مشكلة فى الفتيس ولمبة Service دايو لانوس 97

[littlefaroh]

السلام عليكم

ظهرت عندى مشكلة فى الفتيس عند النزول من الغيار الثالث الى الثانى
سحب العربية بيبقى ضعيف جدا على التانى فى الحالة دى
وبسمع صوت كركرة جامد فى العربية
فبنزل على الاول
الميكانيكى بيقول جلب الفتيس وهتتعمل فى المخرطة

ولمبة service
بتنور بعد ماتدور العربية بتطفة وتنور تانىوتفضل منورة
مع العلم فى مشكلة ان المياه بتنقص فى القربة والميكانيكى قال هنغير المشترك بتاع المياه بس مش ده السبب فى اللمبة المنورة

ياريت اعرف حل والتكاليف عشان انا مش فاضى خالص

[Ahmed Nasser]

طالما التشك بتنور يبقى تدخل العربية على الجهاز

[littlefaroh]

تقصد لمبة service هى هى check??

بس انا م الزقازيق ومفيشجهاز هنا

وموضوع الفتيس كان قبل اللمبة ماتنور

[Ahmed Nasser]

ايوة لمبة سيرفيس هية هية لمبة التشك
اما موضوع الفتيس ده ممكن توضح اكتر شوية عنة
الزيت عامل اية ولما تقرص على الغيارات الدنيا بتبقى عاملة ايه

[Nashaat Rady]

مشكلتك كانت عندي و مكررة وسهلة الحمد لله، بس محتاج تركز شوية عشان مش لاقيلك صورة.

اللانوس فيها شفاط اوتوماتيك.. و الخرطوم بتاعه دائماً بيفلت مع المطبات.

تفتح الكبوت، في المنتصف وره الموتور في جسم السيارة الحساس ده موجود و بيركب فيه خرطوم بلاستيك رفيع جداً، أتأكد انه راكب و مش فالت. لو متركب مكانه يبقي انت محتاج حساس حديد و ده مش غالي خالص...

الموضوع ده حصل معاية ييجي ٦ او ٧ مرات، روحت لازقه بعد كده..

و بين ور لمبة ال check و بيبرجل العربية.

تحياتي...

المشكلة اني بعت اللانوس... يا ريت حد من الشباب يصورهولك.

شكرا

[littlefaroh]

طيب انا متشكر جدا لحضراتكم بصراحة بس عشان مش اتوه انا هقاكم المشكلات واحدة واحدة:

اول مشكلة مشكلة الفتيس

عصاية الفتيس خفيفة اوى بس شغالة
لكن لما انزل عند مطب مثلا من التالت او الرابع للتانى العربية ما بتسحبش خالص وبتكركر تعمل صوت كركرة لازم افضل دايس دبرياج او انزلعلى الاول وساعتها السحب بيبقى زى الفل
ولما بطلع تانى للتالت بيبقى تمام
المشكلة كلها فى النزول الى التانى من غيار اعلى
وبحس ان الفتيس بيزن والعربية ماشية بيعمل صوت زنة كانه بيتهزهز بس بسرعة كبيرة جدا لما بمسكه الصوت بيروح
الميكانيكى قالى الفتيس عايز جلب تتعمل فى المخرطة هل ده صحيح؟ والجلبدى تكلف كام؟
والاحسن اشتريها ولا اعملها فى المخرطة؟

دى اول واهم نقطة عندى لانها عاملة لى مشكلة كبيرة

[Nashaat Rady]

طيب انا متشكر جدا لحضراتكم بصراحة بس عشان مش اتوه انا هقاكم المشكلات واحدة واحدة:

اول مشكلة مشكلة الفتيس

عصاية الفتيس خفيفة اوى بس شغالة
لكن لما انزل عند مطب مثلا من التالت او الرابع للتانى العربية ما بتسحبش خالص وبتكركر تعمل صوت كركرة لازم افضل دايس دبرياج او انزلعلى الاول وساعتها السحب بيبقى زى الفل
ولما بطلع تانى للتالت بيبقى تمام
المشكلة كلها فى النزول الى التانى من غيار اعلى
وبحس ان الفتيس بيزن والعربية ماشية بيعمل صوت زنة كانه بيتهزهز بس بسرعة كبيرة جدا لما بمسكه الصوت بيروح
الميكانيكى قالى الفتيس عايز جلب تتعمل فى المخرطة هل ده صحيح؟ والجلبدى تكلف كام؟
والاحسن اشتريها ولا اعملها فى المخرطة؟

دى اول واهم نقطة عندى لانها عاملة لى مشكلة كبيرة

أتأكد بس من اللي قولتلك عليه، عشان كل ده أعراض الشفاط. تأكد و انا حاحاول اشوفلك صورة علي النت.

و شوف ميكانيكي تاني وقوله علي اللي بقولك عليه.. و اللي ياكد كلامي لمبة الcheck... جلب الفتيس مش بتنور لمبة الcheck...

الميكانيكي ده كفتجي

[littlefaroh]

تمام
بس اللمبة بتاعة service
ما نورتش غير امبارح بس
موضوع الفتيس بقاله شهر تقريبا
دىحاجة عايز اوضحها لحضرتك

[littlefaroh]

الميكانيكى ما شفش العربية بعد ما اللمبة نورت
هو بص على الجلب من تحت العربية قالى عايزة المخرطة

[Nashaat Rady]

الصورة اهه... اتاكد بنفسك، مش حاتخسر حاجة... انا عملك دواير حوالين الخرطوم..

[littlefaroh]

الف شكر ياباشا

رحت للميكانيكى وأول ما كلمته قالى الحساسات والشفاط كشف على الشفاط لقه تمام فك الحساس ونضفه اللمبة طفت
وقالى تعالى بعد يومين نعمل الفتيس
رحتله فعلا خرط الجلب فى المخرطة ب 15 جنيه والفتيس ظبط تمام اوى

انا حبيت ارد عشان الى عنده مشكلة زى دى يعرف الحل
والف شكر لعباقرة المنتدى

ولو فيها رزالة عايز اسأل على حاجة تانية
لمبة البنزين عندى بتفضل منورة نور ضعيف مع ان العربية مفولة وعداد البنزين قارى فول
الغريب ان العربية فضت بنزين خالص واللمبة برضه منورة ضعيف جدا منورتش نور طبيعى
شكرا

[Nashaat Rady]

الف شكر ياباشا

رحت للميكانيكى وأول ما كلمته قالى الحساسات والشفاط كشف على الشفاط لقه تمام فك الحساس ونضفه اللمبة طفت
وقالى تعالى بعد يومين نعمل الفتيس
رحتله فعلا خرط الجلب فى المخرطة ب 15 جنيه والفتيس ظبط تمام اوى

انا حبيت ارد عشان الى عنده مشكلة زى دى يعرف الحل
والف شكر لعباقرة المنتدى

ولو فيها رزالة عايز اسأل على حاجة تانية
لمبة البنزين عندى بتفضل منورة نور ضعيف مع ان العربية مفولة وعداد البنزين قارى فول
الغريب ان العربية فضت بنزين خالص واللمبة برضه منورة ضعيف جدا منورتش نور طبيعى
شكرا

مبروك عليك يا باشا...

ما عنديش فكرة والله بالنسبة للمبة البنزين، بس كهربائي شاطر يحلها لك ان شاء الله.

تحياتي

[littlefaroh]

الف شكر ياباشا