هسافر الغردقه ان شاء الله

[Abo Yasso]

نصيحه من سواق انا باثق فيه جداااااااااااااااااااااااااااااااااااااااااااااااا ا
لو مش واثق فى عربيتك
1- أقصى سرعه تمشى عليها هيه 100 كيلو
2- لو مشوار أزيد من 200 كيلو يبقى تريح كل ساعه ونصف لمدة 15 دقيقه
3- لما تيجى تريح العربيه لازم تسيبها على السلانسيه لمدة 30 ثانيه قبل ما تبطل (خاصه للعربيات السولار)
4- بعد ما تسيب العربيه تهدأ بالراحه جداااااااااااااااااااا افتح غطا القربه حاجه بسيطه وخرج الهوا واقفل تانى على طول - وخلى بالك من البخار انه يحرق ايدك
5- قبل السفر أتأكد ان الميه فى العربيه مظبوطه - ومهم جدا انها ما تكونش زياده
6- يفضل قبل ما تسافر تراجع على كل سوائل العربيه وبعد كده تركن العربيه على مكان نظيف وبعد ساعتين تلاته تبص تحت العربيه وتشوف هل فيه اى تسريب للسوائل على الارض ولا لأ
7- الكاوتش لازم يتظبط هوا او نيتروجين والعربيه بارده
8- دعاء السفر

بصراحه مفيش كلام يتقال بعد الكلام ده
بس حاول انك تمسك الطريق الصبح وترجه بالسلامه كمان الصبح انت بتقول معاك الآولاد
واليومين دول على طرق السفر الواحد يتفحت فى الزحمه افضل ما يبقى ماشى على الطريق لوحده
ربنا يسترها مع الجميع

[مصطفى-حسن]

الف شكر zarif بس الحلو ما يكملش
انا هروح الغردقه مع الاولاد ياسين 3 سنين و سما لسه 8 شهور فهبقى صعب اعمل حاجات كتير نظرا لسنهم الصغير و انتو عارفين البت بتعيط و الواد عاوز يدخل الحمام و الحاجات دي
و كمان انا مش نازل فى الغردقه نفسها ده انا نازل فى موفيمبيك سوما باي وده بعد الغردقه بحوالى 50 كيلو

ممكن احبس العيال و امهم و اعمل كل الحجات الحلوه اللى بتقول عليها
:)
ربنا المستعان و العربيه ما تقلش معايه بس و كلو هيبقى تمام ان شاء الله

الاول ابحث عن اوناش انقاذ فى الغردقة على النت واتصل بيهم عشان تتاكد ان الاوناش فى الغردقة من باب الاحتياط يعنى بحيث لو حصل حاجة فى العربية على الطريق الونش يجيى ياخدك وتصلح عربيتك فى الغردقة فى الدهار من غير ما تبوظ رحلتك

تانى حاجة قولى هتقعد كام يوم وانا اقولك اية الرحلات اللى تنفعك حتى لو معاك اطفال رضع

[maged]

متقلقش خالص انا سافرت جرجا تبع سوهاج مسافة 600 كيلومتر بعربيه سوزوكى ماروتى 2008 عادى ورجعت بعد يومين متقلقش وتوكل على الله وخلى بالك من الملفات اللى من السخنة حتى الزعفرانة غلسه اوى

[rabso88]

الاول ابحث عن اوناش انقاذ فى الغردقة على النت واتصل بيهم عشان تتاكد ان الاوناش فى الغردقة من باب الاحتياط يعنى بحيث لو حصل حاجة فى العربية على الطريق الونش يجيى ياخدك وتصلح عربيتك فى الغردقة فى الدهار من غير ما تبوظ رحلتك

تانى حاجة قولى هتقعد كام يوم وانا اقولك اية الرحلات اللى تنفعك حتى لو معاك اطفال رضع

انا ان شاء الله هسافر يوم الجمعه الصبح وارجع يوم الاثنين باذن الله

[مصطفى-حسن]

انا ان شاء الله هسافر يوم الجمعه الصبح وارجع يوم الاثنين باذن الله

حلو الكلام
قول مثلا انك هتوصل العصر بأذن اللة
بعد ما توصل وتنزل الشنط وتظبط دنيتك
هتاخد الاولاد بالعربية وتخش الغردقة نفسها واسال على الشارع الرئيسى اللى فية موقف الاتوبيس (السوبر جيت) الشارع دة فى نهايتة مكاتب السياحة لف عليهم الاول وخد فكرة عن الاسعار وطبيعة الرحلات وفهم المندوب انك معاك اطفال يعنى يختارك لك الرحلات اللى تنفع مع ظروفك

