البطاريه

[مصطفى عاطف]

النهارده كنت ماشى بالعربيه الصبح الساعه 8.30 زى الفل والكاسيت والتكيف زى الفل ودارت على طول مافيش اى مشكله وقفت 4 دقائق وسبت الكاسيت شغال جيت ادور ملقيتش كهرباء خالص جبت وصله بطاريه ووصلت دارت ومشيت بيها ورجعت البيت حته يجى 20 كيلو رجعت على الساعه 9.30 ركنت العربيه ادور مش عاوزه تدور ولا الانذار ولا كلكس ولا حتى نور التبلوه او نور الصالون سبتها صليت الجمعه وجيت انزل على الساعه 3.30 لقيت الأنذار اشتغل ادور مش عاوزه تدور وديتها للكهربائى يشحنها حطها على الشحن ساعتين وقالى البطاريه باظط
طب هنا البطاريه جافه تبوظ مره واحده كده وايه الحل وياريت افضل انواع البطاريات وسعرها لو امكن ومعلش على التطويل

[midooo_119]

طبيعى ان الجافه تقطع مرة واحده افضل بطارية من وجهة نظرى ACDelco بحوالى 400 جنية بجانب القديمة

[rabso88]

توكل على الله و غير البطاريه و السوق مليان انواع كتير بس ده حسب الفلوس اللى معاك ممكن تشترى ac deleco و دى ضمانها لمده سنه لا قدر الله لو حصل فيها حاجه فى اى وقت خلال السنه ممكن ترجعها و بضمان منصور
و فى varta تكنولوجيا المانى بس صناعه اتحاد اوروبى و ممتازه الصراحه و بالتوفيق ان شاء الله