبت عربيه تانيه ما حستش بالموضوع ده خااالص

[islamnasser10]

عندي نفس المشكلة بس علي الغيار الاول بس
وبقيت لما اشيل رجلي من علي البنزين في الاولاني احط دبرياج علشان متنتش كدة

[Eng.Geo]

نضف بوابة وحساسات وأكشف تاني عالبوجيهات لو لسة كدة أحتمال الدبرياج فيه حاجة

[shaddadfalcon1]

عندي نفس الحوار في الأول بس وحسيت انه عادي خلاص وبقيت امشي علي التاني واريح دماغي

[rabso88]

نضف بوابة وحساسات وأكشف تاني عالبوجيهات لو لسة كدة أحتمال الدبرياج فيه حاجة

ماهو انا لسه مغير البوجيهات و منضف البوابه المشكله دى موجوده من قبل ما اغير البوجيهات بالاسلاك بتاعتها
طيب ايه اعراض تلف الديبرياج ماهو كا فاضلش غيره الى ما غيرتوش

[rabso88]

يا مسهل و حد من خبراء الدايو يساعدنا فى حل المشكله

[Khaled Lanos]

على بردو نفس الموضوع بس أول ما أدوس على البنزين بتنتش جامد اوي وغالبا بسبب طرمبة البنزين لأنها في الضياع عندي.