مساعدة في ردياتير لانوس 2 من فضلكم

[gmslem]

السلام عليكم ورحمة الله وبركاته

السادة الأفاضل رواد و مشرفي المنتدى

تحية إعزاز وتقدير و احترام .

عندي مشكلة بسيطة في ال لانوس 2 موديل 2005

وهي : الردياتير بيياكل ماء وطبعا أقوم بتزويد العربية من القربة كل صباح بحوالي 4 لتر ماء ؛ علما بانني استخدمها داخل المدينة فقط واخاف ان تسخن مني .

السؤال هو :

1 - كم تكلفة الردياتير ؟؟؟؟ 2 - وما افضل نوع ؟ 3 - وهل ممكن أغير الغطاء فقط " واحد سمكري قال لي كدا " . 4 - وكم تكلفة الغطاء فقط ان امكن ذلك

و شكرااااا لكم

[lanos2004]

شوف انا شارى رادتير يقال انه كورى من عند نافع فى شارع دمشق بقال3 سنين والحمد لله زى الفل

[eslam3344]

اولا دي مش مسألة غطاء وعامة هو تكلفته من 10 الي 30 حسب النوع والخامه والضغط
ثانيا عشان تعرف المشكله العربيه وهي بارده جدا زودها مياه وانزل بص علي الهربيه من تحت شوف هلي فيه تنقيط ولا لا اكتر مكانين تبص عليهم جسم الردياتير من تحت وعلي كوع المياه الواصل ما بين الموتور والردياتير
طيب لو مالقيتش مياه بتنقط من تحت اذن كده الكلام جميل جدا دور العربيه واقفل غطاء الردياتير واقفل القربه واستني تسخن وامشي ببيها مشوار طويل او ما معدل الحراره يعلي عن منسوبه بدرجه واحده فقط اركن العربيه وبطلها وافتح الكبوت وحاول تكون واقف في مكان هادئ عشان تسمع
هتسمع صوت زي صوت تنفيس كانها بلونه ومخرومه حاول تمشي ورا اثر الصوت احتمال كبير جدا يكون كوع المياه العلوي الواصل ما بين الردياتير والموتور ولكن من الاعلي واحتمال يكون الافيز بتاعه ولو مالقتش صوت يبقي من الضروري انك تكشف علي العربيه عند ميكانيكي وتحديدا ميكانيكي مش ردياتيرات عشان الميكانيكي هيقولك العيب فين بالظبط انا بتاع الردياتير هينصب كالعاده وهيحاول يقولك اي اختراع عشان يعمل عليك شغل في حين انه مش هيعالجلك اي مشكله نصيحه روح لميكانيكي الاول
ثالثا الردياتيرات انواع هنصحك تشتري بتاع بلادها الالومنيوم وبلاش النحاس وده لان الننحاس بيبقي فيه مواسير مدوره و تخينه بيجري جواها المياه ومسام الورق بتاع الردياتير مبتسمحش للهواء انه يبردها وبالتالي المياه بتفضل سخنه اما الالومنيوم بتبقي واخده شكل مستطيل امياه بتمشي ببطئ داخل المواسير وتوزيع الهواء بيكون مظبوط 100 % و لو لا قدر الله هتغير الردياتير متسبش القديم للراجل صدقني هيجيلك يوم وهتحتاجه حد لو هيديلك واحد غيره ببلاش
رابعا بص علي القربه بتاعت المياه والخرطوم الواصل بينها وبين الردياتير

انا اسف طولت عليك

[lanos2004]

لو انته مش واثق انها من الرداتير بص على طبب الميه كويس وشوف فيه اثار ميه وصدا على الشكمان

[ahmedsamy90]

طيب ما تجرب تروح عند اى بتاع ردياتير كويس يكشفلك على دورة الميه ويشوف بتنقص منين .... ولو الردياتير فيه خرم مثلاً الحمه بدل ماتغيره ........ انا لسه سائل على ردياتير النهاردة كان عامل 350 جنيه ونسيت اسئل صناعة ايه

[zomzom11]