وهتلاقى على فكرة كذا رحلة تنفع معاك
ومتقلقش الاسعار فى اللذيذ

بعد ما تحجز الرحلات بتاعتك ... طيران على المارينا بتاعة اليخوت (جامدة طحن) بالليل وبالنهار بس خلى بالك الكافتريات هناك اللى فى وش اليخوت غالية والدخول مجانى للمارينا

بعد كدة بالليل عنك الممشى السياحى
اركن العربية فى الاماكن المخصصة واستمتع بالتمشية والتسوق لو ليك مزاج وبالجمال المعمارى بتاع الفنادق

نصيحة بسيطة لو القرية اللى انت نازل فيها مش منظمة لك رحلات متحاولش تجتهد مع نفسك لان سعر الرحلات فى المكاتب السياحية هى هى سعرها فى مكان الرحلة او بفرق بسيط جدا

بمعنى ابسط هنفترض انك حبيت تروح رحلة القارب الزجاجى فهتركب عربيتك وتلف وتسأل لحد ما توصل للمكان وبعدين تحجز وبعدين تروح تانى يوم

وبعدين لو عاوز تروح رحلة تانية هتقعد تسال اية اللى ينفع معايا عشان الاطفال وتلف وتدور..

مكاتب السياحة بتوفر عليك المشقة دى لان عندة برنامج بكل الرحلات السياحية ويوم ما بيكون فية فرق بيكون 10 او 15 ج عن مكان الرحلة الاصلية وبتكون شاملة الانتقالات

يعنى بالبلدى كدة هتوفر على نفسك اللف والدوخة وضياع الوقت مقابل حاجة بسيطة

وتروح وترجع بالسلامة ان شاء اللة

[mohamed_selim]

باشا بيقولك نازل فى سوما باى مش فى الغردقه !

[مصطفى-حسن]

باشا بيقولك نازل فى سوما باى مش فى الغردقه !

مش واخد بالك معايا
الراجل مقالش ان فية برنامج معد سلفا للرحلة ام لا من المنظم لرحلة (سواء كان قرية اوفندق)
ومقالش النشاطات اللى هتكون فى الرحلة
ومعرفش اذا كان البرنامج هو حفلة شم النسيم وخلاص والباقى استجمام بالقرية او المنتجع ولا اية
الراجل مش مدى اى تفاصيل
فانا بحاول افيدة على قد ما اعرف
وبعدين ما انت عارف ان سفاجا اللى هى اقرب مدينة لية مفيهاش نشاطات قد كدة
والمسافة كلها من سفاجا للغردقة تقريبا 55 او 60 كيلو كنت باخدها بالعربية فى 40 دقيقة
انا بدى للراجل بدائل فى حالة عدم وجود برنامج
بحاول اساعد مش اكتر

[rabso88]

مش واخد بالك معايا
الراجل مقالش ان فية برنامج معد سلفا للرحلة ام لا من المنظم لرحلة (سواء كان قرية اوفندق)
ومقالش النشاطات اللى هتكون فى الرحلة
ومعرفش اذا كان البرنامج هو حفلة شم النسيم وخلاص والباقى استجمام بالقرية او المنتجع ولا اية
الراجل مش مدى اى تفاصيل
فانا بحاول افيدة على قد ما اعرف
وبعدين ما انت عارف ان سفاجا اللى هى اقرب مدينة لية مفيهاش نشاطات قد كدة
والمسافة كلها من سفاجا للغردقة تقريبا 55 او 60 كيلو كنت باخدها بالعربية فى 40 دقيقة
انا بدى للراجل بدائل فى حالة عدم وجود برنامج
بحاول اساعد مش اكتر

يا باشا انت عملت الواجب و زياده و مافيش ولا مشاركه او رد قريتو الا و الحمد لله استفدت منو
بالنسبه للرحله للفندق هو فعلا ما فيش غير الاقامه فقط علشان كده قررت اسافر بالعربيه علشان لو حبيت اعمل اى نشاط العربيه تكون تحت رجلى فى اى وقت والعيال ماتتعبش معايه فى المواصلات خصوصا ان سوما باي دى بعد الغردقه بشويه حلوين
انا باذن الله تعالى هعمل بناصيحك فى نزولى للغردقه و اسال فى مكاتب السياحه عن موضوع المركب الزجاجى دى و ممكن انزل كمان الممشى السياحى

