افيدونى يا رجالة الدايو

[dedi]

لى استفسار
1- اية اسباب تلف الالكترونى الذى واصل بة اسلاك البوجيهات واية اخبار الصينى منة
2- العربية بتعمل معى 120 كيلو فى الصفيحة و موش باقف فى اشارات كتير و موش باحرق بيها اية سبب الاستهلاك العالى انا عندى مشكلة فى ثرموستات الكوعة هى غالبا باظت وهى فاتحة يعنى العربية بتاخذ وقت على ماالامبير الحرارة يرفع و الميكانيكى نصحنى اليوم اننا داخلين على صيف و كمان ممكن تشترى جديد و يكون صينى و يتلف وهو قافل فتبقى مشكلة كبيرة و تانى شئ العربية بتستهلك زيت شوية بس موش عارف بسبب الصبابات ولا بداية تلف الشمبر و حساس الاكسجين لسة مغيرة و قرايتة كويس و الرشاشات قرايتها كويسة بس انا حسيت بالاستهلاك الكتير بعد ما غيرت اللرشاشات من دايو الى رشاشات هيونداى التى مفروض اوفر فى البنزين
هو حط السماعة على الرشاشات فقال لى قية واحد بايظ و لكن لما قرى بالاسكانر قال لى كلهم تمام و هم موش بياخروافى الدوارة
ماعلش طولت عليكم والف شكر

[kagawa]

1هو حط السماعة على الرشاشات فقال لى قية واحد بايظ و لكن لما قرى بالاسكانر قال لى كلهم تمام و هم موش بياخروافى الدوارة

متاكد انه حط سماعه ولا خشبه طرفها علي ودنه وطرفها علي الرشاشات ؟
والله ما بهرج

لانه في صديق هنا قال انه راح عند ميكانيكي كان عنده مشكله في طرمبه الميه
والميكانيكي كشف عليها بالخشبه
ولما انا علقت علي الحكايه دي المراقب 2 اداني ايقاف
فا معلش ياريت تشرح ازاي كشف بالسماعه ؟؟

وشكرا

..

..

[dedi]

هو انا سمعت قبل كدة موضوع السماعة من زمان و سخرت منة جدا جدا
النهاردة لقيتة جاب السماعة بس لها طرف طويل و وضعها على الرشاشات و خلانى اجرب ووضعتها على اذنى بس للامانة تسمع صوت تكتكة الرشاشات بوضوح شديد و دة عن تجربة شخصية

[gmslem]

متاكد انه حط سماعه ولا خشبه طرفها علي ودنه وطرفها علي الرشاشات ؟
والله ما بهرج

لانه في صديق هنا قال انه راح عند ميكانيكي كان عنده مشكله في طرمبه الميه
والميكانيكي كشف عليها بالخشبه
ولما انا علقت علي الحكايه دي المراقب 2 اداني ايقاف
فا معلش ياريت تشرح ازاي كشف بالسماعه ؟؟

وشكرا

للحق الميكانيكي امامي احضر ماسورة طويلة و كان يضع طرفها على حتت متفرقة في الموتور ويسمع الصوت ؛؛؛ حتي يعرف فين العيب ... وهذا اسلوب معروف .

..

..

[dedi]

طيب يا جماعة ما حدش افادنى هو الاسئلة صعبة

[dedi]

كل المشاهدات دى و ماحدش قال رأية فى المشكلة
لو الموضوع صعب بلاش السؤال الاول و خلينا فى موضوع البنزين و استهلاكة

[truss]

1- اسباب تلف الموبينة مش عارف, لكن انت بتشتكى منها فى ايه و عايز تغيرها ليه؟

2- ثرموستات الكوعة لو فاتح و معلق هيخلى العربية تاخد وقت طويل على ما تسخن و لو ماشى على طريق مفتوح انسى ان العربية تسخن, و استهلاك البنزين بيكون زيادة و العربية باردة و دة ممكن يكون سبب

3- بالنسبة لاستهلاك الزيت هل فيه اى تسريب زيت حول الموتور؟ هل فيه دخنة زيت محروق من العربية ؟ و لثناء بداية التدوير صباحا هل فيه دخنة ؟

[dedi]

1- اسباب تلف الموبينة مش عارف, لكن انت بتشتكى منها فى ايه و عايز تغيرها ليه؟

2- ثرموستات الكوعة لو فاتح و معلق هيخلى العربية تاخد وقت طويل على ما تسخن و لو ماشى على طريق مفتوح انسى ان العربية تسخن, و استهلاك البنزين بيكون زيادة و العربية باردة و دة ممكن يكون سبب

3- بالنسبة لاستهلاك الزيت هل فيه اى تسريب زيت حول الموتور؟ هل فيه دخنة زيت محروق من العربية ؟ و لثناء بداية التدوير صباحا هل فيه دخنة ؟