كمية الميه الى بتقولها كبيره وده اما رادياتير مخروم او تبخير من القربه الكشف عن الخرم سهل معرفته لو القربه ملهاش غير مكانين الاول الغطاء ومفيش فى السوق غير نوع بتاع الاوبل ب20 جنيه ومكتوب عليه المانى لكن مشكوك فيه بس شغال زى الفل المكان التانى للقربه هو اللحام الى فى النصف وغالبا بيطق من الضغط ونصيحه هات قربه غاليه لان الصينى الرخيصه بتطق بسرعه
لو انت ناوى تغير الرادياتير فى التوفيقيه فى نوع اسمه فى حرف ال شغال وزى الفل 300

[tarek_2005]

اكبس دورة التبريد

[gmslem]

لو انته مش واثق انها من الرداتير بص على طبب الميه كويس وشوف فيه اثار ميه وصدا على الشكمان

شكرا لكم اخي الكريم .... الطبب و القربة سليمة وكمان الوصلات ... المشكلة في الردياتير وهو بيخر ماء كثير من تحت .... اما الشكمان ان لسه مغير العلبة الخلفية من 3 ايام وبصراحة لم الاحظ الصدأ ........ تكرم حضرتك الرديتير سعره كام و اسم احسن نوع وبلد صناعته و موبيل المحل الذي يبيعه ....

شكرااااااااااااا

[gmslem]

طيب ما تجرب تروح عند اى بتاع ردياتير كويس يكشفلك على دورة الميه ويشوف بتنقص منين .... ولو الردياتير فيه خرم مثلاً الحمه بدل ماتغيره ........ انا لسه سائل على ردياتير النهاردة كان عامل 350 جنيه ونسيت اسئل صناعة ايه

شكرااااا لكم اخي الكريم
المشكلة ثابته فعلا العيب في الرديتير وهو مخروم فعلا من شهرين و طبعا لما طلع الصيف جاب اخره ....اما اللحام اظن ان ردياتير اللانوس لا يتلحم لانه الومنيوم وفيبر - ارجو التصحيح لو هذا خطأ ؛ هكذا قال لي الصنايعي - تكرم حضرتك ب 1- نوع 2- بلد صنع الرديتير ابو 350 كذلك ب 3 موبيل البائع .

جزاكم الله خير

[gmslem]

كمية الميه الى بتقولها كبيره وده اما رادياتير مخروم او تبخير من القربه الكشف عن الخرم سهل معرفته لو القربه ملهاش غير مكانين الاول الغطاء ومفيش فى السوق غير نوع بتاع الاوبل ب20 جنيه ومكتوب عليه المانى لكن مشكوك فيه بس شغال زى الفل المكان التانى للقربه هو اللحام الى فى النصف وغالبا بيطق من الضغط ونصيحه هات قربه غاليه لان الصينى الرخيصه بتطق بسرعه
لو انت ناوى تغير الرادياتير فى التوفيقيه فى نوع اسمه فى حرف ال شغال وزى الفل 300

شكرا لكم اخي الكريم ... كلامكم مفيد جداااا ... المشكلة فعلا في الردياتير ..... كما ذكرت لحضرتك .
هنا لي سؤال وهو تكرم بموبيل المحل في التوفيقية الذي يبيع الردياتير ال في .... وهل ال لانوس يركب لها ردياتير حرف ال ؟؟؟؟؟

شكر الله لكم

[gmslem]

اكبس دورة التبريد

شكرا لحضرتكم ...
تكرم ما المقصود بكبس دورة التبريد ؟؟؟؟؟؟؟؟؟؟؟؟
علما بانني اعلم ان الرديتير به خرم من فترة حوالي 3 شهور تقريبا . وكنت ازود العربية كل 4 او 3 ايام ماء ..... لكن من اسبوع قمت بشحن و ظبط التكييف .... كما هو منشور في منتدانا ..... بعد الشحن و تشغيل التكييف ظهرت مشكلة الرديتير .... لهذا انا مازلت متخيل ان العيب في الرديتير و انه خلاص انتهى . فما رأيكم ؟؟؟؟

وما افضل ردياتير وبلد صنعه ولو موبيل محل اكون شاكر لكم جداااا

[gmslem]

