سؤال عن ارتفاع الانوس عن الارض , وحكة في المطبات

[yusuf_daly]

السلام عليكم

انا بسمع صوت حكة كبيرة في المطبات خصوصا لو كان في اي شخص راكب ورا بغض النظر عن الوزن , السيارة لانوس 2006 s .. موش عارف اكشف على ايه بالظبط في ناس اقترحت عليا اركب علايات ومالقيتش لها علايات في السوق وفي ناس قالت ممكن السوست بتاعت العربية تكون هبطت فممكن تتغير فانا عايز اعرف الارتفاع الطبيعي للسيارة عن الارض بالسنتيميتر علشان اعرف هي طبيعية ولا لأ , والحلول المقترحة من حضراتكم
علما بأن السيارة انا شاريها مستخدمه من شهرين

شكرا لكم جميعا

[yusuf_daly]

اسف , في سؤال أخير وهو معدل حرق السيارة للبنزين ,,, لكل 100 كم ؟
وسعة تانك البنزين ...
شكرا

[ahmedfra]

1 - بالنسبة للحكة فى المطبات دا طبيعى هى العربية واطية شوية و المطبات عندنا زى ما انت عارف . و اياك و العلايات أنا ركبتها فترة و كانت معومة العربية اوعى تعمل كده .
2 - سعة التنك 47 لتر . و تقريبا اللتر بيعمل 10 كم

[abzoabzo]

كوتشتين مرسيدس وكبر دماغك
انا بركب 3 من الوزن التقيل فى الكنبة اللى ورا وبتحدى اى مطب
والعربية ثابتة جدا
لانى مبعديش 120 بيها وانا لوحدى
بعكس زمايلى وحدا ورا والعربية بتجس باى طوبة فى الشارع
وكلهم هيعملوا زىى

[yusuf_daly]

شكرا استاذ احمد على النصيحة فعلا المطبات غير طبيعية خصوصا عندي في حلوان

انا موش فاهم استاذ abzoabzo تقصد ايه بكوتشتين مرسيدس اتمنى توضح لي

وهل يا جماعة الحكة دي مؤثرة على العربية ؟

[Strong]

وهل يا جماعة الحكة دي مؤثرة على العربية ؟

المطبات اللي بتحك في العربية من تحت دي قطعتلي الجلد بتاع الشكمان علشان بتحك في علبة الشكمان اللي في النص.
أما البلاعات فدي بتكسر قواعد المتور وأنا غيرت قاعدة علشان البلاعات المحترمة دي
لكن بالنسبة لتلافي إن العربية تحك الراجل بتاع الكاويتشات اللي باتعامل معاه قاللي ركب كاويتش مقاس 185 ورا وخلي قدام المقاس الأصلي الحكاية دي قللت حك المطبات لما بيكون في ركاب ورا بنسبة كبيرة جدا لدرجة إن مش بيفرق معايا إذا كان في حد راكب ولا لأ ، لكن ماعرفش هل لاختلاف مقاس الكاويتش مشاكل في المستقبل ولا لأ والحكاية دي مش فارقة خالص في الثبات حتى عند 140 كيلو .

[Mohammad_Younis]

I hop we can find any solution for this great problem, That I'm living in Menoufia and I could not tell about what I safard in the way from home to Fayoum

Please tell about it
Mohammad Younis

[yusuf_daly]

انا خلاص رفعت شعار Discover your way
لان موضوع المطبات والبلاعات ده كتير جدا اللى ساق في حلوان اكيد عارف الكلام ده

انا كاوتشات العربية لسه جديدة وصعب اغيرها دلوقت

[abzoabzo]

والله الميكانيكى هو اللى قالى كده
وزمان كونت اعرف ان فى عاليات بتوضع فوق المساعدين لرفع العربية
والميكانيكى هو محمد هاشم فى بين السريات

[khaledazizeg]

بص يا سيدى انا ركبت علايات
الملاحظات :
1-اولا المساعدين باظت
2-اى مطب صغير اسمع صوت دبة كأن ما فيش مساعدين عندى
3-ان سواقتى معظمها على طرق السفر فلما بزود عن ال120 الاحظ سبات العربية وحش لكن بعد اما رجعتها لارتفاعها الاصلى بقيت بمشى على 150 والثبات ممتاز وممكن ازود


نصيحة
خد المطبات بالعرض وحاول ماتحطش حمولة فى العربية

[sokasoon]

نصيحة
خد المطبات بالعرض وحاول ماتحطش حمولة فى العربية

بالظبط
انا طلعت اسكندرية الاسبوع اللى فات وكنا 5 فى العربية + الشنطة مليانة على الاخر وكنت باخد المطبات بالعرض

والعربية ماكانتش بتحك الا نادر اوووى طرف الشكمان بيحك مع نزلة العربية من المطب

لو مش محمل الشنطة باخد المطبات العالية بالعرض والمتوسطة عادى ومش بتحك خالص

المهم انك تكون هادى اوى وانت بتاخد المطب براحة

[yusuf_daly]

والله يا جماعة انا شاكر جدا على الملاحظات دي
وفعلا انا لسه حالا مجرب الكلام ده مع اعلى مطب عندي في الشارع اخدتة بزاوي العربية ماحكتش وكنا 3 في العربية 2 في الكنبة اللى ورا من الوزن التقيل