الحمد لله استلمت الانوس 2013 واليكم التقرير والصور

[fghahkj]

السلام عليكم
انا استلمت العربيه الجمعه من سمير ريان وكان اختيارى للانوس محسوم بعد التفكير والمقارنه بينها وبين الفيرنا واللوجان و pyd اولا الفيرنا ضيقه خصوصا من ورا انا جربت وقعد فى الكنبه الخلفيه ولانى طويل راسى كنت خابطه فى السقف واللوجان معجبنيش شكلها هى مساله ازواق وكمان موضوع زراير الزجاج الى فى الطابلوه رخم قوى وقطع غيارها غاليه وبالنسبه للـ pyd هى عربيه كويسه جدا لكن عيبها الوحيد بالنسبه لى ان اسمها صينى
المهم العربيه استلمتها وكانت عامله 49 كيلو وتممت عليها كويس بعد الغسيل التكيف والانوار والمسحات والمريات ولانى روحت المخزن وفرزت العربيات هناك لحد مخترت الى تعجبنى فوقت الاستلام كان كله تمام هى مكنش فيها بنزين فاول مخرجت من المعرض فولتها وهتكلم باختصار عن العيوب والمميزات من وجهه نظرى
اولا المميزات ...
العربيه واسعه خصوصا فى الخلف
العفشه كويسه مش طريه ولا ناشفه
التكيف جيد وخصوصا مع الفاميه الخلفى
ارتفاعها عن الارض معقول مع الاوزان المتوسطه
سحبها انا راضى عنه جدا لان الانوس عايزه الى يفهما علشان يعرف يجريها وميخنقهاش ويرجع يقول دى بطه بلدى واصلا العيب فيه هو
كمليتها حلوه قوى على اد سعرها
ثانيا العيوب ...
مقاس الجنط صغير على حجم العربيه كان المفروض تنزل بـ 14
بتحك فى المطبات لو مركب اوزان كبيره
التكيف بياثر على السحب بشكل ملحوظ
قوه النور الامامى مش حلو
فى بعض الاجزاء البلاستك خامتها وحشه
بتيجى بريموت واحد مش عارف ايه وجه التوفير فى كده
نيجى بقى للصور واى استفسار انا تحت امركم
من الامام

من الخلف


من الجنب



الماتور



من الداخل









الكاوتش

[hugan]

10000000مبروك
لاتزال الانوس هي ملك السوق
في فئه العربيات التجاريه
اوتقول الشعبيه

[abogogo]

الف مليون مبروك ربنا يعطيك خيرها ويكفيك شرها ... تحياتي

[hazemhany]

مبروك يا باشا انا زيك لسه مستلم من 3 اسابيع وعاملة معايا 850 كيلو لحد دلوقتي وزي الفل بأستثناء خبطة خدتها في الرفرف ..ربنا يسترها معاك ويباركلك فيها

[Ahmed Nasser]

الف ملييييييييييون مبروك وربنا يكفيك شرها وشر الطريق

[S O P H O S]

ما شاء الله
الف مبروك وربنا يباركلك فيها ..

[M.Elgergawy]

بسم الله ما شاء الله ولا حول ولا قوة الا بالله ربنا يباركلك فيها ويكفيك شرها ولسه زوج اختي شاريها وبردوا نفس اللون وتعب شوية مع التوكيل عشان كان عنده عيب في الطنابير وغيروهاله في الضمان

[khaabas]

ماشاء الله ربنا يباركهالك اللانوس من العربيات الممتازة اعتمادية وقطع غيار واعادة بيع

[hamaka]

الف مبروك ربنا يعطيك خيرها ويكفيك شرها

[m0hsen]

ماشاء الله ربنا يحفظهالك ويكفيك شرها وشر الطريق

[ketoo]

ماشاء الله ربنا يباركلك فيها

[mahmoudysf]

الف مبروك
واختيار موفق ان شاء الله

[mostafa mahmod]

الف مبروك
ربنا يباركلك فيها و عقبال الحته المرسيدس ان شاء الله :)

[HAMASA99]

مبروك ياباشا بس فى ملحوظه كده هيا نزله من غير طاسات ؟؟ والفوج

[srm]

احسنت الاختيار .....عربيه اعتماديه وقطع غيارها متوفره

ربنا يباركلك فيها