تغيير غطا تاكيهات نوبيرا 2 الفيبر بغطا نوبيرا وان ألومنيوم

[gassarian]

أنا غيرت غطا التاكيهات عندي بغطا نوبيرا وان

الأصلي في العربية كان كل شوية يجيب زيت على البوجيهات و في الأخر الميكانيكي قال لي إن الفيبر بيقفّع و مش بيمسك كويس في الجوان و الأفضل نبقى نغيره بغطا تاكيهات نوبيرا وان ألومنيوم بيقعد أحسن كتير

اللي في النوبيرا 2 بيبقى فيبر و النوبيرا وان بيبقى ألومنيوم

الأجزاء اللي اشتريتها:
الغطا نفسه: 180 جنيه بغطا الزيت عشان غطا الزيت ضايع من الغطا عند معظم التجار بس كان محتاج جوان ب5 جنيه
مسامير تثبيت الغطا (مختلفة عن النوبيرا 2) و اسمها جوايد: 11 جويد و الواحد ب10 جنيه= 110جنيه
طقم ورد غطا تاكيهات نوبيرا وان أصلي: 50 جنيه
وش فيبر للغطا : 40 جنيه
جوان غطا تاكيهات نوبيرا وان: كوري ب40 جنيه
بوجيهات gm ( هي ngk): ب80 جنيه
سلوك بوجيهات صيني : 40 جنيه
مصنعية: 40 جنيه

الموضوع كان نفخ جداً في البحث عن قطعة قطعة من الحاجات المستعمل و الميكانيكي اللي كنت رايح له دوخني على قطعة قطعة لما ييجي يركب يفتكر حاجة و بعدين وقفنا على الجوايد و ربنا كرمني لقيتها عند ميكانيكي تاني و ركبتهم عنده عشان الأول قرفني الصراحة

العملية كلها جمعت حوالي 580 جنيه............يا رب يطول المرة دي شوية

[a_pharaon]

بالتوفيق ... ان شاء الله يكون فيها الخير
وافينا بالاخبار

[Ahmed Nasser]

الف مبروك هو فعلن الغطا دة كويس اوى فى موضع الزيت

[drmagieed]

ألف مبروك وربنا ما يضيع تعبك أبداً وتشوف نتيجة كويسة ترضيك ... أمين!!!

[blazer]

ربنا معاك
بس ليه مشترتش الغطا الفيبر gm جديد ب 250 وبيبقى معاه الجوان وغطا الزيت

[gassarian]

شكرا على الردود

أنا كنت سألت على الغطا الفيبر ال جي إم و كان ب350 جنيه و لكن اللي كان في العربية أصلي بتاع المصنع من الفابريكا و كانت العربية غرقانة زيت و هي ماشية حوالي 45000 كم و بالتالي الغطا الجديد بالكتير هيقعد له 20 أو 30 ألف كم تانيين و أرجع لنفس المشكلة