متشكر لرد حضرتك
هى موش البوبينة يا غالى انا قصدى الاسلاك البوجيهات بتكون واصلة من البوجيهات الية الميكانيكى قال اسمة الالكترونى و عندما تلف تشعر انى العربية شغالة 3 بوجيهات و تنتش و تقطع بس انا غيرتة 3 مرات على فترات و غالبا سبب تلفة اهمال تغيير سلوك الوجيهات
ثرموستات الكوعة لم ينصح الميكانيكى بتغيرها بل قال ان الجو الان صيف و كمان اغلب ترموستات فى السوق صينى و بتبوظ بسرعة و بتبقى مشكلة لو باظت و هى قافلة و قال لى احنا بنفك ترموستات الكوعة حتى لو كانت شغالة
يوجد دخنة فى الصباح بس موش عارف احدد لونها من يومين حطيت 2 علبة زيت شمبر و لا حظت انة قلت الدخانة فى الصباح فكدة ممكن يكون صبابات و لا شمبر
ماعلش للاطالة تحياتى

[truss]

متشكر لرد حضرتك
هى موش البوبينة يا غالى انا قصدى الاسلاك البوجيهات بتكون واصلة من البوجيهات الية الميكانيكى قال اسمة الالكترونى و عندما تلف تشعر انى العربية شغالة 3 بوجيهات و تنتش و تقطع بس انا غيرتة 3 مرات على فترات و غالبا سبب تلفة اهمال تغيير سلوك الوجيهات
ثرموستات الكوعة لم ينصح الميكانيكى بتغيرها بل قال ان الجو الان صيف و كمان اغلب ترموستات فى السوق صينى و بتبوظ بسرعة و بتبقى مشكلة لو باظت و هى قافلة و قال لى احنا بنفك ترموستات الكوعة حتى لو كانت شغالة
يوجد دخنة فى الصباح بس موش عارف احدد لونها من يومين حطيت 2 علبة زيت شمبر و لا حظت انة قلت الدخانة فى الصباح فكدة ممكن يكون صبابات و لا شمبر
ماعلش للاطالة تحياتى

فى الدايو سلوك البوجيهات بتكون واصلة من البوجيهات الى البوبينة مباشرةً مفيش اى حاجة ما بينهم, البوبينة بتكون جزء اسود راكب فى ضهر بيت الكامة و طالع منه سلوك للبوجيهات
سبب ان العربية تتلت او تنتش او تقطع دة عيب سلوك بوجيهات او البوجيهات نفسها, هل دول غيرتهم ولا لأ؟

ما تلغيش ثرموستات الكوعة و هاته جى ام اصلى و متخافش, لأن الغاؤه هيخلى العربية باردة و تاكل بنزين

بالنسبة للدخنة فى الصباح, لونها ابيض و لا ايه؟, هل فيه ريحة طالعة مع الدخنة دى ولا لأ؟, و الدخنة اثناء بداية الدوراة بس ولا مستمرة؟
لأنها لو دخنة زيت لونها بيكون ابيض كثيف مائل للازرق و معاه ريحة سيئة (ريحة زيت محروق)

[dedi]

فى الدايو سلوك البوجيهات بتكون واصلة من البوجيهات الى البوبينة مباشرةً مفيش اى حاجة ما بينهم, البوبينة بتكون جزء اسود راكب فى ضهر بيت الكامة و طالع منه سلوك للبوجيهات
سبب ان العربية تتلت او تنتش او تقطع دة عيب سلوك بوجيهات او البوجيهات نفسها, هل دول غيرتهم ولا لأ؟

ما تلغيش ثرموستات الكوعة و هاته جى ام اصلى و متخافش, لأن الغاؤه هيخلى العربية باردة و تاكل بنزين

بالنسبة للدخنة فى الصباح, لونها ابيض و لا ايه؟, هل فيه ريحة طالعة مع الدخنة دى ولا لأ؟, و الدخنة اثناء بداية الدوراة بس ولا مستمرة؟
لأنها لو دخنة زيت لونها بيكون ابيض كثيف مائل للازرق و معاه ريحة سيئة (ريحة زيت محروق)

شكرا لردك هى البوبينا التى تلفت و قد غيرت البوجيهات وبعدها البوبينة وبعدهم السلك بس الشئ الغريب انها غيرتها مرتين من قبل و فى نفس الظروف البوجيهات و السلوك لم اغيرهم من فترة و كانوا شغالين و فجاة بدات السيارة تنتش فرحت للميكانيكى و غيرت البوجيهات ثم السلك ثم البوبينة موش عارف اية اسباب التلف و بدون مقدمات و هل تلف البوبينة انى لم اغير السلوك و البوجيهات و هل لهم موعد للتغيير
سعر ترموستات الكوعة كام و هل تلف الترموستات يسبب الاستهلاك الرهيب دة للبنزين
النهاردة ركزت فى لون الدخان هو ابيض كثيف مائل للازرق كدة صبابات و لا شمبر
ماعلش للاطالة لك تحياتى

