مشكله فى فرامل الجوليت بعد سرعه 70 كم/س

[mhraslan]

عربيتى جوليت اوروبى . الفرامل فيها مختلفه عن اللانوس المصرى فى انها التيل (تيل اوبل كورسا) وادائها افضل من اداء فرامل اللانوس المصرى بصراحه .
الفتره الاخيره لاحظت ان الفرامل فيها رعشه فى البدال وكمان الدريكسيون بعد سرعه 70 كم المهم خرطت الطنابير لانها كانت كويسه وغيرت تيل وفضلت المشكله زى ماهى قولت يمكن موضوع الخراطه ديه فاشل والعربيه محتاجه طنابير . اشتريت طنابير المانى محترمه مش وحشه بسعر 325 جـ وكمان طقم تيل ااتى اصلى بـ 175 جـ وغيرت والمفاجأه ان العيب مازال قائماً
والميكانيكى بدأ يتكلم عن فرامل ورا وان ممكن تكون المشكله من عجل ورا وفى الحاله ديه هنغير القميص اللى ورا برمنبيلاته وتيله وكله استعمال بصراحه قولتله خليها الاسبوع الجاى لانى حسيت انى لازم ارجع لرجاله نايل موتورز واستفيد من خبرتهم كفايه اللى صرفته اول مره وتانى مره ومازالت المشكله قائمه (للعلم الكاويتش جديد من شهر تقريباً) ارجو الاهتمام والافاده

[lanos2004]

اكشف على صرة العجل الامامى ممكن تكون مبوشه

[speed_magnum]

هو حضرتك غيرت الطنابير بجديد ولا استيراد ?
لو استيراد يبقي بنسبه كبيره فيها ريجه
ورصص العجل عند حد كويس علشان تتأكد انه مش عيب ترصيص

[ramadanshehatt]

اعتقد الكوبلن الداخلى ممكن يسبب المشكلة دى بردو

[mhraslan]

اكشف على صرة العجل الامامى ممكن تكون مبوشه

انا مركب جنوط اسبور 14 ومركب رينجات تيفلون خرطها عند الخراط ممتازه

[mhraslan]

هو حضرتك غيرت الطنابير بجديد ولا استيراد ?
لو استيراد يبقي بنسبه كبيره فيها ريجه
ورصص العجل عند حد كويس علشان تتأكد انه مش عيب ترصيص

الطنابير غيرتها بطنابير جديده المانى
ولسه مغير كويتش من شهر ومرصص

[mhraslan]

اعتقد الكوبلن الداخلى ممكن يسبب المشكلة دى بردو

انا مش عارف الكوبلن الداخلى ده بس الكبالن عندى مش بتطقطق ولا فى كبالن تانيه ارجو الافاده

[mhraslan]

فينك يا باشمهندس ممدوح انقذنى

[lanos2004]

شوف
الى عندك دة حصلى
اخرط طنابير -مافيش فايده
اشترى طنابير-مافيش فايدة
هات تيل -ما فيش فايده---عمال اصرف ومافيش نتيجه
----------------------------
طب بص بقه يا عم الميكانيكى فك كل حاجه وخلى الجنب على الصرة
بهز الصرة باديا لقيتها مبوشه مع البلى
غيرتها----كل حاجه ظبطت
ممكن يكون دة الى عندك
خلى ميكانيكى يكشف على الصرة تكزن مبوشه

[mhraslan]

شوف
الى عندك دة حصلى
اخرط طنابير -مافيش فايده
اشترى طنابير-مافيش فايدة
هات تيل -ما فيش فايده---عمال اصرف ومافيش نتيجه
----------------------------
طب بص بقه يا عم الميكانيكى فك كل حاجه وخلى الجنب على الصرة
بهز الصرة باديا لقيتها مبوشه مع البلى
غيرتها----كل حاجه ظبطت
ممكن يكون دة الى عندك
خلى ميكانيكى يكشف على الصرة تكزن مبوشه

ربنا يكرمك
بكره انشاء الله هكشف عليه ويارب اخلص من المشكله ديه

[mhraslan]

مستنى رأييك يا باشمهندس ممدوح

[أبو ياسين]

رصص العجل مرة تانية يمكن الرصاصة اتفكت ووقعت
وجرب ترصيص حصان بيضبط الدنيا كلها و الفرده راكبة مكانها

[Abo Yasso]

متابع

[mhraslan]

رصص العجل مرة تانية يمكن الرصاصة اتفكت ووقعت
وجرب ترصيص حصان بيضبط الدنيا كلها و الفرده راكبة مكانها

المشكله عند ما دوس فرامل مش فى المشى على سرعه معينه

[lanos2004]

ابقى طمنا عملت ايه