اولا دي مش مسألة غطاء وعامة هو تكلفته من 10 الي 30 حسب النوع والخامه والضغط
ثانيا عشان تعرف المشكله العربيه وهي بارده جدا زودها مياه وانزل بص علي الهربيه من تحت شوف هلي فيه تنقيط ولا لا اكتر مكانين تبص عليهم جسم الردياتير من تحت وعلي كوع المياه الواصل ما بين الموتور والردياتير
طيب لو مالقيتش مياه بتنقط من تحت اذن كده الكلام جميل جدا دور العربيه واقفل غطاء الردياتير واقفل القربه واستني تسخن وامشي ببيها مشوار طويل او ما معدل الحراره يعلي عن منسوبه بدرجه واحده فقط اركن العربيه وبطلها وافتح الكبوت وحاول تكون واقف في مكان هادئ عشان تسمع
هتسمع صوت زي صوت تنفيس كانها بلونه ومخرومه حاول تمشي ورا اثر الصوت احتمال كبير جدا يكون كوع المياه العلوي الواصل ما بين الردياتير والموتور ولكن من الاعلي واحتمال يكون الافيز بتاعه ولو مالقتش صوت يبقي من الضروري انك تكشف علي العربيه عند ميكانيكي وتحديدا ميكانيكي مش ردياتيرات عشان الميكانيكي هيقولك العيب فين بالظبط انا بتاع الردياتير هينصب كالعاده وهيحاول يقولك اي اختراع عشان يعمل عليك شغل في حين انه مش هيعالجلك اي مشكله نصيحه روح لميكانيكي الاول
ثالثا الردياتيرات انواع هنصحك تشتري بتاع بلادها الالومنيوم وبلاش النحاس وده لان الننحاس بيبقي فيه مواسير مدوره و تخينه بيجري جواها المياه ومسام الورق بتاع الردياتير مبتسمحش للهواء انه يبردها وبالتالي المياه بتفضل سخنه اما الالومنيوم بتبقي واخده شكل مستطيل امياه بتمشي ببطئ داخل المواسير وتوزيع الهواء بيكون مظبوط 100 % و لو لا قدر الله هتغير الردياتير متسبش القديم للراجل صدقني هيجيلك يوم وهتحتاجه حد لو هيديلك واحد غيره ببلاش
رابعا بص علي القربه بتاعت المياه والخرطوم الواصل بينها وبين الردياتير

انا اسف طولت عليك

شكراااااااا جزيلاااااااا لكم اخي الكريم ولتعبك و مجهودك العظيم ...

للعلم فعلا العربية وهي باردة جدا في الصبح لما ازودها تنزل ماء كثير من تحت جسم الردياتير مباشرة
اما فكرة العرض على ميكانيكي فسوف اقوم بها على طول

[eslam3344]

يا باشا انت تأمر بس ومن الواضح انها من كوع المياه اللي تحت العربيه وان شاء الله تطلع هي السبب ولو ماكنش من الكوع الجلد يبقي ان شاء الله من مخرج المياه الالومنيوم اللي خارج من الردياتير
اتأكد الاول قبل الشروع في شراء جديد لان المبلغ مش قليل

[ahmedsamy90]

شكرااااا لكم اخي الكريم
المشكلة ثابته فعلا العيب في الرديتير وهو مخروم فعلا من شهرين و طبعا لما طلع الصيف جاب اخره ....اما اللحام اظن ان ردياتير اللانوس لا يتلحم لانه الومنيوم وفيبر - ارجو التصحيح لو هذا خطأ ؛ هكذا قال لي الصنايعي - تكرم حضرتك ب 1- نوع 2- بلد صنع الرديتير ابو 350 كذلك ب 3 موبيل البائع .

جزاكم الله خير

اوك هجيبلك الصناعة وتليفون البائع يوم الاتنين ان شاء الله ........ وعلى فكرة الردياتير اللى عندى انا لحمه مرتين عادى قبل كده و تمام معايا والميه نفس مستواها عادي ....... واللى لحمه كان لحمه بمادتين بيتخلطوا على بعض و بعدين سخن عليهم وسابو ينشف

[gmslem]

يا باشا انت تأمر بس ومن الواضح انها من كوع المياه اللي تحت العربيه وان شاء الله تطلع هي السبب ولو ماكنش من الكوع الجلد يبقي ان شاء الله من مخرج المياه الالومنيوم اللي خارج من الردياتير
اتأكد الاول قبل الشروع في شراء جديد لان المبلغ مش قليل

اسلام باشا ...... شكرااااااااا جزيلاااااااااا على كرم حضرتك .... والله يا باشا دا كرم كبير انا شاكر جداااا و سوف اتمم بنفسي على الكوع و مخرج المياه .