المروحتين دول ليه؟؟؟؟؟؟

[hamdyy010]

مسا مسا
سؤال محيرنى
عربيتى نوبيرا 2 موديل 99 اوروبي اوتوماتك (معاقين) الفتيس كهربا
انا عندي مروحتين على الرادياتير دول بتوع ايه وامتى بيشتغلو
لانى بلاحظ انهم مش دايما بيشتغلو

[kagawa]

مروحه للردياتير - مروحه سربنتينه التكييف

1-في حاله انك طافي المكيف المروحتين يشتغلوا مع بعض في وقت واحد
لما درجه حراره المياه ترتفع علشان تبريد ماءالردياتير يعني لما العربيه بارده مايشتغلوش

2- مع تشغييل التكييف المروحتين بيشتغلوا طول ما المكيف شغال ما يبطلوش
الا مع اغلاق المكيف العربيه بارده او سخنه هما شغالين طول ما المكيف شغال

اما بالنسبه انه انت مش بتشوفهم شغالين ده لانه الله اكبر خمسه وخميسه العربيه
دوره التبريد بتاعها كويسه
عابز تفرح نفسك وتتفرج عليهم شغل التكييف واتفرج يا سلام
..

..

[gmslem]

شكرا لشرحكم الجميل

[mhopa2440]

طبعا الرد جميل

بس عندي اضافة

انه ف حالة عدم تشغيل التكييف المروحتيين بيشتغلوا على السرعة البطيئة او العربية ما توصل لدرجة حرارة معينة ولو زادت درجة الحرارة يشتغلوا على السرعة العالية وساعتها احتمال كبير تسمع صوتهم

وبالنسبة لما تشغل التكييف هما شغالين على طول

بس لي ملاحظة ان المروحتين بتوع الردياتير + السربنتينة وليس كل حاجة ليها مروحة زي ما حضرتك ذكرت ف اول كلمة ليك

[hamdyy010]

الف شكر يا جماعة على الشرح الجميل ده
هى الفكرة كمان ان انا شغلى بعيد عن البت حوالي 4كيلو متر يعنى ما بتلحقش تشتغل ممكن يكون ده سبب
وربنا يخليكو للمنتدى
وشكرا جزيلا

[Ahmed Nasser]

بس لي ملاحظة ان المروحتين بتوع الردياتير + السربنتينة وليس كل حاجة ليها مروحة زي ما حضرتك ذكرت ف اول كلمة ليك

هما الاثنين بيشتغلو سرعة اولى وسرعة ثانية التكييف والطوارىء

وهما شغلين السرعة الاولى انت مطلع اديك من الاشباك هتلاقى طيار هواء سخن بس مش هتسمع صوت
والسرع التانية دى بناع الطوارىء والتكييف
ودى لو دخلت شارع ديق ممكن تسمع صوتها لو المكان هادى حوليك

[AlGazar2]

زى ما الناس وضحت دى مراوح التبريد

و مش بيشتغلوا عشان المشوار قصير و دوره التبريد كويسه ( تقريبا النوبيرا قعدت 8 سنين على ما شوفت المروحه بتاعتها شغاله )
سواء على السرعه البطيئه او السرعه التانية فى الغالب مش هاتسمع صوت المروحه