خرم فى سقف عربيتى

[4fun14]

مشكله غريبه ومش عارف حصلت ازاى..فى يوم لقيت سقف عربيتى اللانوس 1 فيها خرم فى منتصف السقف بالظبط ..خرم صغير نصف قطره لا يزيد عن 1 ملم
وشكلها كأنها مكان طلقة رش ولا حاجه مش قادر اعرف هى ايه تحديدا
طبعا حلها انها تتمعجن وتترش لكن لما قلت للسمكرى يرش السقف قالى حرام ده السقف فابريكا وهيتخسف بتمن العربيه الارض لو رشيت السقف
وفى نفس الوقت واحد تانى بيقولى الخرم ده يخسفلك بتمنها الارض اكتر من الرش!
فالسؤال بيقول لو افترضنا ان عربيه زى عربيتى بالظبط بدون العيب ده ب 40 الف
عربيتى حاليا لو فكرت ابيعها هتجيب كام؟
ولو رشيتها هتجيب كام؟

[mero100]

تمنها مش حيتخسف بيه الارض ولا حاجه .... يعني مش حيبقي سعرها 40 و تلاقي اللي يقولك 20

كل الحكايه لو رشيت .. ممكن الشاري يحك معاك في 2000 جنيه مثلا .

لانه لو عجبته العربيه بيبقي معاه سمكري بيديله الاوكيه انها مش مقلوبه او عامله حادثه .

و انا بصراحه شايف موضوع ان عربيه تمشي في مصر من غير ما رفرف يتخبط و يترش دي مستحيله .

لكن دماغ المشتري المصري كده ...عاوزها متلمستش .... و لو راشه رفرف مثلا ... و عجبته العربيه ... ينتهزها فرصه عشان ينزل في سعرها ....

[M.Al-Hefnawy]

لو هو 1 مم زي ما بتقول ممكن بنفقطة سليكون صغيرة جداً تسده عشان ما يسربش ميه تحت فرش السقف بس

[tarek_2005]

بقلم بوية وتعالجه فقط

[eslam3344]

اللي هيحصل كالاتي حضرتك تروح تاني للسمكري بتاعك المحترم اللي قاللك علي المعلومه دي وتقوله انه يفكلك سقف الداخلي للعربيه وتخليه بمعجنلك النقطه دي من جوه عشان لو متعالجتش وبسرعه هتتسبب في بارومه في السقف كله ده لو سبتها ولو رشيت هتبقي مرشوشه سقف فالحلين كلاهما مر يبقي احنا بكل بساطه حضرتك هتروح تمعجنه من الداخل وتدور علي ورق كاربون بلون عربيته وتشد السقف كله كاربون

[4fun14]

اللي هيحصل كالاتي حضرتك تروح تاني للسمكري بتاعك المحترم اللي قاللك علي المعلومه دي وتقوله انه يفكلك سقف الداخلي للعربيه وتخليه بمعجنلك النقطه دي من جوه عشان لو متعالجتش وبسرعه هتتسبب في بارومه في السقف كله ده لو سبتها ولو رشيت هتبقي مرشوشه سقف فالحلين كلاهما مر يبقي احنا بكل بساطه حضرتك هتروح تمعجنه من الداخل وتدور علي ورق كاربون بلون عربيته وتشد السقف كله كاربون

والله حل معقول جدا... بس كون السقف متمعجن ده مش مشكله يوم ما احب ابيع؟... بخصوص موضوع قلم البويه ده واضح اني مشرحتش المشكله بصوره واضحه.. هو . خرم. مش كبير ف اتساعه لكن واصل.. غويط يعني واعتقد لولا ان مكانه فوق لمبه الصالون بتلظبط كان ممكن يبان. من جوه الصالون

[eslam3344]

انصحك بالحل اللي قولتلك عليه منعا لدخول اللبارومه وسيبك بقي من البيع والشراء صدقني دي عربيتك ومالك اتمتع بيها كيفما تشااااااااااااااااااااااااااااااااااااااااااء والشاري اللي جاي بعد كده عاجبه علي كده عاجبه مش عجبه في عربيات كتير وانت ربنا هيكرمك بزيون احسن انما انت تعمل الصح بالنسبه لعربيتك

[dedi]

هى موديل لانوس وان يعنى موديل 2000 يعنى بقالها 13 سنة اعتقد انة صعب جدا انك تلاقى موديل 2000 ولم ترش حتى نظافة اهم شئ الاساسات و الدواخل لم ترش
على فكرة انا موديل 2000 ولم ارش السقف بعد ولكنة شكلة صعب و لازم يترش قريبا

[4fun14]

هى موديل لانوس وان يعنى موديل 2000 يعنى بقالها 13 سنة اعتقد انة صعب جدا انك تلاقى موديل 2000 ولم ترش حتى نظافة اهم شئ الاساسات و الدواخل لم ترش
على فكرة انا موديل 2000 ولم ارش السقف بعد ولكنة شكلة صعب و لازم يترش قريبا

ههههه هى موديل 99 ولغايه 4 شهور فاتوا مكنتش اترشت لا بره ولا جوه بس ولاد الحلال عملوا معايا السليمه وكويس انها جت على قد كده
بالنسبه للسقف اكيد عارف شكله باه عامل ازاى لكن حل جلاد الكربون ده مثالى جدا..مش عارف سعره كام بالظبط لكن متخيل مش هيوصل ل 100 جنيه مثلا..يبقه السقف شكله طبيعى ولما تبيع محدش هيقرفك ويقولك مقلوبه والخرف ده..
لكن طبعا زى ما قال استاذ اسلام دى عربيتك اعمل فيها اللى على كيفك انشالله تعملها بوستر ع الاسفلت ولما تيجى تبيع تجيب السعر اللى تجيبه مش هنخدم على اللى هيشتريها من دلوقت

[elpasha1]

انت قلقان لية من رش السقف
انا كنت راشش لعربية كلها واتباعت وبالسعر اللي انا عاوزة
خد بالك من نقطة وهي ان عربيتك بياعة واي وقت هتقول لبيع تاني يوم مش هتلاقيها

[eslam3344]

اضم صوتي لكل الاخوه اللي ردوا بعد كلامي وخصوصا كلمة اني مش هخدم علي اللي اللي هيشتريها من دلوقتي وعلي فكره انا لما ان شاء الله هشتريها ومش هركب كسوه لاني من حقي اتمتع بفرش الفابريكا اللي هيعد عليه بعدي مش احسن مني