[truss]

شكرا لردك هى البوبينا التى تلفت و قد غيرت البوجيهات وبعدها البوبينة وبعدهم السلك بس الشئ الغريب انها غيرتها مرتين من قبل و فى نفس الظروف البوجيهات و السلوك لم اغيرهم من فترة و كانوا شغالين و فجاة بدات السيارة تنتش فرحت للميكانيكى و غيرت البوجيهات ثم السلك ثم البوبينة موش عارف اية اسباب التلف و بدون مقدمات و هل تلف البوبينة انى لم اغير السلوك و البوجيهات و هل لهم موعد للتغيير

سلوك البوجيهات لو فيها قطع او تالفة و اتسابت كتير ممكن تأثر على البوبينة
خلى بالك البوبينة الصينى مش هتعيش كتير, و اتأكد ان السلوك سليمة و البوجيهات سليمة و فتحة البوجيه مظبوطة

سعر ترموستات الكوعة كام و هل تلف الترموستات يسبب الاستهلاك الرهيب دة للبنزين

اخر مرة جبته كان من شهرين ب 55 جنيه جى ام , الثرموستات لو فاتح على طول العربية هتفضل باردة و استهلاك البنزين بيكون زيادة و العربية باردة

النهاردة ركزت فى لون الدخان هو ابيض كثيف مائل للازرق كدة صبابات و لا شمبر

هل الدخنة اثناء بداية الدوارة الصبح فقط و بعدين بتختفى, و لا بتفضل على طول ؟

[dedi]

ممكن اعرف يعنى اية فتحة البوجيهات سليمة ما حدش بيزبط فتحة البوجيهات بيركبوها على طول من العلبة و لو مفترض ضبطها بالفيلر اعتقد اسمة و عللى مقاس كام ولو لو يضبط اية الضرر
تخيل فتى الميكانيكية يقولوا انهم بيفكوا ترموستات الكوعة و بيرموها حتى لو كانت كويسة
الدخانة لا حظتها فى الصباح فقط تقريبا بس هى خفت شوية بعد اضافة 2 علبة زيت الشمبر و هو امريكى يا ترى اية سببها
والف شكر ليك تعبتك معى بس كلك زوق

[truss]

ممكن اعرف يعنى اية فتحة البوجيهات سليمة ما حدش بيزبط فتحة البوجيهات بيركبوها على طول من العلبة و لو مفترض ضبطها بالفيلر اعتقد اسمة و عللى مقاس كام ولو لو يضبط اية الضرر
تخيل فتى الميكانيكية يقولوا انهم بيفكوا ترموستات الكوعة و بيرموها حتى لو كانت كويسة
الدخانة لا حظتها فى الصباح فقط تقريبا بس هى خفت شوية بعد اضافة 2 علبة زيت الشمبر و هو امريكى يا ترى اية سببها
والف شكر ليك تعبتك معى بس كلك زوق

العفو مفيش تعب ولا حاجة

فى اللانوس فتحة البوجيه بتتظبط على 0.70 مم

للأسف معظم الميكانيكية و الصنايعية فى مصر فتايين, لذلك تقريبا مفيش ميكانيكى معين بتعامل معاه

غالباً اعراض دخنة الزيت مع بداية الدوارة الصبح بتكون كاوتش صباب بيكون نشف و بيسرب زيت للاسطوانات لما العربية تتركن بالساعات, و لما بتحط زيت شنبر دة بيعمل على انه بيتقل الزيت شوية و يملا اماكن التسريب فى كاوتش الصباب الى حد ما.

[osamafarouk]

بتركب بوجهات نوعها اية
النوبيرا لازم يركبلها ngkr مفيش حد يركب غيرة

[dedi]

العفو مفيش تعب ولا حاجة

فى اللانوس فتحة البوجيه بتتظبط على 0.70 مم

للأسف معظم الميكانيكية و الصنايعية فى مصر فتايين, لذلك تقريبا مفيش ميكانيكى معين بتعامل معاه

غالباً اعراض دخنة الزيت مع بداية الدوارة الصبح بتكون كاوتش صباب بيكون نشف و بيسرب زيت للاسطوانات لما العربية تتركن بالساعات, و لما بتحط زيت شنبر دة بيعمل على انه بيتقل الزيت شوية و يملا اماكن التسريب فى كاوتش الصباب الى حد ما.

طيب انا كنت قريت هنا عن زيت ممكن ان يوضع مع الموتور علشان مشكلة الصبابات و فية ناس قالت انة بيجيب نتيجة لا باس بها فأية رأيك
وأية تأثير الاهمال على المدى الطويل لو أهملت فى الصبابات لانة الميكانيكى قال لى ممكن نفتح فى الصبابات نفاجئ بانها شمبر وممكن تصرف
وشكرا ليك