العربيه مبتدورش الصبح و بتبطل في المطبات ...

[d0c]

السلام عليكم يا شباب

كنت عملت موضوع قبل كده بس المشكله لسه متحلتش
انا عربيتي لانوس 1 اتوماتيك موديل 99 مبترضاش تدور الصبح الا لما ازودلها بنزين لمدة 5 دقايق كده و بتبطل مني في المطبات او لما بهدي خالص
انا عملت كـــــــــــــــــــــــــــــــــــــــل حـــــــــــــــــــــــــاجه تتخيلوها غيرت البطاريه و شيكت ع الدينامو و المارش مفيهمش حاجه غيرت البوجيهات و فلتر الهوا وشيكت ع الموبينه و جرببت رشاشات تانيه وغيرت السكس بلف و غيرت حساس ال tps و جربت حساس سدر استيراد و غيرت فلتر البنزين بفلتر gm و نضفت حساس السلانسيه و نضفت البوابه ب اسبراي و جربت كنترولين بدل الكنترول الي عندي (الي عندي DJ جربت BB و B2 ) والمشكله لسه زي ما هيا

افيدوني ربنا يخليكــــــــوا عشان تعبت من ككتر الميكانيكيه و كتر التغيير ده

[d0c]

انا عارف ان الموضوع صعب بس ياريت اي حد م المهندسين الي استفدنا منهم كتير ربنا يباركلهم زي مهندس محمد ممدوح يفيدني يا ريت

[Ahmed Nasser]

افضل حاجة دخل العربية على الجهاز

[d0c]

افضل حاجة دخل العربية على الجهاز

والله يا باشا دخلتها ع الكمبيوتر المشكله ان لمبة الCheck مبتنورش غير كل فين و فين بالتالي الكمبيوتر مبيطلعش اي مشكله لانه عشان يقرا ان في عيب لازم تكون اللمبه منوره ساعت ميوصل الكمبيوتر وده صعب جدا عشان كدا هضطر اخد الراجل و افل الف بيه لحد م اللمبه تنور و حلني بقي :D

[midooo_119]

أيه اخبار طرمبة البنزين؟

[d0c]

أيه اخبار طرمبة البنزين؟

لا دي مشيكتش عليها بس بيتهيالي لو الطرمبه فيها حاجه هتبان في السحب لكن هيا لما بتسخن بتشد و بتسحب حلو ودواسة البنزين تمام بس ممكن اشيك عليها ان شاء الله تسلم

[yousefsemsem]

ده ياطرمبه بنزين ياحساس ميه

[Dr.kordy90]

من الاخر العيب ده شوفته كتير بس في نوبيرا لو البوابه كهربا يبقي غير البوابه وهتتحل المشكله وشكرا

[d0c]

ده ياطرمبه بنزين ياحساس ميه

طب طرمبة البنزين عارفينها انما حساس الميه ده ايه واعرف منين ان هوا المشكله في حاجه اجربها مثلا ؟

[d0c]

من الاخر العيب ده شوفته كتير بس في نوبيرا لو البوابه كهربا يبقي غير البوابه وهتتحل المشكله وشكرا

طب معلش البوابه بمعني اني اغير حساس السلانسيه الي ورا البوابه ولا تقصد بالبوابه الي هيا المنافولد نفسه الي هيا الاسطوانه ؟

[Ahmed Nasser]

الموتور اللى عندك ال16 صباب ولا 8
والفتيس اللى عنك كهربا ولا عادى
والبوابة اللى عندك كهرباء ولا عادى

[d0c]

الموتور اللى عندك ال16 صباب ولا 8
والفتيس اللى عنك كهربا ولا عادى
والبوابة اللى عندك كهرباء ولا عادى

والله يا عم احمد انا معرف اجابة اي سؤال من دول بس قلي اعرف ازاي وانا اشوف و اقول

[Ahmed Nasser]

ههههههههههههه
الموتور اللى عندك بتاع الانوس الواحد كامة
ولا بتاع النوبيرا اتنين كامة

الفتيس اللى عندك فية واير للكيك داون واصل على البوابة ولا لأ

[A.samy]

الموضوع دة كان بيحصل مع واحد زميلى ودوخنا بالعربية كانت الصبح لازم يسندلها بنزين وطول مالعربية سخنة العربية مفهاش حاجة مفيش غير ميكنيكى واحد هو اللى عرف السبب مع انى مكنتش مقتنع بالسبب اللى قالة وكنت فاكرة بينصب على صاحبى وكان تشخيصو ان العربية عايز ة تغير جوان وش السلندر وفعلا غيرو والمشكلة اتحلت .

[Dr.kordy90]

طب معلش البوابه بمعني اني اغير حساس السلانسيه الي ورا البوابه ولا تقصد بالبوابه الي هيا المنافولد نفسه الي هيا الاسطوانه ؟

لو البوابه عندك كهربا يبقي المشكله بوابه اللي هيه بوابه بس اللي راكبه عالاسطوانه ومتقولش اغير حساس لان اي لعب في حساس البوابه لانه بيبقي ليه زي تقسيمه لما بيتفك ويتركب في بوابه تانيه بيبوظ هات بوابه استيراد كامله من غير اسطوانه وركبها وجرب