علاج تسقيف الموتور

[ehab77]

انا معايا جوليت مو99
ومواظب على مواعيد الصيانة الدورية
العربية من فترة الموتور بيسقف فى المطالع وعلى الطريق العادى كمان
الميكانيكى مصمم انه عيب بنزين وخصوصا بعد ماكشف عليها بالكمبيوتر والحمد لله كله مظبوط
بصراحة انا مش مقتنع
لانى بحط بنزين من كل البنزينات تقريبا يعنى مش مثبت واحدة معينة مش معقولة كلهم بيغشوا
الموتور بيسقف لدرجة انى بحس انها 127 ومش قادرة تمشى مع احترامى الشديد لها
ارجو الافادة جزاكم الله خيرا

[mem]

حضرتك بتحط بنزين ايه

[أحمد عبدالله]

جوان وكاوتش الصباب

[tarek_2005]

عيب خنيق جداً وموجود في عربيتي وبدور له علي سبب وان شاء الله هوصل لحل
اخر حاجة بفكر فيها
تغيير حساس كرنك وطنبورة الكرنك

[ehab77]

شاكر للمجهودات
بحط بنزين 92 ديما
والميكانيكى كشف على الحساسات بالكمبيوتر وقال سليمة وزى الفل
الموضوع خنيق فعلا

[hanosh]

شاكر للمجهودات
بحط بنزين 92 ديما
والميكانيكى كشف على الحساسات بالكمبيوتر وقال سليمة وزى الفل
الموضوع خنيق فعلا

بتحصل معاى احيلنا وفعلا لو مفيش ايرور فى المتور بيظهر فى الكمبيوتر بيكون فعلا بنزين زفت
وانا لما بيحصل معاى ده بستخدم stp اللون الفضى وده بينظف دورة البنزين كامل وده طبعا اقل مده لاستخدمه 10000 كيلو وفى الغالب بتعمل كده مع تغيير الزيت والفلتر 10000 والعربية بعدها بتحس انها لسا طالعه من المعرض وطبعا بعد مده كبيرة ومع البنزين الزبالة بيرجع الحوار ده تانى
وعلى فكرة مش معنى انك بتمون بنزين 92 بيكون فعلا بنزين 92
لانى فى بعض المحطات ان مكانش اغلبها لما بتيجى عربية بنزين مثلا 80 ويفضى فى تنك بنزين 80 بيتملى التنك الارضى ولسا العربية فيها بنزين 80 يروح يفضى الباقى يا اما فى تنك 90 او 92 وانت وحظك
والكلام ده من واحد صاحب محطة بنزين بنفسه

[truss]

احياناً لما يكون فيه مشكلة فى دورة التبريد بيخلى الموتور حرارته ترتفع و العربية تسقف

[Abo Yasso]

متابع

[mostafa mahmod]

جرب و مش هتخسر حاجه
حط منظف دوره بنزين و منظف رشاشات و نضف الفلاتر او غيرهم
شوف بوجيهاتك و سلوكهم نضف البوابه
اهو منه يبقى عملتلها صيانه و منها تشوف يمكن العيب فى حاجه من دول

[ehab77]

لسه عامل صيانة 140 الف كم
غيرت سيور كلها
بوجيهات
فلتر بنزين وهواء
نظفت الرشاشات والبوابة والايدل
غيرت زيت
كل ده ولسه المشكلة ظاهرة برخامة
قلت للميكانيكى اجيب منظف وقود قالى ده نصب ومش بيعمل حاجه

[mohmmedzohier]

السلام عليكم

خلى بالك انت ممكن تغير فلتر البنزين النهارده وتسيب العربيه بكره مفهاش بنزين والطلمبه تسحب الوساخه من اخر التانك واكنك ما غيرتش حاجه

نصيحه نطف فلتر البنزين تانى

2- فك الطلمبه ونطفها
3- شوف التنك فيه وساخه او ميه
4- تغير قلب الطرمبه

كل دا طبعا فلتر الهواء نطيف البوجيهات كويسه
اسلاكككككككككككككككككك البوجيهات كويسه

ومفيش مشكله فى الرشاشات

[ehab77]

ازاى اعرف ان التك فيه ميه؟؟.
انا عمرى بسيب المؤشر ينزل بعد النص.
يعنى التنك بيبقى فيه ربع وكمان شوية.

[هيثم احمد]

بتحصل عندى المشكلة لما امون بنزين من محطة على الطريق لاكن لما بامون من وسط البلد بيمنع وطبعا بحط بنزين 90 او 92 خلى بالك ممكن يكون كهرباء ذيادة فى العربية وده كان فى العربيات القديمة اللى فيها اسبرتير قديم لاكن الانوس فيها موبينة ومبتتظبتش ممكن تكون فيشة الاوكتان معلش معلوماتى على قدى
شوف باقى الاخوة فى المنتدى ممكن يكون عندهم جديد وربنا يوفقق

[aelmohamady]

اتاكد ان سلك الاكسراتير اللى مربوط فى البكرة مشدود كويس مش مرخى

[tefa22m]

كان عندى نفس المشكله بالظبط فى النوبيرا
و اخيرا الحمد لله ظبت فيشه الاوكتان على البنزين المستخدم و فرقت كتير جدا بفضل الله