نويت إن شاء الله أشد اللانوس

[popahly]

السلام عليكم ورحمة الله وبركاته

تحياتى وتقديرى للجميع،،،

إن شاء الرحمن قررت إنى أشد اللانوس كدا شدة حلوة اليومين الجايين، سمكرة ودوكو ورش كامل، رحت لسمكرى إمبارح فرجته على الشغل اللى فى العربية وهو كالتالى: تظبيط عتب ودا شغل بسيط، شغل فى الرفرفين اللى قدام خبطات فيهم، البابين اللى ورا عاوزين يتظبطوا اى حد بيسند عليهم بيطبقوا (ماشى بسلاكة البلاعة على طول)، السقف فيه شغل بسبب الكلاب طبعاً معروفة، السقف من الطرف بالعرض فوق الباب الخلفى عاوز يترد ويتظبط، الكبوت فى شوية نقر تترد برضوا، الشنطة فيها نقرة من فوق برضوا عاوزة تتظبط، المهم هعمل العربية كاملة سمكرة التكلفة بالعافية وصلت لـ (600ج).... وبالمناسبة هيحرق البوية كلها اللى فى العربية
ولسه الدوكو والرش واحد حبيبى هيعمل الدوكو قدام البيت عندى والرش هنشترى البوية ونروح نرشها فى فرن يعرفه... فعاوز اعرف التكلفة بتاعة الكلام دا ممكن تخش فى كام، وهل ياترى سعر السمكرة مبالغ ولا كويس..

ياريت نصايحكم... وياريت كمان شوية شغل ترويش فى العربية بعد الرش ياعنى مثلاً أجلد الإكصدامات بس، ونواكل والشغل دا... ياريت تفيدونى وشكراً جزيلاً....

[shaddadfalcon1]

بالتوفيق ان شاء الله انا كمان عايز اشد اللانوس بتاعتي عشانا لأسعار الهابله بتاعة اليومين دوول

بس انا هغير 4 ابواب واكصدام وارش كامل برده عشان عندي بارومه

[popahly]

بالتوفيق ان شاء الله انا كمان عايز اشد اللانوس بتاعتي عشانا لأسعار الهابله بتاعة اليومين دوول

بس انا هغير 4 ابواب واكصدام وارش كامل برده عشان عندي بارومه

ً
شكراً ليك على مرورك، بصراحة الأسعار هبلة فى كل حاجة جداً جداً، وان شاء الله ربنا يوفقك فى شغل البارومة دا، وربنا يسهل الأمور لينا جميعاً.

[aldesha989]

السعر كويس لو الشغل كويس والسمكرى شغله انتا ضامنه

انا كان فى عربيه ابن خالتى غير باب وسمكر عتب وحته فى القايم اليمين تحت اخد 800 جنيه وعلى شغل بسيط بس كان محترف

[popahly]

السعر كويس لو الشغل كويس والسمكرى شغله انتا ضامنه

انا كان فى عربيه ابن خالتى غير باب وسمكر عتب وحته فى القايم اليمين تحت اخد 800 جنيه وعلى شغل بسيط بس كان محترف

هو الصراحة اللى رشحهولى صديقى بتاع الدوكو، كان عندهم ورشة زمان وكان السمكرى دا صنيعى عندهم ومتعلم منهم الشغل كله، وبيقولى عليه انه ضامنه وكويس جداً، هو اللى يضمنهولى صاحبى دا، هى النقطة كلها انك ازاى تعرف انه محترف غير اما تشوف شغل ليه، انا شوفت عربية هناك كان سقفها جايله بايظ خالص وظابطها ومزرجنها كويس زى مشوفت بعينى... يقال انه صنيعى كويس.

[Abo Yasso]

طالما محترف يبقى يستاهل المبلغ ده ..........لآن لو فى عيوب فى الشغل للاسف مش هتبان غير بعد ما تاخد فرن ..........وبعدين صحبك قالك انه تمام بص موضوع البويه ممكن تشوفه هنا

http://www.nilemotors.net/Nile/337136-a.html

[popahly]

طالما محترف يبقى يستاهل المبلغ ده ..........لآن لو فى عيوب فى الشغل للاسف مش هتبان غير بعد ما تاخد فرن ..........وبعدين صحبك قالك انه تمام بص موضوع البويه ممكن تشوفه هنا
http://www.nilemotors.net/nile/337136-a.html

ألف شكر ليك يا وائل على اللينك هبص عليه بالتأكيد.. جزاك الله كل خير

[Abo Yasso]

ألف شكر ليك يا وائل على اللينك هبص عليه بالتأكيد.. جزاك الله كل خير

وجزاك بمثله
مفيش داعى للشكر كلنا موجدين هنا عشان نساعد بعض
المهم ابقى طمنا لما تخلص ونعرف التكاليف
ربنا معاك

[popahly]

وجزاك بمثله
مفيش داعى للشكر كلنا موجدين هنا عشان نساعد بعض
المهم ابقى طمنا لما تخلص ونعرف التكاليف
ربنا معاك

إن شاء الله طبعاً هتابع معاكم مراحل الشد واحدة واحدة، وهبقى أقول طبعاً على كل التفاصيل..

شاكر جداً..

[mostafa mahmod]

متابع معاك لانى ناوى عالتجديد برضه كمان شهر كده

[alto_nx]

لسه راشش اكصدمين وباب يمين و عامل شوية سكمرة بساط

التكلفة 300 جنية رش اكصدمين وباب

100 جنية سمكرة

[mahmoudysf]

انت هتحرق العربية كلها ليه

[popahly]

متابع معاك لانى ناوى عالتجديد برضه كمان شهر كده

وان شاء الله هتابع معاكم برضوا

لسه راشش اكصدمين وباب يمين و عامل شوية سكمرة بساط

التكلفة 300 جنية رش اكصدمين وباب

100 جنية سمكرة

تمام جداً شاكر جداً على مشاركتك معانا، بس ايه اخبار السمكرة معاك كانت كويسة ؟

انت هتحرق العربية كلها ليه

علشان العربية كان معمول فيها كبوت وجنب قبل كدا وكان البيه اللى عاملها مديها معجون لحد اما عميت معجنة، فى اماكن معينة وباينة قوى عندى كمان فى العتب..

[mahmoudysf]

؟




علشان العربية كان معمول فيها كبوت وجنب قبل كدا وكان البيه اللى عاملها مديها معجون لحد اما عميت معجنة، فى اماكن معينة وباينة قوى عندى كمان فى العتب..

لو كدة يبقى فعلا لازم تحرقها كلها
مع ملاحظة ان السمكلرة تكون مية مية عشان يعدل كل العيوب
وبتاع الدوكو يكون استاذ ومتابع معاك السمكرة
واشترط علية ان العربية ما تاخدش معجون كتير

[popahly]

لو كدة يبقى فعلا لازم تحرقها كلها
مع ملاحظة ان السمكلرة تكون مية مية عشان يعدل كل العيوب
وبتاع الدوكو يكون استاذ ومتابع معاك السمكرة
واشترط علية ان العربية ما تاخدش معجون كتير

الله يكرم ان شاء الله وربنا يسترها معانا جميعاً