بس يارب يا رب العربيه تبقى تمام و ما يحصلش حاجه لانى للاسف خبرتى قليله فى الميكانيكا و الحاجات التقيله دى

[مصطفى-حسن]

يا باشا انت عملت الواجب و زياده و مافيش ولا مشاركه او رد قريتو الا و الحمد لله استفدت منو

الحمد لله

بالنسبه للرحله للفندق هو فعلا ما فيش غير الاقامه فقط علشان كده قررت اسافر بالعربيه علشان لو حبيت اعمل اى نشاط العربيه تكون تحت رجلى فى اى وقت والعيال ماتتعبش معايه فى المواصلات خصوصا ان سوما باي دى بعد الغردقه بشويه حلوين

كويس ان انا كان عندى بعد نظر وخمنت كدة

انا باذن الله تعالى هعمل بناصيحك فى نزولى للغردقه و اسال فى مكاتب السياحه عن موضوع المركب الزجاجى دى و ممكن انزل كمان الممشى السياحى

ممكن تدخل الممشى السياحى من ورا لما تكون جاى من طريق سفاجا اللى فية الفندق بتاعك وبعد ما تخلص الممشى طول قدام عند شارع شيرى هتلاقى مكاتب سياحة كتير


خلى بالك انا لما بنزل الغردقة بنظم اليوم انة يبقى فية رحلة بالنهار وخروجة بالليل عشان تستمع بالفسحة ومتضيعش ساعة واحدة فى اليوم

بس يارب يا رب العربيه تبقى تمام و ما يحصلش حاجه لانى للاسف خبرتى قليله فى الميكانيكا و الحاجات التقيله دى

متنساش بس موضوع ونش انقاذ فى الغردقة من باب الاحتياط
ولقدر الله لو حصل حاجة منطقة الدهار مليانة ورش


ومتخدش الطريق علطول اعمل رست فى الزعفرانة ورست فى راس غارب

[blazer]

الغطس الحر دة تكنيك كتم النفس وفسيولوجيا جسم بشرى

مالوش دعوة خالص انك تقف على حاجة وتضرب غطس فى المية

أقف على حاجه ازى؟
انا اقثد لما اكون جوه فى البحر يعنى العمق تحتى كبببير 10 متر مثلا مش بعرف انزل جامد تحت والمشكله مش فى كتم النفس المشكله انى مش بعرف انزل تحت كتير :D معلش لصاحب الموضوع قلبناه درس لتعليم الغطس

[مصطفى-حسن]

أقف على حاجه ازى؟
انا اقثد لما اكون جوه فى البحر يعنى العمق تحتى كبببير 10 متر مثلا مش بعرف انزل جامد تحت والمشكله مش فى كتم النفس المشكله انى مش بعرف انزل تحت كتير :d معلش لصاحب الموضوع قلبناه درس لتعليم الغطس

بص يا معلم
عشان تغطس حر لازم تتعلم الاول تكنيك كتم النفس لاطول فترة بعد ممارسة تمارين توسيع الرئة
ولازم تبقى عارف اية العضلات اللى بتحرق الاكسجين اللى انت كاتمة فى صدرك وتتلاشى تشغيها او تقللة
بعد كدة بتستغل وزن جسمك العمودى والجاذبية الارضية عشان تنزل للقاع تسلل مش بعنف

تمام كدة

عشان تغطس بدون زعانف لازم تمرن نفسك على توافق عضلى عصبى بين الذراعين والساقين لدفع نفسك داخل الماء

ولو هتغطس بزعانف يبقى استعد لانك توصل لاول مستويات الضغط الجوى خلال 4 ثوانى من الغطسة العمودى ومطلوب منك انك تعادل الضغط والا ودانك (اذنيك) هتوجعك جدا جدا

بعد كدة لازم تكون مرنت نفسك على اجراءات الطوارى لما تكون فى غطسة حرة ونفسك يخلص وانت لسة فى العمق تحت

بس خلاص الموضوع مش معقد

[blazer]

لو فيه فديو على اليوتيوب يبقى تسلم ايدك

[مصطفى-حسن]

لو فيه فديو على اليوتيوب يبقى تسلم ايدك

بصراحة مش عارف فى فيديو تعليمى ولا لا
ابحث وشوف